၂၀၂၆ နှစ်ဦးမှစ၍ အမေရိကန် ဝက်သား တင်ပို့မှုကို တိုးတက်စေခဲ့သည့် အာရှစျေးကွက်များ

အာရှ၏ တိုးမြင့်လာသော ဝယ်လိုအားများကြောင့် အမေရိကန်ဝက်သား တင်ပို့မှု တိုးတက်လာပြီး၊ ဖေဖော်ဝါရီလတွင် ဂျပန်နိုင်ငံက တင်သွင်းမှု အများဆုံး ဖြစ်ခဲ့သည်။ USDA ၏ အချက်အလက်များကို ကိုးကား၍ US Meat Export Federation ၏ ထုတ်ပြန်ချက်အရ အာရှစျေးကွက်များက ၂၀၂၆ အစောပိုင်းမှစ၍ အမေရိကန် ဝက်သားတင်သွင်းမှုကို စတင်ခွင့်ပြုခဲ့ကြောင်း သိရှိရသည်။

ဂျပန်သို့ အမေရိကန်ဝက်သား တင်ပို့မှုသည် ဖေဖော်ဝါရီလတွင် ၂၀ ရာခိုင်နှုန်း တိုးတက်ခဲ့ပြီး ခန့်မှန်းအားဖြင့် ၂၈,၀၀၀ မက်ထရစ်တန် ရောက်ရှိခဲ့ပြီး တင်ပို့တန်ဖိုးပမာဏလည်း ၁၄ ရာခိုင်နှုန်း တိုးတက်ခဲ့သည်။

တောင်ကိုရီးယားနှင့် တရုတ်(တိုင်ပေ)တို့လည်း တစ်နှစ်ထက် တစ်နှစ် တင်ပို့ပမာဏများ တိုးလာခဲ့ပြီး     အာရှစျေးကွက်၏ စုစုပေါင်း ဝယ်လိုအားကို မြှင့်တင်ပေးခဲ့သည်။

ဇန်နဝါရီနှင့် ဖေဖော်ဝါရီအတွင်း အမေရိကန်၏ အာရှသို့ ဝက်သား တင်ပို့မှုသည် ပမာဏနှင့် တန်ဖိုး နှစ်ခုစလုံးတွင် ၂ ရာခိုင်နှုန်း တိုးလာခဲ့ပြီး စုစုပေါင်းပမာဏ ၄၉၃,၃၇၂ မက်ထရစ်တန်နှင့် တန်ဖိုး USD ၁ ဒသမ ၃၇ ဘီလီယံ သို့ ရောက်ရှိခဲ့ကြောင်း သိရှိရသည်။

TTP

Asian-agribiz.com(23 April)