၂၀၂၃ ခုနှစ်၊ ဇန်နဝါရီမှ နိုဝင်ဘာအထိ ၁၁ လတာကာလအတွင်း ရုရှားဖက်ဒရေးရှင်းနိုင်ငံ၏ ရေထွက်ကုန်များ တင်ပို့မှုမှာ ၂၀၂၂ ခုနှစ် အလားတူကာလနှင့် နှိုင်းယှဉ်ပါက ၁၃ ရာခိုင်နှုန်း တိုးမြှင့်လာပြီး ပမာဏတန်ချိန် ၂ ဒသမ ၁ သန်းအထိ ရောက်ရှိခဲ့ကြောင်း၊ တင်သွင်းမှုပမာဏမှာ တန်ချိန် ၅၄၇,ဝဝဝ ခန့်ရှိပြီး ယခင်နှစ် အလားတူ ကာလထက် ၁၀ ရာခိုင်းနှုန်း ပိုများခဲ့ကြောင်း ရုရှားငါးလုပ်ငန်း ဆိုင်ရာ ဖက်ဒရယ်အေဂျင်စီ (Russia’s Federal Agency for Fishery) က သတင်းထုတ်ပြန်ခဲ့သည်။

ရုရှားနိုင်ငံသို့ ကြက်ဥများ အပြည့်အဝထောက်ပံ့ပေးရန် အဆင်သင့်ဖြစ်နေပြီဖြစ်ပြီး တင်ပို့မှု များ စတင်နေပြီဟု တူကီယဲနိုင်ငံ ကြက်ဥထုတ်လုပ်သူများသမဂ္ဂ၏ အကြီးအကဲက ပြောကြားခဲ့သည်။

ရုရှားနိုင်ငံ၏ တိရစ္ဆာန်နှင့် အပင်ပိုးမွှားရောဂါကင်းရှင်းရေး ကြီးကြပ်ကွပ်ကဲမှုဌာန (Rosselkhoznadzor)သည် တူကီယဲနိုင်ငံ၏ ကုမ္ပဏီ ၂၁ ခုကို ရုရှားသို့ ကြက်ဥများ တင်ပို့ရန် ခွင့်ပြု ချက်ပေးထားပြီး ကုမ္ပဏီ ၃ ခုမှာ စတင်ပို့ဆောင်နေပြီဖြစ်သည်။

အိန္ဒိယနိုင်ငံတွင် ရာဘီ (ဆောင်းရာသီ) သီးနှံများ စိုက်ပျိုးမှုဧရိယာသည် လွန်ခဲ့သောနှစ်က ထက် ၅ ရာခိုင်နှုန်းကျဆင်းခဲ့ကြောင်း သိရသည်။ ၂၀၂၃ ခုနှစ်၊ ဒီဇင်ဘာလ ၁ ရက်နေ့အထိ ဟက် တာ ၄၃၄ ဒသမ ၆၆ သိန်းရှိပြီး ပုံမှန်စိုက်ပျိုးဧရိယာ၏ ၆၇ ရာခိုင်နှုန်းသာ ရှိကြောင်းနှင့် ယမန်နှစ်က ဟက်တာ ၄၅၈ ဒသမ ၇၇ သိန်းရှိခဲ့သည့်အတွက် ၅ ရာခိုင်နှုန်းကျဆင်းခဲ့ခြင်းဖြစ်ကြောင်း သိရသည်။ 

အိန္ဒိယနိုင်ငံသည် ၂၀၂၄ ခုနှစ် ဇန်နဝါရီတွင် မြန်မာနိုင်ငံမှ ပဲစဉ်းငုံ (ခွဲခြမ်း) တန် ချိန် ၄ သိန်းကိုလည်းကောင်း၊ ဖေဖေါ်ဝါရီလတွင် မတ်ပဲ (ခွဲခြမ်း) တန်ချိန် ၁ သန်းကို လည်းကောင်း တင်သွင်းသွားမည်ဖြစ်ပြီး၊ ပြည်တွင်း၌ ၎င်းပဲအမျိုးအစားများ၏ ဈေးနှုန်းများ မြင့်တက်လာမှုကို ထိန်းချုပ်နိုင်ရန် ယင်းသို့ဆောင်ရွက်ခြင်းဖြစ်ကြောင်း အိန္ဒိယအစိုးရ တာဝန်ရှိသူတစ်ဦးက Economic Times သတင်းစာသို့ ပြောကြားခဲ့သည်။ 

စိုက်ပျိုးရေးနှင့် စားသောက်ကုန်ပစ္စည်းများ တင်ပို့မှု ဖွံ့ဖြိုးတိုးတက်ရေး အာဏာပိုင်အဖွဲ့  (APEDA) ၏ အချက်အလက်များအရ အိန္ဒိယနိုင်ငံ၏ ဘာစမာတီဆန်အပါအဝင် လယ်ယာထွက် ကုန်တင်ပို့မှုမှာ ယခုနှစ် သြဂုတ်လ တင်ပို့နိုင်မှု တန်ချိန် ၂၇.၉၄ သိန်းနှင့် နှိုင်းယှဉ်ပါက စက်တင်ဘာလတွင် တန်ချိန် ၁၇ ဒသမ ၉၃ သိန်းသာ တင်ပို့နိုင်ခဲ့သဖြင့် တင်ပို့မှု ကျဆင်းခဲ့ကြောင်း၊ ဧပြီလနှင့် မေလတို့ တွင် လယ်ယာထွက်ကုန် တင်ပို့မှုမှာ ပျမ်းမျှတန်ချိန် ၃၃ သိန်းဝန်းကျင် ရှိခဲ့ကြောင်း၊ သို့ရာတွင် ဆန်ကွဲနှင့် ဘာစမာတီမဟုတ်သော ဆန်ဖြူအပါအဝင် ဆန်မျိုးစုံ တင်ပို့မှု အပေါ်ကန့်သတ်ချက်များ ကြောင့် လယ်ယာထွက်ကုန်များတင်ပို့မှုမှာ တန်ချိန် ၁၅ သိန်း

တရုတ်နိုင်ငံတောင်ပိုင်း ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရဒေသရှိ Youyiguan ဂိတ်သည် ယခင်က ထိုင်းနိုင်ငံမှ ဒူးရင်းသီးများကို အဓိကတင်သွင်းခဲ့သည်။ သို့သော် ဗီယက်နမ်မှ လတ်ဆတ်သော ဒူးရင်းသီးများသည် ပြီးခဲ့သည့်နှစ်တွင် တရုတ်နိုင်ငံသို့ ဈေးကွက်ဝင်ရောက်ခွင့်ရရှိပြီး နောက် ယခုအခါ ထိုင်းဒူးရင်းဈေးကွက်ကို အလျင်အမြန် အမီလိုက်လာကြောင်း သိရှိရသည်။

အီလက်ထရွန်းနစ်ပစ္စည်းများနှင့်အတူ စပါး၊ ကော်ဖီ၊ လက်ဖက်၊ ငရုတ်ကောင်း၊ ငရုတ်၊ နဂါးမောက်သီးနှင့် ပြုပြင်ထုတ်ပိုးထားသည့် ထုတ်ကုန်များကဲ့သို့သော စိုက်ပျိုးရေးထွက်ကုန်များသည် တရုတ်နိုင်ငံ Guangdong သို့ အဓိကတင်ပို့သည့် ဗီယက်နမ်နိုင်ငံ၏ ပို့ကုန်ပစ္စည်းများ ဖြစ်ကြသည်။

အိန္ဒိယသည် အရှေ့အလယ်ပိုင်းဒေသကို ကျော်လွန်၍ ကမ္ဘာလုံးဆိုင်ရာ ငှက်ပျောဈေးကွက် အဓိက အလားအလာကောင်းသည့် နိုင်ငံများဖြစ်သော အမေရိကန်၊ ရုရှား၊ ဂျပန်၊ ဂျာမနီ၊ တရုတ်၊ နယ်သာလန်၊ အင်္ဂလန် နှင့် ပြင်သစ်တို့ကဲ့သို့သော နိုင်ငံများသို့ ချဲ့ထွင်ပို့ဆောင်လျက်ရှိသည်။

အီဂျစ်ရှောက်သံပုရာတင်ပို့သူများအတွက် ရာသီအလွန်တွင် ပင်လယ်ဓါးပြများကြောင့် ကုန်စည်သယ်ဆောင်မှုလုပ်ငန်းများ ဆိုင်းငံ့ ထားရသည့် ပင်လယ်နီအကျပ်အတည်းက လွှမ်းမိုးထားဆဲ ဖြစ်ကြောင်း၊ အထူးသဖြင့် အာရှဈေးကွက် တင်ပို့သူများအနေဖြင့် Bab Al Mandab ရေလက်ကြားကိုဖြတ်၍ သင်္ဘောများ ဖြတ်သန်း သွားလာရန်  စိုးရိမ်ရကြောင်း Globagro’s Export မှ မန်နေဂျာ မာမွတ် အလ်မက်ဒယ်နီက ပြောသည်။