ဂျပန်နိုင်ငံက မလေးရှားနိုင်ငံသို့ ပရီမီယံအသားတင်ပို့ရန် ပိုမိုအာရုံစိုက်လာ
ဂျပန်နိုင်ငံသည် ဒေသတွင်းစားသောက်ကုန် ကုန်သွယ်မှု ပူးပေါင်းဆောင်ရွက်ရေး၏ တစ်စိတ်တစ်ပိုင်းအဖြစ် မလေးရှားနိုင်ငံသို့ ဝက်ဂ်ယူ (Wagyu) အမဲသားအပါအဝင် တိရစ္ဆာန်ပရိုတင်း တင်ပို့မှုတိုးမြှင့်ရန် ကြိုးပမ်းအားထုတ်မှုများကို အရှိန်မြှင့်လုပ်ဆောင်လျက်ရှိသည်။
ဂျပန်နိုင်ငံ စိုက်ပျိုးရေး၊ သစ်တောနှင့် ရေလုပ်ငန်းဝန်ကြီး ဆူဇူကီး နိုရီကာဇူ (Suzuki Norikazu) က ၎င်းတို့နိုင်ငံအနေဖြင့် မလေးရှားနှင့် စားနပ်ရိက္ခာ ထောက်ပံ့မှုကွင်းဆက်များကို ခိုင်မာအောင် တည်ဆောက်ရင်း အရှေ့တောင်အာရှတွင် ဂျပန်တိရစ္ဆာန်ပရိုတင်း ဝယ်လိုအား တိုး တက်လာစေရန် မျှော်လင့်ကြောင်း ပြောကြားခဲ့သည်။
ခရီးစဉ်အတွင်း ဆွေးနွေးမှုများတွင် မလေးရှား လက်လီဖြန့်ဖြူးရေး လမ်းကြောင်းများမှတစ်ဆင့် ဂျပန်စားသောက်ကုန်များ ပိုမိုဝင်ရောက်နိုင်ရေးကိုလည်း အလေးပေး ဆွေးနွေးခဲ့ကြသည်။ မလေးရှားနိုင်ငံတွင် ပရီမီယံ အသားတင်သွင်းမှု ဝယ်လိုအား မြင့်တက်လာသည်နှင့်အမျှ တိရစ္ဆာန်ပရိုတင်း ကုန်သွယ်မှု၊ အထူးသဖြင့် ဝက်ဂ်ယူ အမဲသားသည် အဓိက တိုးတက်မှုရှိမည့် ကဏ္ဍတစ်ခုအဖြစ် အလေးပေးဖော်ပြခဲ့သည်။
ထို့အပြင် ဂျပန်နိုင်ငံသည် မွေးမြူရေးဆိုင်ရာ ထုတ်လုပ်မှုများတွင် သွင်းအားစုစရိတ်များ မြင့်တက်လာခြင်းအပေါ် စိုးရိမ်ပူပန်မှုများကို တင်ပြခဲ့ပြီး စားနပ်ရိက္ခာ ဖူလုံရေး၏ အရေးပါမှုကိုလည်း အလေးပေး ပြောကြားခဲ့သည်။
TTP
www.asian-agribiz.com
(12 May)