ထိုင်းနိုင်ငံ တိရစ္ဆာန်အစာဈေးနှုန်းများ ၁၀ ရာခိုင်နှုန်းမှ ၁၅ ရာခိုင်နှုန်းအထိ မြင့်တက်လာနိုင်ခြေရှိ
ထိုင်းနိုင်ငံ၏ တိရစ္ဆာန်အစာ ထုတ်လုပ်မှုကဏ္ဍတွင် ကုန်ကြမ်းရှားပါးမှုနှင့် သွင်းကုန်စည်းမျဉ်းသစ်များကြောင့် ယခုနှစ်အတွင်း အစာဈေးနှုန်းများ အနည်းဆုံး ၁၀ ရာခိုင် နှုန်းမှ ၁၅ ရာခိုင်နှုန်းအထိ မြင့်တက်လာနိုင်ကြောင်း ထိုင်းတိရစ္ဆာန်အစာစက်ရုံများအသင်း (TFMA) က ခန့်မှန်းထားသည်။
ထိုင်းတိရစ္ဆာန်အစာစက်ရုံများအသင်း အထွေထွေအတွင်းရေးမှူး Mr. Somphob Auesongtham က မိမိတို့ လုပ်ငန်းနယ်ပယ်အနေဖြင့် ပရိုတင်းနှင့် ကာဗိုဟိုက်ဒြိတ်အတွက် အစာကုန်ကြမ်းဈေးနှုန်းများ မြင့်တက်လာမှုနှင့် ရင်ဆိုင်နေရကြောင်း ပြောကြားသည်။
ပဲပုတ်ဖတ် ပြည်တွင်းဈေးနှုန်းမှာ ပဲပုတ်တင်သွင်းမှု ကြန့်ကြာနေမှုအရ မြင့်တက်လျက်ရှိကြောင်း၊ ထို့ပြင် အစာစက်ရုံများ အပါအဝင် ပဲပုတ်ဖတ် တင်သွင်းသူများသည် တင်သွင်းခွန် ပုံမှန် ၂ ရာခိုင်နှုန်းမှ ၁၀ ရာခိုင်နှုန်းသို့ ပေးဆောင်ရန်လည်း ရင်ဆိုင်နေရကြောင်း၊ ယင်းအခြေအနေမှာ အစိုးရ၏ ၂၀၂၆-၂၀၂၈ ခုနှစ်အတွက် ပဲပုတ်ဖတ်တင်သွင်းမှုမူဝါဒအပေါ် အတည်ပြုရန် ကြန့်ကြာနေမှုကြောင့် ဖြစ်ပေါ်ရ
ခြင်း ဖြစ်ကြောင်း သိရှိရသည်။
Mr Somphob က ပြောင်းတင်သွင်းမှုတွင်လည်း လေထုညစ်ညမ်းမှု လျှော့ချရန်အတွက် "မီးရှို့၍ စိုက်ပျိုးထားခြင်းမဟုတ်ကြောင်း" (Burn-free certification) ထောက်ခံချက်ပါမှသာ တင်သွင်းခွင့်ပြုသည့် စည်း မျဉ်းသစ်ကြောင့် ယခုနှစ် ပြောင်းတင်သွင်းမှုပမာဏ ဆက်လက်လျော့ကျသွားမည်ဖြစ်ကြောင်း ပြောကြားသည်။
TTP
www.asian-agribiz.com