တရုတ်နိုင်ငံမှ အာဖရိကရှိ ဖွံ့ဖြိုးမှုအနည်းဆုံးနိုင်ငံ ၆ နိုင်ငံအတွက် အကောက်ခွန် ကင်း လွတ်ခွင့်ပြုခြင်းသည်  ၂၅-၁၂-၂၀၂၃ ရက်နေ့တွင် စတင်အသက်ဝင်ခဲ့ကြောင်းနှင့် အဆိုပါ လုပ် ဆောင်ချက်သည် တရုတ်နှင့် အာဖရိကတို့အကြား ကုန်သွယ်မှုကို ပိုမိုအားကောင်းစေမည်ဟု ကျွမ်း ကျင်သူများနှင့် စီးပွားရေးလုပ်ငန်းရှင်များက မှတ်ချက်ပြုထားကြောင်း ecns.cn သတင်း၌ ဖော်ပြ ထားသည်။

Angola၊ Gambia၊ Congo ၊ Madagascar၊ Mali နှင့် Mauritania တို့မှ ကုန်ပစ္စည်း (၉၈) % ကို ၂၅-၁၂-၂၀၂၃ ရက်နေ့မှစတင်၍ သွင်းကုန်ခွန် ကင်းလွတ်ခွင့်ပေးမည်ဟု နိုင်ငံတော်ကောင်စီ၏ အကောက်ခွန်ကော်မရှင်က ဒီဇင်ဘာ ၂၆ တွင် ကြေညာခဲ့ကြောင်း သိရှိရသည်။

တရုတ်နိုင်ငံသည် သွင်းကုန်နှင့် ပို့ကုန်များအပေါ် ကောက်ခံသည့်အခွန်နှုန်းထားများကို ၂၀၂၄ ခုနှစ်၊ ဇန်နဝါရီ ၁ ရက်နေ့မှ စတင်၍ ချိန်ညှိမည်ဖြစ်ကြောင်း နိုင်ငံတော်ကောင်စီ၏ အကောက်ခွန်ကော်မရှင်က ထုတ်ပြန်ကြေညာခဲ့သည်ဟု သိရှိရသည်။

ကော်မရှင်က ထုတ်ပြန်သည့် ကြေညာချက်အရ တရုတ်နိုင်ငံသည် ကုန်စည် (၁၀၁၀)မျိုး အပေါ်တွင် Most-Favored Nation Rates (MFN) ထက်နည်းသော သွင်းကုန်ခွန်များကို ကောက်ခံမည်ဖြစ်ကြောင်း သိရှိရသည်။

တောင်အမေရိကနိုင်ငံနှင့် ကုန်သွယ်မှုပူးပေါင်းဆောင်ရွက်မှု နက်ရှိုင်းလာစေရန် ကြိုးပမ်း သည့်အနေဖြင့် တရုတ်နိုင်ငံအကောက်ခွန် အထွေထွေအုပ်ချုပ်မှုအာဏာပိုင်အဖွဲ့ (General Admini- stration of Customs of China-GACC) သည် ဥရုဂွေးနိုင်ငံမှ အမဲသား ထုတ်ကုန်များ တင်သွင်းရန်အတွက် ခွင့်ပြုချက်ကို ဒီဇင်ဘာ၂၆ ရက်နေ့တွင် ထုတ်ပြန်ကြေညာခဲ့ကြောင်း သိရှိရသည်။

အိန္ဒိယနိုင်ငံသည် ပဲနီလေး အကောက်ခွန်လွတ်တင်သွင်းမှုကို ၂၀၂၅ မတ် ၃၁ ရက် နေ့အထိ တစ်နှစ်ထပ်မံ၍ သက်တမ်းတိုးမြှင့် သတ်မှတ်လိုက်ကြောင်း အိန္ဒိယဘဏ္ဍာရေးဝန်ကြီးဌာန၏ ၂၀၂၃ ခုနှစ်၊ ဒီဇင်ဘာ ၂၁ ရက်စွဲပါ အမိန့်ကြော်ငြာစာအရသိရသည်။ 

ကူးသန်းရောင်းဝယ်ရေးနှင့် စက်မှုဝန်ကြီးဌာန ဝန်ကြီး Piyush Goyal က ပင်လယ်နီဒေသ ပြဿနာများကြောင့် ဆန်တင်ပို့မှုအပေါ် သက်ရောက်မှုရှိကြောင်း ကြာသပတေးနေ့တွင် ပြောကြား ခဲ့သည်။ ယီမင်အခြေစိုက် ဟူသီစစ်သွေးကြွများ၏ မကြာသေးမီက တိုက်ခိုက်မှုများကြောင့် ပင်လယ်နီနှင့် မြေထဲပင်လယ်ကိုဆက်သွယ်ထားသည့် အရေးကြီးသော ရေကြောင်းလမ်းကြောင်း ဖြစ်သည့် Bab-el-Mandeb ရေလက်ကြားဝန်းကျင် အခြေအနေမှာ ပိုမိုဆိုးရွားလာခဲ့သည်။

ပြည်တွင်းရောင်းလိုအား မြှင့်တင်ရန်နှင့် ဈေးနှုန်းတည်ငြိမ်စေရန်အတွက် အိန္ဒိယအစိုးရ၊ နိုင်ငံခြားကုန်သွယ်မှု အထွေထွေညွှန်ကြားမှု ဦးစီးဌာန (DGFT) က မတ်ပဲနှင့် ပဲစင်းငုံတို့ကို လွတ် လပ်စွာ တင်သွင်းခွင့်မူဝါဒကို ၂၀၂၅ ခုနှစ် မတ်လ ၃၁ ရက်နေ့အထိ သက်တမ်းတိုးလိုက်သည်” ဟု ဒီဇင်ဘာလ ၂၈ ရက်နေ့တွင် ထုတ်ပြန်ကြေညာခဲ့သည်။  

၂၀၂၃ ခုနှစ် ရလဒ်များကိုအခြေခံ၍ ရုရှားနိုင်ငံသည် ဓာတ်မြေသြဇာ ထုတ်လုပ်မှုနှင့် တင်ပို့မှု ကို ၂၀၂၄ ခုနှစ်တွင် တိုးမြှင့် ထုတ်လုပ်နိုင်ကြောင်း၊ ထုတ်လုပ်မှုတန်ချိန်အနေဖြင့် ၆၄ သန်းကျော် ရှိလာနိုင်ပြီး ယခင်နှစ်ထက် ၁၀ ရာခိုင်နှုန်း တိုးမြှင့်လာနိုင်ကြောင်း ရုရှားဓာတ်မြေသြဇာထုတ်လုပ် သူများအသင်း(RAFP) ဥက္ကဋ္ဌ Mr. Andrey Guryev မှ ပြောကြား ခဲ့သည်။