ဖိလစ်ပိုင် ဘန်ဂက်ပြည်နယ်၏ ဟင်းသီးဟင်းရွက် ပိုလျှံမှုကို လျှော့ချရန် ထရပ်ကားများစေလွှတ်

ဘန်ဂက်ပြည်နယ်တွင် ဟင်းသီးဟင်းရွက်များ ပိုလျှံသည့် သတင်းများထွက်ပေါ်လာပြီးနောက် ဖိလစ်ပိုင် စိုက်ပျိုးရေးဌာနသည် ဟင်းသီး ဟင်းရွက်များ သယ်ယူပို့ဆောင်ရန် ထရပ်ကား ၁၈ စီး စေလွှတ်ခဲ့သည်။

စိုက်ပျိုးရေးဝန်ကြီး Francisco P. Tiu Laurel Jr. က Agribusiness and Marketing Assistance Service အောက်ရှိ KADIWA အစီအစဉ်အပါအဝင် ထောက်ပံ့ပို့ ဆောင်ရေးအဖွဲ့ များသည် Benguet ခြံများကို Metro Manila ရှိ ဈေးများနှင့် ချိတ်ဆက်ရန် ညှိနှိုင်း ဆောင်ရွက်နေကြောင်း ပြောကြားခဲ့သည်။ ယာဉ်စုတွင် ဌာနပိုင် ထရပ် ကားများ၊ ဒေသဆိုင်ရာများနှင့် သမဝါယမများသို့ တာဝန်ပေးအပ် ထားသောယာဉ်များ ပါဝင်ပြီး ဖြန့် ဖြူးမှုကို ပံ့ပိုးရန်အတွက် လောင်စာဆီ ကုန်ကျစရိတ်များကို ကျခံပေးမည် ဖြစ်သည်။

ထိုပြဿနာသည် ပြီးခဲ့သောအပတ်က ဖြစ်ပေါ်ခဲ့ခြင်းဖြစ်ပြီး ဒေသဆိုင်ရာ ဒါရိုက်တာများနှင့် ထောက်ပံ့ပို့ဆောင်ရေးအဖွဲ့များကို ချက်ချင်းလုပ်ဆောင်ရန် ညွှန်ကြားခဲ့ကြောင်း၊ ၎င်း တို့၏ ရည်မှန်းချက်သည် ဟင်းသီးဟင်းရွက်ပိုလျှံမှုများကို ကာကွယ်ရန်ဖြစ်ကြောင်း ပြော ကြားခဲ့သည်။

ဘန်ဂက်တွင် ဟင်းသီးဟင်းရွက်များ ပိုလျှံမှုကြောင့် ဈေးကွက်ဝင်ရောက်ခွင့်ကို ထိခိုက်ခဲ့ပြီး ကုန်သည်များသည် လောင်စာဆီဈေးနှုန်းများကြောင့် ဟင်းသီးဟင်းရွက်များ ဝယ်ယူခြင်းနှင့် သယ်ယူပို့ဆောင်ခြင်းတွင် စိန်ခေါ်မှုများနှင့် ရင်ဆိုင်နေရသည်။ ယင်းကြောင့် ပုံမှန်ဈေးကွက် ဝယ်လိုအားအပေါ် မှီခိုနေရသော စိုက်ပျိုးသူများအတွက် ရောင်းချမှုလမ်းကြောင်းများကို ကန့်သတ်ထားသည်။

ယင်းအခြေအနေအတွက် ရေရှည်အစီအမံများ လိုအပ်ကြောင်း Tiu Laurel က ပြော ကြားခဲ့သော်လည်း လက်ရှိပို့ဆောင်ရေးအစီအစဉ်သည် ရေတိုဖိအားများကို လျှော့ချ ရန် ရည်ရွယ်ကြောင်း ထောက်ပြခဲ့သည်။

ဌာနသည် အနာဂတ်တွင် ပိုလျှံမှုအတက်အကျများကို စီမံခန့်ခွဲရန်အတွက် သိုလှောင်မှု အခြေခံ အဆောက်အအုံကိုလည်း တီထွင်နေပါသည်။ တန်ချိန် ၄၀၀၀ မှ ၅၀၀၀ နှင့်ညီမျှသော pallet နေရာ ၅၀၀၀ အထိ ထားရှိနိုင်သည့် Mega Cold Storage စက်ရုံတစ်ခုသည် လာမည့်နှစ်တွင် လည်ပတ် နိုင်လိမ့်မည်ဟု မျှော်လင့်ရသည်။ ကြားကာလစွမ်းရည်ကို ပေးစွမ်းနိုင်ရန် မော်ဂျူလာ သိုလှောင်ရုံ များကိုလည်း မိတ်ဆက်လျက်ရှိပါသည်။

ဤအဆောက်အအုံများသည် ပိုလျှံသောပမာဏများကို ယာယီသိုလှောင် ခွင့်ပြုရန်နှင့် ဈေးနှုန်းတည်ငြိမ်မှုကို ပံ့ပိုးပေးရန် ရည်ရွယ်ပါသည်။

Trinidad နှင့် အခြားအဓိကနေရာများမှ ထွက်ကုန်များကို Metro Manila ရှိ KADIWA ဆိုင်ခွဲများနှင့် အခြားမြို့ပြဈေးကွက်များသို့ ချိတ်ဆက်ရန် ဖြန့်ဖြူးရေးလုပ်ငန်းများကို တိုးချဲ့လျက်ရှိသည်။

ဌာနသည် Baguio နှင့် La Trinidad တွင် ရုံးခွဲများ ဖွင့်လှစ်ထားပြီး Baguio စိုက်ပျိုးရေး ထွက်ကုန် ကုန်သွယ်ရေးစင်တာ သည် ဒေသတွင်းဗဟိုချက်အဖြစ် လျက် ရှိသည်။ 

ယင်းအစီအမံများသည် ပိုလျှံမှုများ၊ လောင်စာဆီကုန်ကျစရိတ်၊ ထောက် ပံ့ပို့ဆောင်ရေး ကန့်သတ်ချက်များနှင့် ဆက်စပ်နေသော ထောက်ပံ့ရေးကွင်းဆက်စိန်ခေါ်မှုများကို ဖြေရှင်းပေး ကြောင်း သိရှိရပါသည်။

ဟေမာန်အောင်မင်း

https://www.freshplaza.com/asia/article/9824939/philippines-deploys-trucks-to-ease-benguet-vegetable-oversupply/