တရုတ်နိုင်ငံသို့ တင်ပို့လျက်ရှိသော ဒူးရင်းသီး ဈေးကွက်ဝေစုကို ထိန်း သိမ်းထားနိုင်ရန် ထိုင်းအာဏာပိုင်များသည် လယ်ယာလုပ်ငန်းခွင်ချဲ့ ထွင်ခြင်းနှင့် အဆင့်မြင့်နည်းပညာအသုံးပြု၍ သစ်သီး အရည်အသွေးမြှင့်တင်ခြင်းအပါအဝင် နည်းလမ်း များစွာကို အကောင်အထည်ဖော်ဆောင်ရွက်လျက် ရှိကြောင်း သိရှိရသည်။

အိန္ဒိယနိုင်ငံတွင် လာမည့် ၂၀၂၄-၂၅ ဘဏ္ဍာနှစ်၊ ခါရစ် (မိုး) ရာသီအတွက် စပါး၏ အနိမ့်ဆုံး ထောက်ပံ့ဈေးနှုန်း (Minimum support price-MSP) ကို ၁ ကွင်တယ် (၁၀၀ ကီလို ဂရမ်) လျင် ရူပီး ၂၃၀၀ (၅.၃၅%) သို့ တိုးမြှင့်ပေးရန် ပြည် ထောင်စုအစိုးရအဖွဲ့က သဘောတူခဲ့ ကြောင်း သိရသည်။ အဆိုပါဆုံး ဖြတ်ချက်ကို Haryana၊ Maha-rashtra၊ Jharkhand နှင့် Delhi တို့၌ လွှတ်တော်ကိုယ်စားလှယ် ရွေး ကောက်ပွဲများမစတင်မီ ယခု ကဲ့သို့ ချမှတ်ခဲ့ခြင်းဖြစ်ကြောင်း The Hindu သတင်းဌာန က ယခုလ ၁၉ ရက်နေ့က ဖော်ပြသည်။

ဂျပန်အစိုးရအနေဖြင့် ဂျပန်နိုင်ငံရှိ ပို့ကုန်သွင်းကုန်ကုမ္ပဏီကြီးများအား တွေ့ဆုံ၍ စားနပ်ရိက္ခာဖူလုံရေးဆိုင် ရာ မဟာဗျူဟာများနှင့်စပ်လျဉ်း၍ ဆွေးနွေးခဲ့ကြောင်းသိရသည်။

အဆိုပါ သတင်းတွင် ကမ္ဘာလုံးဆိုင်ရာ ပြိုင်ဆိုင်မှုများ ပြင်းထန်လာပြီး စားနပ်ရိက္ခာဖူလုံ ရေးအတွက် စိန်ခေါ်မှုများ ပိုမိုဖြစ်ပေါ်စေလျက် ရှိခြင်းကြောင့် ဂျပန်အစိုးရအနေဖြင့် ယခုကဲ့သို့ ဆွေး နွေးမှုများ ပြုလုပ်ရခြင်းဖြစ်ကြောင်း ဖော်ပြထားသည်။