မန္တလေးဈေးကွက်

(မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၂၄-၂-၂၀၂၆ ရက်နေ့ ကောက်ယူဈေးနှုန်းများဖြစ်ပါသည်။)

ဆန်နှင့်ဆီဈေးကွက်

ရန်ကုန်ပေါ်ဆန်းမှာ အဟောင်းနှင့်အသစ်နှစ်မျိုးလုံး တွေ့ရပြီး အဟောင်းတစ်အိတ် ၁၆၅၀၀၀ ကျပ် အသစ်တစ်အိတ် အဝင်နည်းသွားသောကြောင့် ယခင်အပတ် ၁၃၀၀၀၀ ကျပ်မှ ၁၄၀၀၀၀ ကျပ်သို့ ဈေးမြင့်သွားသည်။  ရွှေဘိုပေါ်ဆန်းမှာလည်း အသစ်၊ အဟောင်းနှစ်မျိုး လုံးတွေ့ရပြီး အသစ်တစ်အိတ် ၁၈၀၀၀၀ ကျပ်၊ အဟောင်းတစ်အိတ် ၁၉၀၀၀၀ ကျပ်ဖြင့် မြို့တွင်းသုံးနှင့် အနီးဝန်းကျင်မှ လာရောက်ဝယ်ယူမှုရှိသည်။ မနေသုခသုခဆန်မှာ အဟောင်းလက်ကျန်မရှိတော့ဘဲ အဝင်ပုံမှန်မြို့တွင်း လူလတ်တန်းစားများ ဝယ်ယူစားသုံးမှုများသော ဆန်ဖြစ်သဖြင့် တစ်အိတ် ၆၅၀၀၀ ကျပ်ဖြင့် ဈေးတည်ငြိမ်နေသည်။ ဇီယာဆန်မှာ အသစ်အဝင်များလားခြင်းကြောင့် ပင်ရင်းဈေးမြင့်ခြင်း မြို့တွင်းသုံးပုံမှန်ဖြစ် သော်လည်း တစ်အိတ် ၆၅၀၀၀ ကျပ်မှ ၇၀၀၀၀ ကျပ်သို့ ဈေးမြင့်သွားသည်။ ငစိန်ဆန်မှာ အသစ်အဝင်ပုံမှန်၊ လုပ်ငန်းသမား မုန့်လုပ်ငန်းသမား အဝယ်ပုံမှန်ရှိခြင်းကြောင့် တစ်အိတ် ၅၀၀၀၀ ကျပ်ဖြင့် ဈေးတည်ငြိမ်နေသည်။ ဧရာမင်းဆန်မှာလည်း အသစ်နှင်အဟောင်းနှစ်မျိုးလုံးတွေ့ရပြီး အသစ်တစ်အိတ် ၁၄၅၀၀၀ ကျပ်၊ အဟောင်းတစ်အိတ် ၁၆၀၀၀၀ ကျပ်ဖြင့် မြို့တွင်းစားသုံးမှုများသည်။ သယ်ယူပို့ဆောင်စရိတ်အနေဖြင့် ရန်ကုန် ဈေးကွက်မှ မန္တလေးကားဝင်း အရောက်တစ်အိတ် ၅၅၀၀ ကျပ်၊ ရွှေဘိုမှ မန္တလေး ၆၀၀၀ ကျပ် ခန့်ရှိသည်။ စားသုံးဆီဈေးနှုန်းများမှာ ပဲဆီတစ်ပိဿာ ၁၅၅၀၀ ကျပ်၊ နှမ်းဆီတစ်ပိဿာ ၁၂၅၀၀ ကျပ်ဖြင့် ဈေးတည်ငြိမ်နေသည်။

ဆီထွက်သီးနှံဈေးကွက်

မြေပဲ (လုံးဆန်) ဈေးနှုန်းမှာ အညာဒေသမှ စကသီးများ ဝင်ရောက်မှုများခြင်း၊ ဆောင်းမြေပဲဝင်ချိန်နီးခြင်းကြောင့် စကသီး ၁၀၀ ပိဿာ ၉၂၀၀၀၀ ကျပ်ဖြင့် မြင်းမူဆန်အကောင်းဆုံး ၁၀၂၀၀၀၀ ကျပ်ဖြင့် ပြည်ပဝယ်လက်နည်းပြီး လုပ်ငန်းသမား အဝယ်ပုံမှန်ရှိနေသည်။ မြေပဲ (ဆီဆန်)မှာ အဝင်ပုံမှန်၊ ဆီစက်သမား အဝယ်ပုံမှန်ရှိခြင်းကြောင့် ၁၀၀ ပိဿာ ၉၃၀၀၀၀ ကျပ်ဖြင့် ဈေးတည်ငြိမ်နေသည်။ အနီဆံ (လုံဆံ)နှင့် အနီဆံ (ဆီဆံ)များလည်း ဝင်ရောက်ပြီး အနီလုံးဆံ (သစ်)၁၀၀ပိဿာ အရည်အသွေး အကောင်းဆုံး ၉၁၀၀၀၀ကျပ်၊ အနီဆီဆန် အသစ်အရည်အသွေး အကောင်းဆုံး ၁၀၀ ပိဿာ ၈၇၀၀၀၀ ကျပ်ဖြင့် ပုံမှန် ရောင်းဝယ်မှုရှိနေသည်။ နှမ်းမျိုးစုံ ဈေးနှုန်းများအနေဖြင့် ဆောင်းနှမ်းအဝင်နည်းသွားခြင်း၊ လုပ်ငန်းသမား၊ တရုတ် ဝယ်လက် ပုံမှန်ရှိခြင်းကြောင့် ၄၅ ပိဿာ ၃၄၀၀၀၀ ကျပ်မှ ၃၅၀၀၀၀ ကျပ်သို့ ဈေးမသိမသာ ဖြင့်သွားသည်။ နှမ်းညိုမှာလည်း အဝင်နည်းသွားခြင်း၊ ရည်အသွေးပေါ်မူတည်၍ ဈေးကွာခြားခြင်း၊ ဆီစက်သမား အဝယ်ပုံမှန်ရှိခြင်းကြောင့် အရည်အသွေးအကောင်းဆုံး ၃၁၀၀၀၀ ကျပ်မှ ၃၃၀၀၀၀ ကျပ်သို့ ဈေးမသိမသာ မြင့်သွားသည်။ ဆောင်းနှမ်းနက်မှာ အသစ်အဝင်များခြင်း၊ လှောင်သမား လုပ်ငန်းသမား အဝယ်နည်းခြင်း ကြောင့် ၄၅ ပိဿာ ၅၄၀၀၀၀ ကျပ်ဖြင့် ဈေးတည်ငြိမ်နေသည်။ ပန်းနှမ်းဈေးနှုန်းအနေဖြင့် အသစ်အဝင်နည်းခြင်း၊ ဘယဆေးနှင့် လှောင်သမားပုံမှန် ဝယ်ယူမှုရှိခြင်းတို့ ကြောင့် ၄၅ ပိဿာ ၂၈၀၀၀၀ ကျပ်ဖြင့် ဈေးတည်ငြိမ်နေသည်။ ဆောင်းနေကြာ အဝင်နည်းသေးခြင်း၊ ဆီစက်သမား အဝယ် နည်းခြင်းကြောင့် ၂၇ပိဿာ ၂၁၀၀၀၀ ကျပ်ဖြင့် ဈေးတည်ငြိမ်နေသည်။

ပဲမျိုးစုံဈေးကွက်

မတ်ပဲဈေးနှုန်း အနေဖြင့် ကျောက်ရစ်ပဲ အသစ်များဝင်ရောက်မှုများခြင်း၊ အရည်အသွေးကောင်းခြင်း၊ ရန်ကုန်နှင့် ပဲခွဲစက်များ ဝယ်ယူမှုပုံမှန်ရှိခြင်းကြောင့် ၃ တင်းတစ်အိတ် ၂၉၄၀၀၀ ကျပ်မှ ၂၈၇၀၀၀ ကျပ်သို့ ဈေးမသိ မသာနိမ့်သွားသည်။ ပဲတီစိမ်းဈေးနှုန်းမှာ အသစ်များဝင်ရောက်ခြင်း၊ ထွက်ရှိရာ ဒေသအပေါ်မူတည်၍ အရည်အသွေး ကွာခြားခြင်း၊ ပဲခွဲစက်နှင့် အဝေးသမား ဝယ်ယူမှုပုံမှန်ဖြစ်ခြင်းကြောင့် အရည်အသွေး အညံ့ဆုံး  ၃ တင်းတစ် အိတ် ၂၆၈၀၀၀ ကျပ်မှ အကောင်းဆုံး ၂၉၀၀၀၀ ကျပ်ဖြင့် ဈေးတည်ငြိမ်နေသည်။ ပဲစဉ်းငုံ (နီ)မှာ အသစ်များ အဝင်များလာခြင်း၊ ရန်ကုန် ဝယ်လက်နှင့် ပဲခွဲစက်များ အဝယ် ပုံမှန်ရှိခြင်းကြောင့် ယခင်အပတ် ၃ တင်းတစ်အိတ် ၃၀၃၀၀၀ ကျပ်မှ ၂၉၆၀၀၀ ကျပ်သို့ ဈေးနိမ့်သွားသည်။ ပဲစဉ်းငုံ (ဖြူ)မှာလည်း အသစ်များဝင်ရောက်ခြင်း၊ အရောင်းအဝယ်အေးခြင်းကြောင့် ၃ တင်း တစ်အိတ် ၂၇၅၀၀၀ ကျပ်မှ ၂၆၃၀၀၀ ကျပ်သို့ ဈေးနိမ့်သွားသည်။ ပဲပုတ် (မြန်မာ)မှာ အသစ်မဝင်သေးခြင်း၊ လုပ်ငန်းသမား အဝယ်ပုံမှန် ရှိခြင်းကြောင့် ပဲပုတ် (မြန်မာ) ၃တင်းတစ်အိတ် ၃၄၅၀၀၀ ကျပ်မှ ၃၆၀၀၀၀ ကျပ်သို့ ဈေးမြင့်သွားသည်။ ပဲပုတ်(ရှမ်း)မှာ အသစ်များ ဝင်ရောက်ခြင်း၊ အဝင်နည်းအရည်အသွေးကောင်းခြင်း၊ ဆီစက်သမား ပုံမှန်ဝယ်ယူမှု ရှိခြင်းကြောင့် မိုးမိတ်ပဲပုတ် ၃တင်းတစ်အိတ် ၃၆၀၀၀၀ ကျပ်မှ ၃၇၅၀၀၀ ကျပ်သို့ ဈေးမြင့်သွားပြီး မိုးညှင်းပဲ မှာ အဝင်နည်းသွားခြင်းကြောင့် ၃၆၀၀၀၀ ကျပ်မှ ၃၈၅၀၀၀ ကျပ်သို့ ဈေးမြင့်သွားသည်။ ကုလားပဲ (ထုံးဖြူကြီး) မှာ အသစ်များ ဝင်ရောက်ခြင်း၊ လုပ်ငန်းသမား အဝယ်ပုံမှန်ရှိခြင်းကြောင့် ၃ တင်းတစ်အိတ် ၂၂၂၀၀၀ ကျပ်မှ ၂၁၈၀၀၀ ကျပ်သို့ ဈေးမသိမသာနိမ့်သွားသည်။ ကုလားပဲ (လုံးဝါကြီး)မှာ အသစ်ဝင်ရောက်ခြင်း၊ ပဲခွဲစက်များ အဝယ်နည်းခြင်းကြောင့် ၃တင်းတစ်အိတ် ၂၂၅၀၀၀ ကျပ်မှ ၂၁၃၀၀၀ ကျပ်သို့ ဈေးနိမ့်သွားသည်။ ကုလားပဲ (ခွဲခြမ်း)မှာ ဆောင်းကာလ အသီးအရွက်များပေါသဖြင့် ခွဲခြမ်းလက်ကျန်များသဖြင့် ပဲခွဲစက်များ အဝယ်နည်းခြင်း ကြောင့် တစ်ပိဿာ ၅၄၀၀ ကျပ်မှ ၅၃၅၀ ကျပ်သို့ ဈေးနိမ့်သွားသည်။ ပဲယင်းအနေဖြင့် အသစ်များဝင်ရောက်မှု ရှိခြင်းကြောင့် ပဲခွဲစက်များနှင့် ကြာဇံသမားပုံမှန် ဝယ်ယူမှုရှိသော်လည်း ၃တင်းတစ်အိတ် ၂၂၂၀၀၀ကျပ်မှ ၂၁၀၀၀၀ ကျပ်သို့ ဈေးမသိမသာနိမ့်သွားသည်။ မြေတောက်ပဲမှာ အသစ်များ ဝင်ရောက်ခြင်းကြောင့် မုံရွာအဟောင်း ၂၅၀၀၀၀ ကျပ် ကလေး၊ တမူး အသစ်တစ်အိတ် ၂၈၅၀၀၀ ကျပ် အညာအသစ် ၃၀၀၀၀၀ ကျပ်ဖြင့် ထွက်ရှိရာဒေသ အရည် အသွေးပေါ်မူတည်၍ ဈေးကွာခြားမှုရှိသည်။ စားတော်ပဲ(ကျွန်း)မှာ အသစ်များ တင်ရောက်ခြင်း၊ လက်လီသမား အဝယ်ပုံမှန်ရှိခြင်းကြောင့် ၃ တင်းတစ်အိတ် ၆၅၀၀၀၀ ကျပ်မှ ၅၉၀၀၀၀ ကျပ်သို့ ဈေးနိမ့်သွားသည်။ ပဲကြီး(ကြီး) မှာ အသစ်များ ဝင်ရောက်မှုရှိခြင်း၊ လုပ်ငန်းသမား ပဲကြော်/လှော်သမား အဝယ်ရှိခြင်းကြောင့် ပဲကြီး(ကြီး) ၃ တင်းတစ်အိတ် ၅၈၀၀၀၀ ကျပ်မှ ၃၉၀၀၀၀ ကျပ်သို့ ဈေးနိမ့်သွားပြီး ပဲကြီး(သေး) မှာ ၄၃၇၀၀၀ ကျပ်မှ ၃၀၀၀၀၀ ကျပ်သို့ ဈေး သိသိသာသာ နိမ့်သွားသည်။ ထောပတ်ပဲ ဈေးနှုန်းအနေဖြင့် ထောပတ်ပဲ(ကြီး)မှာ အသစ်များဝင်ရောက်ခြင်းရှိသော်လည်း အရည်အသွေးကောင်းခြင်းကြောင့် ၃ တင်းတစ်အိတ် ၂၆၀၀၀၀ ကျပ်မှ ၃၅၀၀၀၀ ကျပ်သို့ ဈေးမြင့်သွားပြီး ထောပတ်ပဲ(သေး)မှာ အဝင်ပုံမှန် လက်လီသမားအဝယ်ပုံမှန်ရှိခြင်းကြောင့် တစ်အိတ် ၂၁၅၀၀၀ ကျပ်ဖြင့် ဈေးတည်ငြိမ်နေသည်။

စားဖိုဆောင်သီးနှံဈေးကွက်

မန္တလေးဈေးကွက်တွင် မြစ်သားနှင့် နယ်စုံကြက်သွန်များဝင်ရောက်မှုများလာခြင်းကြောင့် ကြက်သွန်နီ (ကြီး) တစ်ပိဿာ ၂၈၀၀ ကျပ်မှ ၂၅၀၀ ကျပ်၊ လတ်တစ်ပိဿာ ၂၅၀၀ ကျပ်မှ ၂၂၀၀ ကျပ်သို့ ဈေးနိမ့်သွားပြီး သေးတစ်ပိဿာ ၁၈၀၀ ကျပ်ဖြင့် ဈေးတည်ငြိမ်နေသည်။ ကြက်သွန်ဖြူ(ရှမ်း)အဝင်မရှိပစ္စည်းရှားသွားပြီး ကြက်သွန်ဖြူ (မြန်မာ) အဝင်များလာသော် လည်း ရှမ်းဖြူမဝင်သေးသဖြင့် အရောင်းအဝယ်ဖြစ်မှုများ၍ အရည်အသွေးအနိမ့်ဆုံး တစ်ပိဿာ ၄၀၀၀ ကျပ်၊ အကောင်းဆုံးတစ်ပိဿာ ၇၀၀၀ ကျပ်ဖြင့် ဈေးတည်ငြိမ်နေသည်။ ကြက်သွန်ဖြူ(တရုတ်)မှာ အဝင်ပုံမှန် မြို့တွင်းသုံးပုံမှန်ဖြစ်ခြင်းကြောင့် တစ်ပိဿာ ၁၂၀၀၀ ကျပ်ဖြင့် ဈေးတည်ငြိမ်နေသည်။

အာလူးဈေးအနေဖြင့် အောင်ပန်းမှ မဝင်တော့ပဲ ပခုက္ကူ၊ ဘန့်ဘွေးမှ ယှဉ်ပြိုင်ဝင်ရောက်မှုရှိခြင်းကြောင့် ပခုက္ကူတစ်ပိဿာ ၃၅၀၀ ကျပ်၊ ဘန့်ဘွေးတစ်ပိဿာ ၃၀၀၀ ကျပ် ဈေးဖြင့်ရောင်းဝယ်နေသည်။ ချင်းဈေးနှုန်းမှာ အဝင်ပုံမှန် မြို့တွင်းနှင့်အနီးဝန်းကျင်း ဝယ်ယူမှုပုံမှန်ရှိခြင်းကြောင့် အရည်အသွေးပေါ်မူတည်၍ ၂၈၀၀ ကျပ်မှ ၃၀၀၀ ကျပ်ဖြင့် ရောင်းဝယ်နေသည်။

ဟင်းသီး/ရွက်နှင့်သစ်သီးဝလံဈေးကွက်

မန္တလေးကိုင်းတန်းဈေးတွင် ဟင်းသီး/ရွက်များအနက် ခရမ်းချဉ်ဈေးနှုန်းမှာ ရှမ်းတောင်ခရမ်းချဉ်နှင့် မုံရွာ၊ တရုတ်(တိုင်ပေ)နှစ်မျိုးလုံးတွေ့ရပြီး ရှမ်းတောင်ခရမ်းချဉ် ၂၀ ပိဿာတစ်သေတ္တာ ၆၀၀၀၀ မှ ၇၀၀၀၀ ကျပ် တရုတ်(တိုင်ပေ) တစ်ပိဿာ ၃၅၀၀ ကျပ်ဖြင့် မြို့တွင်းသုံးနှင့်အနီးဝန်းကျင်မှ ဝယ်ယူမှုရှိသည်။ ငရုတ်စို(ရှည်)မှာ မုံရွာ၊ ချောင်းဦးမှ လှိုင်လှိုင်ဝင်ရောက်ပြီး မြို့တွင် ငါးပိထောင်းလက်ဖက်လုပ်ငန်းသမား အဝယ်သာရှိခြင်းကြောင့် ငရုတ်စို(ရှည်) တစ်ပိဿာ ၅၀၀၀ ကျပ်၊ စတက်တာ ၅၅၀၀ ကျပ်၊ ငရုတ်စို(လတ်) ၆၅၀၀ ကျပ်မှ ၆၀၀၀ ကျပ်သို့ ဈေးမသိမသာ နိမ့်သွားသည်။ ငရုတ်စို(ရှည်နှင့်လတ်) ရံဖန်ရံခါ နမ္မတူသို့ တင်ပို့မှုရှိသည်။

သစ်သီးဝလံများအနေဖြင့် ရွှေသခွားများ မန္တလေးဝန်းကျင်မှ ဝင်ရောက်ပြီး အရည်အသွေးပေါ်မူတည်၍ ၁၅၀၀ ကျပ်မှ ၂၅၀၀ကျပ်၊ မုံရွာ၊ ချောင်းဦး၊ ဖရဲသီးတစ်လုံး ၄၀၀၀ မှ ၅၀၀၀ ကျပ်၊ ရွာငံ၊ အောင်ပန်း၊ ထောပတ်သီးများ အဝင်နည်းသွားခြင်းကြောင့် ၁၂၀ လုံးပါ တစ်အိတ် အရည်အသွေးပေါ်မူတည်၍ ၄၅၀၀၀ ကျပ်မှ ၆၅၀၀၀ ကျပ်၊ သီပေါ၊ နမ့်လန်မှ နာနတ်သီးများအဝင်များပြီး တစ်လုံး ၂၀၀၀ ကျပ်၊ သင်္ဘောသီး ၂ လုံး တစ်ထုတ် ၃၀၀၀ ကျပ် တစ်လုံးထုပ် ၂၅၀၀ ကျပ်ဖြင့် ပြည်၊ အောင်လံ၊ တပ်ကုန်း၊ နေပြည်တော်၊ ပြင်ဦးလွင် ၊ ရွှေဘို၊ မုံရွာ စသောမြို့များသို့ တင်ပို့မှုရှိသည်။

ဂျုံနှင့်အစေ့ထုတ်ပြောင်းဈေးကွက်

မန္တလေးပွဲစား၊ ကုန်သည် စက်ပိုင်ကထိန်တော်အသင်းတွင် ငါန်းဇွန်၊ မြင်းမူ၊ ‌ရွှေဘို၊ မြောင်၊ ဆာတောင်၊ ဘုတလင်၊ မုံရွာဂျုံများ အသစ်အဝင်နည်းသော်လည်း အရောင်းအဝယ်ပုံမှန်ရှိခြင်းကြောင့် ၃ တင်းတစ်အိတ်၂၃၀၀၀၀ ကျပ်မှ ၂၄၀၀၀၀ ကျပ်ဖြင့် ဈေးတည်ငြိမ်နေသည်။

ရှမ်းဂျုံများအသစ်ဝင်ရောက်မှုရှိပြီး အဝင်ပုံမှန် အရောင်းအဝယ်ပုံမှန်ရှိခြင်းကြောင့် ၃ တင်းတစ်အိတ် ၁၇၅၀၀၀ ကျပ်ဖြင့် ဈေးတည်ငြိမ်နေသည်။ ကလေးဂျုံ ၁၇၀၀၀၀ ကျပ်၊ ကြူကုတ်ဂျုံ ၁၉၅၀၀၀ ကျပ်၊ ဩစတေးလျဂျုံမှုန့် တစ်ပိဿာ ၃၈၅၀ ကျပ်ဖြင့် ဈေးတည်ငြိမ်နေသည်။ အစေ့ထုပ်ပြောင်းမှာ ဆောင်းပြောင် အသစ်များ ဝင်ရောက်ခြင်း အစာစပ်သမားအဝယ်ပုံမှန်ရှိခြင်းကြောင့် အရည်အသွေးညံ့ ၃ တင်းတစ်အိတ် ၇၅၀၀၀ ကျပ် အရည်အသွေးကောင်း ၇၆၀၀၀ ကျပ်ဖြင့် ဈေးတည်ငြိမ်နေသည်။

ခင်မေကြည်