စိုက်ပျိုးသူများ ပိုမိုကောင်းမွန်သော ဈေးနှုန်းများ ရရှိစေရန် ရည်ရွယ်သည့် လုပ်ဆောင်ချက် တစ်ရပ်အနေဖြင့် အိန္ဒိယနိုင်ငံသည် ကမ္ဘာ့ဈေးကွက်တွင် ပဲမျိုးစုံဈေးနှုန်းများ သိသိသာသာကျဆင်းရခြင်း၏ အဓိကအကြောင်းရင်းအဖြစ် သတ်မှတ်ခံထားရသော စားတော်ပဲအား အကောက်ခွန်ကင်း လွတ်ခွင့်ဖြင့် တင်သွင်းမှုကို ရပ်ဆိုင်းလိုက်ကြောင်း သိရသည်။ အဆိုပါ လုပ်ဆောင်ချက်သည် ခါရစ် (မိုးရာသီ) သီးနှံများ ဈေးကွက်သို့ ရောက်ရှိလာမှုအမြင့်ဆုံးအနေအထားသို့ ရောက်ရှိနေချိန်တွင် ပေါ်ပေါက်လာခြင်းဖြစ်ကြောင်း The Hindu Businessline သတင်းဌာနက အောက်တိုဘာ ၂၉ ရက်နေ့က ဖော်ပြသည်။

Khao Banthat Mon Thong ဒူးရင်းသီးသည် ထိုင်းနိုင်ငံ၏ အမြင့်ဆုံးဝင်ငွေ ရရှိသည့် Geographical Indication (GI) product ဖြစ်လာပြီး ၂၀၂၅ ခုနှစ်၏ ပထမ ၉ လအတွင်း ဝင်ငွေအားဖြင့် ထိုင်းဘတ်ငွေ ၁၁ ဘီလီယံကျော် (အမေရိကန်ဒေါ်လာ ၂၉၈ သန်းခန့်) ရရှိခဲ့သည်ဖြစ်ရာ ထိုင်းနိုင်ငံ၏ ထိပ်တန်းတင်ပို့သည့် စိုက်ပျိုးရေးထွက်ကုန် အနေဖြင့်ရပ် တည်လျက်ရှိသည်။

ကမ္ဘောဒီးယားနိုင်ငံသည် အစား အသောက် ဘေးအန္တရာယ် ကင်းရှင်းရေးဆိုင်ရာ စံချိန် စံညွှန်း (SPS) ကို အတူတကွ အကောင်အထည်ဖော်ဆောင်ရွက်ခြင်းဖြင့် နာနတ်သီး၊ ပိန္နဲသီးနှင့် သရက်သီးများကို တရုတ်နိုင်ငံသို့ တင်ပို့မည်ဟု စီစဉ်ထားကြောင်း သိရသည်။ ဤလုပ်ဆောင် ချက် သည် နိုင်ငံနှစ်ခုအကြား ကိုက်ညီမှုဖြင့် စိုက်ပျိုးရေး ထုတ်ကုန်များ ရောင်းဝယ်ဖောက်ကားမှု ကျယ်ပြန့် တည်ငြိမ်စေရေးနှင့် တင်ပို့ရေးလုပ် ငန်းစဉ်များ ချောမွေ့စေရေးအား ထုတ်မှုများ၏ အစိတ်အပိုင်း တစ်ရပ်ဖြစ် သည်။