ဗီယက်နမ်အလယ်ပိုင်း ကမ်းရိုးတန်းပြည်နယ်များသည် ပြည်တွင်းပရိုတင်းဓာတ် လိုအပ်ချက်ကို ဖြည့်ဆည်းပေးနိုင်ရန် ရွှေရောင်ငါးမုတ် (Golden Pompano) မွေးမြူထုတ်လုပ်မှုကို တိုးချဲ့ဆောင်ရွက်လျက်ရှိကြောင်း သိရသည်။

Quang Tri နှင့် Ha Tinh ပြည်နယ်များရှိ ဒေသန္တရအာဏာပိုင်များသည် VietGAP စံနှုန်းနှင့်အညီ မွေးမြူသည့်ပုံစံများနှင့် ဈေးကွက်ချိတ်ဆက်မှု အစီအစဉ်များကို မြှင့်တင်ပေးနေကြသည်။ ယင်းမှာ ဝက်သားဈေးနှုန်း မတည်ငြိမ်မှုနှင့် အမဲသားဈေးနှုန်း မြင့်တက်နေမှုများအကြား ပင်လယ်ငါးကို အစားထိုး ပရိုတင်းတစ်မျိုးအဖြစ် ရည်ရွယ်လုပ်ဆောင်ခြင်းဖြစ်သည်။

ထိုင်းနိုင်ငံ တိရစ္ဆာန်မွေးမြူရေးဖွံ့ဖြိုးတိုးတက်မှုဦးစီးဌာနမှ ကိုယ်စားလှယ်များသည် ဝက်သားတင်ပို့မှုဆိုင်ရာ သဘောတူညီချက်ကို အပြီးသတ်ရန်အတွက် ယခုလအတွင်း စင်ကာပူနိုင်ငံသို့ သွားရောက်ရန် စီစဉ်ထားပါသည်။ ထိုင်းနိုင်ငံရှိ ဝက်သားထုတ်လုပ်သည့် စက်ရုံများ စစ်ဆေးခြင်းလုပ်ငန်းကို စင်ကာပူအာဏာပိုင်များက ဆောင်ရွက်ပြီးစီးခဲ့ပြီ ဖြစ်သည်။

အိန္ဒိယနိုင်ငံ၏ အီသနောရောစပ်ခြင်းအစီအစဉ်တွင် ပြောင်းသီးနှံ၏ အခန်းကဏ္ဍသည် ၂၀၂၄-၂၅ ဘဏ္ဍာနှစ် (နိုဝင်ဘာလမှ အောက်တိုဘာလအထိ) အီသနောထောက်ပံ့မှုနှစ် (Ethanol Supply Year-ESY) အတွင်း သိသိသာသာ အားကောင်းလာခဲ့ပြီး ယင်းသည် ကုန်ကြမ်းအသုံးပြုမှု ပြောင်းလဲလာခြင်းကို ရှင်းလင်းစွာ ထင်ဟပ်စေကြောင်း သိရသည်။ 

မလေးရှားနိုင်ငံသည် အစိုးရအေဂျင်စီများ၏ ပံ့ပိုးကူညီမှုဖြင့် ကြက်သွန်နီ စိုက်ပျိုးထုတ်လုပ်မှုကို တိုးချဲ့ဆောင်ရွက်လျက်ရှိပြီး ၂၀၃၀ ပြည့်နှစ်တွင် ပြည်ပမှတင်သွင်းနေရသည့် မှီခိုအားထားရမှုကို ၃၀ ရာခိုင်နှုန်းအထိ လျှော့ချရန် ရည်မှန်းထားပါသည်။ အဆိုပါ ဆောင်ရွက်ချက်ကို နိုင်ငံ၏ စားနပ်ရိက္ခာ ဖူလုံရေးမူဘောင်အတွင်း ထားရှိဆောင်ရွက်မည် ဖြစ်သည်။