အိန္ဒိယအစိုးရက ကြက်သွန်နီဈေးနှုန်းမြင့်တက်လာပါက ဈေးကွက်အတွင်း ဝင်ရောက်ထိန်း ကြောင်းနိုင်စေရန်အတွက် ယခုနှစ်တွင် ကြက်သွန်နီ တန်ချိန် ၅ သိန်း ၀ယ်ယူရန် စီစဉ်နေ ကြောင်း၊  အိန္ဒိယအမျိုးသားစားသုံးသူရေးရာသမဝါယမအဖွဲ့ချုပ် (NCFF) နှင့် အိန္ဒိယအမျိုးသား သမဝါယမနှင့် ဈေးကွက်ရှာဖွေရေးအဖွဲ့ချုပ်(NAFED) ကဲ့သို့သော အေဂျင်စီများသည် အစိုးရကိုယ်စား ကြက်သွန်နီ ကို ၀ယ်ယူမည်ဖြစ်ကြောင်းနှင့် စားနပ်ရိက္ခာနှင့် စားသုံးသူရေးရာဝန်ကြီး ဌာနသည် ယမန်နှစ်က လည်း ကြက်သွန်နီ အရန်ရိက္ခာ တန်ချိန် ၅ သိန်း သိုလှောင်ခဲ့ပြီး ယင်း အနက် တန်ချိန် ၁ သိန်း ကျန် ရှိနေသေးကြောင်း သိရှိရသည်။ 

အိန္ဒိယနိုင်ငံသည် နိုင်ငံအနည်းငယ်ထံမှ ပဲတင်သွင်းမှုအပေါ် မှီခိုနေရမှုအား လျှော့နိုင်ရန်နှင့်  ပြည်တွင်းထွက်ရှိမှုကျဆင်းမှုကို ဖြည့်ဆည်းရန်အတွက် ဘရာဇီးမှ မတ်ပဲများကို ပထမဆုံးအကြိမ် အဖြစ် စတင်တင်သွင်းခဲ့ကြောင်းသိရသည်။

တရုတ်နိုင်ငံ၏ ပြည်တွင်းကော်ဖီဆိုင်လုပ်ငန်းတစ်ခုဖြစ်သည့် Luckin Coffee သည် ယခင် နှစ်တွင် Starbucks ၏ နှစ်စဉ်ရောင်းအားကို ကျော်လွန်ကာ တရုတ်ဈေးကွက်တွင် ပထမဆုံး အကြိမ် ထိပ်ဆုံးနေရာကို ရယူနိုင်ခဲ့ကြောင်း Securities Daily က ပြောကြားခဲ့သည်ဟု သိရှိရသည်။

တရုတ်နိုင်ငံသို့ ပါကစ္စတန်မှ နှမ်းတင်ပို့မှုသည် ၂၀၂၃ ခုနှစ်၊ ဇန်နဝါရီမှ ဒီဇင်ဘာ အတွင်း အမေရိကန်ဒေါ်လာ ၂၉၀ သန်းကျော်ရှိခဲ့ပြီး တန်ဖိုးအားဖြင့် တစ်နှစ်ထက်တစ်နှစ် ၁၂၆ဒသမ၂၉ ရာခိုင်နှုန်းမြင့်တက်လာကြောင်း ပေကျင်းမြို့ရှိ ပါကစ္စတန်သံရုံးမှ ပြောကြားချက်အရ သိရှိရသည်။

တရုတ်နိုင်ငံ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့၏ အချက်အလက်များအရ တရုတ်နိုင်ငံသည် ၂၀၂၃ ခုနှစ်တွင် ပါကစ္စတန်နိုင်ငံမှ နှမ်း ၁၆၆,၆၈၂ဒသမ၉၈၇တန် တင်သွင်းခဲ့ပြီး ၂၀၂၂ ခုနှစ်တွင် နှမ်း၈၄,၉၈၅ဒသမ၃၂တန် တင်သွင်းခဲ့မှုနှင့်နှိုင်းယှဉ်ပါက တန်ချိန်အားဖြင့် ၉၆ဒသမ ၁၃ ရာခိုင်နှုန်း မြင့်တက်လာခဲ့ကြောင်းလည်း သိရှိရပါသည်။