တရုတ်ပြည်သူ့သမ္မတနိုင်ငံသည် ဂျပန်နိုင်ငံမှ ပင်လယ်စာတင်သွင်းမှုများကို ရပ်ဆိုင်းရန် စီစဉ်နေကြောင်း အဆိုပါနိုင်ငံအား အသိပေးခဲ့သည့် မီဒီယာသတင်းများ ထွက်ပေါ်လာပြီးနောက် နိုဝင်ဘာ ၁၂ ရက်နေ့တွင် အိန္ဒိယပင်လယ်စာ တင်ပို့သူအရေအတွက် ၁၁ ရာခိုင်နှုန်းအထိ မြင့်တက်လာခဲ့သည်။ အဆိုပါ ရပ်ဆိုင်းမှုသည် အိန္ဒိယနိုင်ငံကဲ့သို့သော အခြားရွေးချယ်စရာ တင်ပို့ရောင်းချသူများထံသို့ ဝယ်လိုအားကို ပြောင်းလဲစေနိုင်ကြောင်း Reuters သတင်းဌာနက နိုဝင်ဘာ ၁၉ ရက်တွင် ဖော်ပြသည်။

ကြက်သွန်နီတင်ပို့ရောင်းချမှုအတွက် ထုတ်ပေးထားသော ပါမစ်အသုံးပြုမှု နှေးကွေး နေခြင်းကို ရှင်းပြရန် အပင်ထုတ်လုပ်မှုနှင့် စိုက် ပျိုးရေး ဗျူဟာရုံးဌာန (DA-BPI) မှ ကြက်သွန်နီ တင်သွင်း သူများကို ညွှန်ကြားထားကြောင်း၊ အနီရောင် ကြက်သွန်နီ သုံးစွဲမှုနှုန်းသည် အဝါရောင် ကြက်သွန်နီထက် သိသိသာသာ နိမ့်ကျနေသဖြင့် ရောင်းလိုအား တင်းကျပ်ပြီး လက်လီဈေး များ မြင့်မားစေကြောင်း တာဝန်ရှိသူများက ဆိုပါသည်။

မီဇိုရမ် ပြည်နယ်သည် အိန္ဒိယနိုင်ငံ၏ ထိပ်တန်းချင်းသီးနှံဗဟိုချက် (Ginger hub) အဖြစ် လျင်မြန်စွာ ပေါ်ထွက်လာပြီး စိုက်ပျိုးရေးနှင့် တောင်သူလယ်သမားများ သုခချမ်းသာရေးဝန်ကြီးဌာန (Ministry of Agriculture and Farmers’ Welfare) နှင့် NITI Aayog တို့က ပြည်နယ်အား နိုင်ငံ၏ “ချင်းသီးနှံမြို့တော်” (Ginger Capital) အဖြစ် မြှင့်တင်ရန် နည်းလမ်းများကို ရှာဖွေလျက်ရှိကြောင်း၊ အဆိုပါ လုပ် ဆောင်ချက်သည် ပြည်နယ်၏ အဓိကသီးနှံဖြစ်သော ချင်းသီးနှံ၏ ထုတ်လုပ်မှု၊ အမှတ် တံဆိပ်နှင့် ဈေးကွက်ရောက်ရှိမှုကို မြှင့်တင်ရန် ပိုမိုကျယ်ပြန့်သော မဟာဗျူဟာ၏ တစ်စိတ်တစ်ပိုင်း ဖြစ်ကြောင်း သိရသည်။