ရုရှားနိုင်ငံက မြန်မာနိုင်ငံ၏ လတ်ဆတ်သော သရက်သီးနှင့် သရက်သီးခြောက်တို့ကို ဝယ်ယူရန် အဆိုပြုခဲ့သည်ဟု ကုန်သွယ်ရေးဝန်ကြီးဌာန လက်အောက်ရှိ မြန်မာကုန်သွယ်မှုမြှင့်တင်ရေးအဖွဲ့  (MTPO) က ဆိုသည်။ ရုရှား-မြန်မာ စီးပွားရေးကောင်စီက ယခုနှစ်မှ စတင်ကာ မြန်မာနိုင်ငံ၏ လတ်ဆတ် သရက်သီးနှင့် သရက်သီးခြောက်ကို ဝယ်ယူရန် အဆိုပြုခဲ့ခြင်းဖြစ်သည်။ ၎င်းတို့က သရက်သီးတင်ပို့သူများနှင့် တိုက်ရိုက်ချိတ်ဆက်ရန် အဆင်သင့်ရှိကြောင်း MTPO က ပြောကြားသည်။

အမေရိကန်ဘဏ္ဍာရေးဝန်ကြီး Scott Bessent က အိန္ဒိယနိုင်ငံသည် အမေရိကန်ပြည်ထောင်စုနှင့် နှစ်နိုင်ငံအကြား ကုန်သွယ်ရေးသဘော တူညီချက် (Bilateral trade agreement- BTA) ကို ပထမဆုံးအဖြစ် အတည်ပြုနိုင်မည့်နိုင်ငံဖြစ်နိုင်ကြောင်း ပြောကြားခဲ့ကြောင်းနှင့် အိန္ဒိယနိုင်ငံ၏ ပွင့်လင်းသောကုန် သွယ်ရေးမူဝါဒများ၊ အကောက်ခွန်နှုန်းသက်သာမှုနှင့် အကောက်ခွန် မဟုတ်သော အတားအဆီးအနည်းငယ်သာရှိမှုတို့ကို အဓိကအချက်များအဖြစ် ညွှန်းဆိုခဲ့ကြောင်း The Hindu Businessline သတင်းဌာနက ယခုလ ၂၄ ရက်က ဖော်ပြသည်။  

ဗီယက်နမ် သစ်သီးဝလံနှင့် ဟင်းသီး ဟင်းရွက်အသင်း၏အထွေထွေ အတွင်းရေးမှူး Dang Phuc Nguyen က ဗီယက်နမ်မှ အမေရိကန်သို့ တင်ပို့ကုန်စည်များအပေါ် ၄၆ ရာခိုင်နှုန်း အခွန်သတ်မှတ်ခြင်းသည် ဗီယက်နမ်သစ်သီးဝလံနှင့် ဟင်းသီးဟင်းရွက်များအပေါ် သက် ရောက်မှုမရှိနိုင်ဟု ဆိုသည်။ အမေရိကန်အနေဖြင့် သစ်သီးဝလံနှင့် ဟင်းသီး ဟင်းရွက်များတင်သွင်းသူအဖြစ် ဆက်လက် တည်ရှိနေဦးမည်ဟု ဆိုသည်။ 

အမေရိကန်သမ္မတဒေါ်နယ်ထရန့်က တစ်ကမ္ဘာလုံးကို အခွန်တိုးမြှင့်ကောက်ခံမှုကြောင့် ကမ္ဘာ့စီးပွားရေးကို ထိခိုက်နေချိန်တွင် ကမ္ဘာ့ဒုတိယစီးပွားရေးအင်အားအကြီးဆုံး တရုတ်နိုင်ငံသည် ကမ္ဘာ့ကုန်သွယ်ရေးနှင့် စီးပွားရေးတိုးတက်မှုကို အထောက်အကူဖြစ်စေရန် အကောင်းဆုံး လုပ်ဆောင်လျက်ရှိကြောင်း သိရှိရသည်။

တရုတ်နိုင်ငံ၏ တောင်ဘက်ဆုံးရှိ Fangchenggang ဆိပ်ကမ်းနှင့် ကမ္ဘောဒီးယားနိုင်ငံ Koh Kong ဆိပ်ကမ်းတို့အကြား အသစ်ဖွင့်လှစ်လိုက်သော "အအေးခန်းကွန်တိန်နာ + အထွေထွေ ကုန်ပစ္စည်းတင်" သယ်ယူပို့ဆောင်ရေးလမ်းကြောင်းသည် ကမ္ဘောဒီးယားနိုင်ငံ၏ ပို့ကုန်စွမ်းရည်ကို မြှင့်တင်ပေးမည်ဖြစ် ကြောင်း သိရှိရသည်။

အအေးခန်းစနစ်သစ်သည် စိုက်ပျိုးရေးကဏ္ဍအတွက် အလွန်အကျိုးရှိမည်ဖြစ်ပြီး ကုန်ပစ္စည်းများကို သတ်မှတ်ထားသောအပူချိန်အတိုင်း တင်ပို့နိုင်မည်ဖြစ်ကြောင်း Cambodia Chinese Commerce Association ၏ ဒုတိယဥက္ကဋ္ဌ Lor Vichet က ပြောကြားခဲ့သည်ဟု သိရှိရသည်။