ဘင်္ဂလားဒေ့ရှ်မှ သရက်သီးများ တရုတ်သို့ ပထမဆုံးအကြိမ် ဝင်ရောက်
ဘင်္ဂလားဒေ့ရှ်နိုင်ငံမှ တရုတ်နိုင်ငံသို့ ပထမဆုံး တင်ပို့သည့် သရက်သီး (၃)တန်သည် တရုတ် နိုင်ငံအလယ်ပိုင်း၊ ဟူနန်ပြည်နယ်၊ ချန်ရှားမြို့သို့ ရောက်ရှိလာခဲ့ကြောင်း သိရှိရသည်။ ရောက်ရှိလာချိန်တွင် Changsha Huanghua အပြည်ပြည်ဆိုင်ရာလေဆိပ်ရှိ အကောက်ခွန်အရာရှိများသည် တင်ပို့သည့်တံဆိပ်များနှင့် ပိုးမွှားကင်းရှင်းကြောင်းလက်မှတ်များကို ချက်ချင်းစစ်ဆေးကာ ထုပ်ပိုးမှုနှင့် သစ်သီးများကို ဖွင့်ဖောက်စစ်ဆေးမှုများ ပြုလုပ်ခဲ့ပြီးနောက် အကောက် ခွန်ရှင်းလင်းမှုကို ခွင့်ပြုပေးခဲ့ကြောင်း သိရှိရပါသည်။
