၂၀၂၅ ခုနှစ်၊ စက်တင်ဘာလ၌ ဂျပန်နိုင်ငံတွင် အသစ်ရိတ်သိမ်းထားသည့် ဆန်ဈေးနှုန်းများ မှာ ယခင်နှစ်အလားတူကာလနှင့်နှိုင်း ယှဉ်ပါက ၆၃ ရာခိုင်နှုန်းအထိ စံချိန်တင်မြင့်တက်ခဲ့ကြောင်း ဂျပန် စိုက် ပျိုးရေးဝန်ကြီးဌာနက ထုတ်ပြန်ထားကြောင်း ၂၂-၁၀-၂၀၂၅ ရက်နေ့ထုတ် The Asahi Shimbun သတင်းစာတွင် “Trading price for newly harvested rice reaches record high” ခေါင်းစဉ်ဖြင့် ဖော်ပြခဲ့သည်။
နောင်တရား အာလူးအသင်းအဖွဲ့၏ ထုတ်ပြန်ချက်အရ ရာသီအစနှင့် ပွဲတော်ကာလများအတွင်း ဝယ်လိုအား မြင့်မားနေသောကြောင့် အာလူးဈေးကွက် လက်ရှိတွင် အထူးမြင့်တက်လျက်ရှိကြောင်း သိရသည်။
အာလူးစိုက်ပျိုးသူများသည် ဤပွဲတော်ကာလအတွင်း (ကထိန် သင်္ကန်းကပ်လှူပွဲ အပါအဝင်) အာလူးဝယ်လိုအား တဖြည်းဖြည်း တိုးတက်လာပြီး ဈေးနှုန်းနှင့် ဈေး ကွက်အခြေအနေ ကောင်းမွန်နေကြောင်း ဖော်ပြကြသည်။
ရန်ကုန်ဈေးကွက်အတွက် သတ်မှတ်ထားသော စားအုန်းဆီ လက်ကားရည်ညွှန်းနှုန်းမှာ လွန်ခဲ့သည့် သုံးပတ်အတွင်း တစ်ပိဿာလျှင် ၆၅၈၅ ကျပ် စံချိန်တင်ဈေးမှ အောက်တိုဘာ ၃၀ ရက်နေ့ နောက်ဆုံးပတ်တွင် ၆၅၆၅ ကျပ်သို့ အနည်းငယ်ကျဆင်းခဲ့ကြောင်း စားသုံးဆီတင်သွင်း ဖြန့်ဖြူးရေး ကြီးကြပ် မှုကော်မတီမှ သိရသည်။
