ရန်ကုန်တိုင်းဒေသကြီးတွင် ဆောင်းနေကြာ ၂,၀၀၀ ဧက စိုက်ပျိုး

ရန်ကုန်တိုင်းဒေသကြီးတွင် ဆောင်းရာသီ၌ ဆီထွက်သီးနှံများနှင့် ပဲအမျိုးမျိုး စိုက်ပျိုးလေ့ရှိပြီး ယခုရာသီတွင် ဆီထုတ်လုပ်ရန်အတွက် နေကြာစိုက်ပျိုးမှုသည် တိုင်းအတွင်းရှိ ခရိုင် ၇ ခု တွင် စုစုပေါင်း ၂,၀၀၀ ဧကခန့်စိုက်ပျိုးလျက်ရှိသည်။

ယခင်နှစ်က နေကြာစိုက်ပျိုးရန် ၁၀,၉၆၉ ဧက အထိ လျာထားခဲ့ပြီး ၄,၅၀၀ ဧက အောင်မြင်စွာ ရိတ်သိမ်းနိုင်ခဲ့သည်။ ယခုဆောင်းရာသီတွင် ဇန်နဝါရီလအစောပိုင်းအထိ နေကြာ စိုက်ဧက ၂,၀၀၀ ခန့်ရှိလာသည်။ မြေပဲ၊ နှမ်း၊ မတ်ပဲ၊ ပဲစင်းငုံ၊ ကုလားပဲနှင့် ပဲနီလေး အပါအဝင် ပဲမျိုးစုံကိုလည်း စိုက်ပျိုးလျက်ရှိပါသည်။ အဆိုပါတိုင်းဒေသကြီးသည် အဓိကအားဖြင့် ဆန်စပါးကို စိုက်ပျိုးသော်လည်း တိုင်းအတွင်းဖူလုံမှုရှိစေရေးနှင့် တင်ပို့မှု တိုးမြှင့်ရန်အတွက် သီးနှံအချို့ကို လည်းစိုက်ပျိုးလျက်ရှိသည်။

“နေကြာမျိုး ၂ မျိုးအနက် ရေဆင်း စပ်မျိုး-၁ နှင့် ဆင်းရွှေကြာ-၂ မျိုးကို အများအားဖြင့် စိုက်ပျိုးကြသည်။ စိုက်ပျိုးရေးဦးစီးဌာနအနေနှင့် ဓာတုဆေး အကြွင်းအကျန်များ မရှိစေရေး စိုက်ပျိုးရေး အသိပညာပေးခြင်းနှင့် ဓာတုဆေးသုံးစွဲမှုနည်းလမ်းများကို လက်တွေ့ကျင့်သုံးနိုင်ရန် သီးနှံကာကွယ်ရေး ဌာနခွဲမှ ပူးပေါင်းဆောင်ရွက်နေပါကြောင်း၊ တိုင်းဒေသကြီးအတွင်း မျိုးစေ့ထုတ်လုပ်ရေး လုပ်ငန်းများနှင့် စမ်းသပ်ကွက်စံပြကွက်စိုက်ခင်းများ ဆောင်ရွက်နိုင်ရန် ဆောင်းသီးနှံများကို အဆက် မပြတ်စိုက်ပျိုးလျက်ရှိပါသည်” ဟု စိုက်ပျိုးရေးဦးစီးဌာနမှ တာဝန်ရှိသူ တစ်ဦးက ပြောကြားသည်။

ဥရောပဈေးကွက်အတွက် သတ်မှတ်ထားသော ပဲတီစိမ်းကို အဓိကအားဖြင့် သန်လျင်ခရိုင်တွင် စိုက်ပျိုးပါသည်။ တိုက်ကြီးခရိုင်သည် မတ်ပဲ အဓိကစိုက်ပျိုး ထုတ်လုပ်ရေးဒေသ ဖြစ်သည်။ ဒဂုံမြို့သစ်၊ သန်လျင်၊ တွံတေး၊ မှော်ဘီ၊ လှည်းကူး၊ တိုက်ကြီးနှင့် မင်္ဂလာဒုံခရိုင်များတွင်လည်း နေကြာစိုက်ပျိုးမှု ရှိကြောင်း သိရှိရသည်။

ဥမ္မာထွန်း

https://www.gnlm.com.mm/yangon-region-possesses-2000-acres-of-winter-sunflower-cultivation/#article-title