အိန္ဒိယအစိုးရသည် ၂၀၂၂ ခုနှစ် စက်တင်ဘာလမှစတင်၍ စည်းမျဉ်းစည်းကမ်းထုတ်ပြန်၍ ပိတ်ပင်ထားသော ၁၀၀ ရာခိုင်နှုန်း ဆန်ကွဲတင်ပို့မှုကို မတ် ၇ ရက်က ရုပ်သိမ်းလိုက်ကြောင်း သိရသည်။ အဆိုပါနေ့ ညနေပိုင်းတွင် ထုတ်ပြန်လိုက်သော နိုင်ငံခြားကုန်သွယ်ရေး ညွှန်ကြားမှုဦးစီးဌာန (DGFT) ၏ အမိန့်ကြော်ငြာစာအမှတ် ၆၁/၂၀၂၄-၂၅ အရ ယခုအခါ အိန္ဒိယနိုင်ငံမှ ဆန်ကွဲတင်ပို့မှုကို ယခင်က "တားမြစ်ထားသည့်" အဆင့်မှ လွတ်လပ်စွာ တင်ပို့ခွင့်ပြုမည် ဖြစ်ကြောင်း သိရသည်။
တစ်ကမ္ဘာလုံးအတိုင်းအတာအရ ပတ်ဝန်းကျင်ဆိုင်ရာ တာဝန်ယူမှုအပေါ် အလေးပေးမှု မြင့်တက်လာသည်နှင့်အညီ ဆီအုန်းစိုက်ပျိုးထုတ်လုပ်မှုတွင် ကမ္ဘာ့ ဒုတိယအဆင့်နိုင်ငံဖြစ်သည့် မလေးရှားနိုင်ငံသည်လည်း ရေရှည်တည်တံ့သည့် ဆီအုန်းလုပ်ငန်း ကဏ္ဍတွင် ချန်ပီယံဖြစ်စေရေး ဆောင်ရွက်သွားမည်ဖြစ်ကြောင်း မလေးရှားစားအုန်းဆီအသင်း (Malaysian Palm Oil Association – MPOA) က ၂၀၂၅ ခုနှစ်၊ ဖေဖော်ဝါရီ ၂၅ ရက်တွင် သတင်းထုတ်ပြန်ခဲ့သည်။
ယခုလတွင် ကွမ်းရွက်ဈေးသည် ကျဆင်းခဲ့သော်လည်း ဧပြီလတွင် ပြန်လည်မြင့်တက်လာမည်ဟု ခန့်မှန်းထားသည်။ ကွမ်းရွက်ဈေးများကျဆင်းခဲ့သော်လည်း ကွမ်းသီးဈေးနှုန်းမှာ မြင့်တက်ခဲ့ပါသည်။ ကျောက်ဆည်မြို့နယ်မှ ကုန်သည်များ၏ပြောကြားချက်အရ ကွမ်းရွက်ရောင်းဝယ်မှုသည် ယခင်နှစ်က လွန်စွာကောင်းမွန်ခဲ့သော်လည်း ယခုနှစ်တွင် ကျဆင်းသွားကြောင်းသိရသည်။
လက်ရှိတွင် ဈေးနှုန်းလွန်စွာ ကျဆင်းနေသော်လည်း ဧပြီလတွင် သေချာပြန်တက်လာမည် ဖြစ်ပါသည်။ “ကျွန်တော်တို့ရဲ့ ကျောက်ဆည်ကွမ်းရွက်ကို တစ်နိုင်ငံလုံးတွင် အသုံးပြုပါတယ်” ဟု ကျောက်ဆည်မြို့မှ ကုန်သည်တဦးက ပြောသည်။
