တောင်ငူခရိုင်အတွင်း မန္တလေးငလျင်ကြီးကြောင့် ထိခိုက်ခဲ့သည့် ဆည်ရေသောက်စနစ်များ ပြန်လည်ပြုပြင်တည်ဆောက်ပြီးစီးမှု နွေးစပါးနှင့် နွေအခြားသီးနှံ စိုက်ပျိုးရေပေးဝေနေမှု ကွင်းဆင်းကြည့်ရှု
နေပြည်တော် ၊ ဖေဖော်ဝါရီ ၂၄
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော်သည် တာဝန်ရှိသူများနှင့်အတူ ဖေဖော်ဝါရီ ၂၃ ရက်နေ့ နံနက်ပိုင်းက ပဲခူးတိုင်းဒေသကြီး တောင်ငူမြို့နယ်နှင့် အုတ်တွင်းမြို့နယ်အတွင်း မန္တလေးငလျင်ကြီးကြောင့် ထိခိုက်ခဲ့သည့် ဆည်ရေသောက်စနစ်များ ပြန်လည်ပြုပြင် ဆောင်ရွက်ပြီးစီးမှု အခြေအနေများ၊ ခပေါင်းဆည်ရေသောက်စနစ် နွေစပါးနှင့် နွေအခြားသီးနှံ စိုက်ပျိုးရေ ပေးဝေနေမှု အခြေအနေများအား ကြည့်ရှုစစ်ဆေးသည်။
ဦးစွာ ဒုတိယဝန်ကြီးသည် ခပေါင်းဆည်ရေသောက်စနစ် လက်ဝဲတူး မြောင်းမကြီး၊ လက်ဝဲ လက်တံမြောင်း အမှတ်(၁က)၊ လက်ယာ လက်တံမြောင်းအမှတ်(၃)နှင့်လက်ယာတူး မြောင်းမကြီး(မြောင်းခွဲ)များ ပြန်လည်ပြုပြင် ဆောင်ရွက် ပြီးစီးမှု အခြေအနေ နှင့် နွေစပါးနှင့် နွေအခြားသီးနှံ စိုက်ပျိုးရေ ပေးဝေနေမှု အခြေအနေများအား ကြည့်ရှုစစ်ဆေးစဉ် တာဝန်ရှိသူများက ပဲခူးတိုင်းဒေသကြီး အရှေ့ခြမ်းတွင် လုပ်ငန်းဆောင်ရွက်မှုဆိုင်ရာ အခြေအနေများနှင့် ဆည်ရေသောက် စနစ်များမှ စိုက်ပျိုးရေပေးဝေမှု အခြေအနေများအား ရှင်းလင်းတင်ပြရာ ဒုတိယဝန်ကြီးက ဆည် ရေသောက် ဧရိယာများအတွင်း ရေ ပေးမြောင်းနှင့် ရေနုတ်မြောင်းစနစ်များ အစဉ်ကောင်းမွန်စေရေး ပုံမှန်ပြုပြင်ခြင်း လုပ်ငန်းများအား အလေး ထားဆောင်ရွက်ကြရန်၊ ရေပေးကာလအတွင်း အလေအလွင့် နည်း ပါးစွာဖြင့် ရေပေးဝေနိုင်ရေး၊ ရေပြတ်လပ်မှု မဖြစ်ပေါ်စေရေး စနစ် တကျစီမံခန့်ခွဲကြရန်၊ ဓာတုပိုးသတ် ဆေးနှင့် ဓာတ်မြေဩဇာများ အလွန် အကျွံ သုံးစွဲခြင်းဖြင့် မြေဆီလွှာ ပျက်စီးစေနိုင်သဖြင့် သဘာဝမြေ ဩဇာအား မျှတစွာသုံးစွဲတတ်စေရန်နှင့် မြေဆီလွှာ အရည်သွေးမကျဆင်းအောင် ကြိုတင်ကာကွယ် ထိန်းသိမ်းရေး နည်းလမ်းများ၊ မြေဆီလွှာဖွံ့ဖြိုးတိုးတက်ရေး လုပ် ငန်းစဉ်များအား ဒေသနေတောင်သူများအတွက် အသိပညာပေးလုပ်ငန်းများ ဆောင်ရွက် ကြရန်၊ လယ်ယာသုံးစက်ကိရိယာများအား ထွန်ယက် စိုက်ပျိုးရိတ်သိမ်း လယ်ယာကဏ္ဍ ကွင်းဆက်တစ်လျောက်လုံး ပိုမိုတွင်ကျယ်စွာ သုံးစွဲလာနိုင်ရေး ကြိုးပမ်းဆောင်ရွက် ကြရန်နှင့် နွေစပါးနှင့် နွေအခြားသီးနှံရာသီတွင် လျာထားဧကများ ပြည့်မီ၍ ပန်းတိုင်အထွက်နှုန်း ရရှိအောင် စိုက်ပျိုးကြရန်လိုကြောင်း ဆွေးနွေးမှာကြားသည်။ ခပေါင်းဆည်ရေသောက်စနစ်မှ နွေစပါး ၄၀၀၀၀ ဧကနှင့် နွေအခြားသီးနှံ ၁၃၂၀၀ ဧက၊ စုစုပေါင်း ၅၃၂၀၀ ဧကအား လျာထားစိုက်ပျိုးရေ ပေးဝေလျက် ရှိကြောင်းသိရသည်။
ဆက်လက်၍ ဒုတိယဝန်ကြီးသည် ကေတုမတီမြို့ဟောင်း မြောက်ဘက်ကျုံး အလျား(၁၄၃၀)ပေ ဆလံလျောကျောက်ကြီးစီခြင်း၊ မြေဖို့ခြင်းလုပ်ငန်းနှင့် ကွန်ကရစ် (Pile) ရိုက်ခြင်းလုပ်ငန်းများအား ကြည့်ရှုစစ် ဆေးပြီး လုပ်ငန်များ သတ်မှတ်စံချိန်စံညွှန်းနှင့်အညီ အချိန်မီပြီးစီးရေး အလေးထား ဆောင်ရွက်ကြရန် ဆွေးနွေး မှာကြားခဲ့ကြောင်း သတင်း ရရှိသည်။
MOALI