မန္တလေးဈေးကွက်
မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၁၂-၁-၂၀၂၆ ရက်နေ့ ကောက်ယူဈေးနှုန်းများဖြစ်ပါသည်။
ဆန်ဈေးကွက်
ရွှေဘိုပေါ်ဆန်း၊ ရန်ကုန်ပေါ်ဆန်းများ အသစ်ဝင်ရောက်မှုရှိခြင်းကြောင့် ရန်ကုန်ပေါ်ဆန်း အသစ်တစ်အိတ် ၁၅၀၀၀၀ ကျပ် မှ ၁၄၀၀၀၀ ကျပ်သို့ ဈေးနိမ့်သွားပြီး ရွှေဘိုပေါ်ဆန်းမှာလည်း အဟောင်းတစ်အိတ် ၁၈၀၀၀၀ ကျပ်၊ အသစ်တစ်အိတ် ၁၅၅၀၀၀ ကျပ်ဖြင့် ရောင်းဝယ်မှုရှိသည်။ မနောသုခမှာ အသစ်ဝင်ရောက်သော်လည်း အဟောင်းလက်ကျန်များ စားသုံးမှုများခြင်းကြောင့် အသစ်တစ်အိတ် ၆၅၀၀၀ ကျပ် ၊ အဟောင်းတစ်အိတ် ၈၅၀၀၀ ကျပ်သို့ ဈေးမြင့်သွားသည်။ငစိန်ဆန်မှာ အသစ်ဝင်ရောက်မှုများ လာခြင်း၊ လုပ်ငန်းသမား၊ မုန့်သမားများ အဝယ်ပုံမှန်ရှိခြင်းကြောင့် တစ်အိတ် ၅၅၀၀၀ ကျပ်မှ ၅၃၀၀၀ ကျပ်သို့ ဈေးနိမ့်သွားသည်။ဇီယာဆန်မှာ အဟောင်းလက်ကျန်နည်းသွားပြီး အသစ်များ ဝင်ရောက်မှုပုံမှန်ဖြစ်ခြင်း ၊ မြို့တွင်းစားသုံးမှု များခြင်းကြောင့် တစ်အိတ် ၇၀၀၀၀ ကျပ်ဖြင့် ဈေးတည်ငြိမ်နေသည်
ဧရာမင်းဆန်မှာ အဝင်နည်းခြင်း ၊ မြို့တွင်းစားသုံးမှုများခြင်းကြောင့် ယခင်အပတ် တစ်အိတ် ၁၃၅၀၀၀ ကျပ် မှ ယခုအပတ် ၁၅၀၀၀၀ ကျပ်သို့ ဈေးမြင့်သွားသည်။ သယ်ယူပို့ဆောင်ခအနေဖြင့် ဆန်အိတ် အနည်းအများပေါ်မူတည် ၍ ရန်ကုန်မှ မန္တလေး ၆၀၀၀ ကျပ်၊ ရွှေဘို မှ မန္တလေး ၆၀၀၀ ကျပ်၊ နေပြည်တော်-မန္တလေး ၃၀၀၀ ကျပ်ဖြင့် ဈေးတည်ငြိမ်နေသည်။
ဆီထွက်သီးနှံဈေးကွက်
မြေပဲ(လုံးဆန်)ဈေးနှုန်းမှာ အသစ်အဝင်ရှိခြင်း၊ အရည်အသွေးကောင်းခြင်း ၊ လှောင်သမား ၊ လုပ်ငန်းသမား အဝယ်ပုံမှန်ရှိခြင်းကြောင့် ၁၀၀ ပိဿာ ၈၇၀၀၀၀ ကျပ် မှ ၉၅၀၀၀၀ ကျပ်ထိ ဈေးမြင့်သွားပြီး မြေပဲ(ဆီဆန်)မှာလည်း ဆီစက်သမားအဝယ်များခြင်း၊ အဝင်နည်းခြင်းကြောင့် ၁၀၀ ပိဿာ အရည်အသွေးပေါ်မူတည်၍ ၈၈၀၀၀၀ ကျပ် မှ ၉၀၀၀၀၀ ကျပ်ထိ ဈေးအမျိုးမျိုးဖြင့် ရောင်းဝယ်နေသည်။ နှမ်းမျိုးစုံဈေးနှုန်းများအနေဖြင့် ဆောင်းနှမ်း အသစ်များ ဝင်ရောက်မှုရှိခြင်း ၊ လုပ်ငန်းသမား ၊ လှောင်လက်များဝယ်ယူမှုရှိခြင်းကြောင့် နှမ်းဖြူ(သစ်) ၃တင်း တစ်အိတ် ၃၁၀၀၀၀ ကျပ် သို့ ဈေးမြင့်သွားပြီး နှမ်းညို (သစ်)များမှာလည်း ဆီစက်သမား အဝယ်ပုံမှန်ရှိခြင်း ၊ အသစ်အဝင်နည်းခြင်းကြောင့် ယခင်အပတ် ၃တင်းတစ်အိတ် ၂၆၅၀၀၀ကျပ်မှ ယခုအပတ် ၃၁၀၀၀၀ ကျပ်သို့ ဈေးမြင့်သွားသည်။နှမ်းနက်(စမုံ)မှာ အဝင်ပုံမှန်ရှိပြီး အရောင်းအဝယ်အေးခြင်းကြောင့် ၃တင်းတစ်အိတ် ၇၄၀၀၀၀ ကျပ်ဖြင့် ဈေးတည်ငြိမ်နေပြီး ဆောင်းနှမ်းနက်မှာလည်း အသစ်အဝင်နည်းခြင်းကြောင့် ယခင်အပတ် ၃တင်းတစ်အိတ် ၅၁၀၀၀၀ ကျပ် မှ ၅၄၀၀၀၀ကျပ်သို့ ဈေးမြင့်သွားသည်။ ပန်းနှမ်းဈေးနှုန်းအနေဖြင့် အသစ်အဝင်နည်းသဖြင့် ဈေးမြင့်ခြင်းကြောင့် အရောင်းအဝယ် အေးပြီး ၃တင်းတစ်အိတ် ၂၈၅၀၀၀ ကျပ်ဖြင့်ဈေးတည်ငြိမ်နေသည်။ နေကြာမှာ ဆောင်းနေကြာအသစ်များ ဝင်ရောက်မှုရှိခြင်း ၊ အထွက်နည်းအဝင်နည်း ဈေးမြင့်ခြင်းကြောင့် အရောင်းအဝယ်အေးပြီး ၂၇ ပိဿာ ၂၁၀၀၀၀ ကျပ်ဖြင့် ဈေးတည်ငြိမ်နေသည်။
စားဖိုဆောင်သီးနှံဈေးကွက်
ငရုတ်ခြောက်(ရှည်)မှာ လှောင်လက်ထံမှ ဝယ်ရခြင်းကြောင့် တစ်ပိဿာ ၁၆၀၀၀ ကျပ် မှ ၁၈၀၀၀ ကျပ် ၊ ငရုတ်ခြောက်(လတ်)မှာ ၁၉၀၀၀ ကျပ် မှ ၂၁၀၀၀ ကျပ် သို့ ဈေးမြင့်သွားပြီး ငရုတ်ခြောက်(ပွ)မှာ ဧရာဝတီတိုင်းမှ အပွသီးများဖြစ်ပြီး အဝင်နည်းခြင်းကြောင့် တစ်ပိဿာ ၃၃၀၀၀ ကျပ် မှ ၃၅၀၀၀ ကျပ်သို့ ဈေးမြင့်သွားသည်။ ကြက်သွန်နီ မြစ်သားဘက်မှ အသစ် များ ဝင်ရောက်မှုရှိပြီး အဝင်နည်းခြင်း ၊ အရည်အသွေးကောင်းခြင်းကြောင့် ကြီး တစ်ပိဿာ ၃၈၀၀ ကျပ် ၊ လတ် တစ်ပိဿာ ၃၅၀၀ ကျပ် ၊ သေး တစ်ပိဿာ ၁၀၀၀ ကျပ်မှ ၂၅၀၀ ကျပ်ထိ ဈေးမြင့်သွားသည်။ ကြက်သွန်ဖြူ(ရှမ်း)မှာ အောင်ပန်း ဘက်မှ ဝင်ရောက်ခြင်း ၊ ကြက်သွန်ဖြူ (မြန်မာ) မဝင်သေးခြင်း ၊ ကြက်သွန်ဖြူ(တရုတ်)ဈေးမြင့်ခြင်းကြောင့် မြို့တွင်းသုံးစွဲရန် ဝယ်ယူမှုများပြီး အရည်အသွေးအညံ့ဆုံး တစ်ပိဿာ ၃၀၀၀ ကျပ် မှ ၄၀၀၀ ကျပ် ၊ အရည်အသွေးအကောင်းဆုံး ၆၀၀၀ ကျပ် မှ ၇၀၀၀ ကျပ်သို့ ဈေးမြင့်သွားသည်။ အာလူးများ အောင်ပန်းဘက်မှ အဝင်နည်းခြင်း ၊ မြို့တွင်းသုံးအဝယ်များခြင်းကြောင့် အိုကေ တစ်ပိဿာ ယခင်အပတ် ၄၅၀၀ ကျပ် မှ ၅၈၀၀ ကျပ် ၊ အေဝမ်းတစ်ပိဿာ ၄၂၀၀ ကျပ်မှ ၅၂၀၀ ကျပ် ၊ ဆွဲတစ်ပိဿာ ၄၅၀၀ ကျပ် သို့ ဈေးမြင့်သွားသည်။
ပဲမျိုးစုံဈေးကွက်
မတ်ပဲဈေးနှုန်းမှာ လက်ကျန်အဟောင်း နှင့် အသစ်နှစ်မျိုးလုံးတွေ့ရပြီး အသစ်အဝင်နည်း သေးခြင်းကြောင့် အသစ်တစ်အိတ် ၂၃၈၀၀၀ ကျပ် မှ ၂၅၄၀၀၀ ကျပ်သို့ဈေးမြင့်သွားပြီး အဟောင်းမှာလည်း လက်ကျန်နည်းခြင်းကြောင့် တစ်အိတ် ၂၅၀၀၀၀ ကျပ်မှ ၂၆၀၀၀၀ ကျပ်သို့ဈေးမြင့်သွားသည်။ ပဲတီစိမ်း(အညာ)မှာ ဆောင်းပဲအဝင်ရှိခြင်း၊ ပဲခွဲစက်များ ပုံမှန်ဝယ်ယူမှုရှိခြင်းကြောင့် ၃ တင်းတစ်အိတ် ၃၁၅၀၀၀ ကျပ်ဖြင့် ဈေးတည်ငြိမ်နေသည်။ ပဲစဉ်းငုံ(ဖြူ/နီ)တို့မှာ စစ်ကိုင်း အထက်ပိုင်းမှ အသစ်များ အဝင်ရှိသော်လည်း ရန်ကုန်သို့ တိုက်ရိုက်တင်ပို့သဖြင့် အဝင်နည်းခြင်း ၊ ပဲခွဲစက်များ ဝယ်ယူမှုပုံမှန်ရှိခြင်းကြောင့် ပဲစဉ်းငုံ(နီ) ၃တင်းတစ်အိတ် ၂၄၁၀၀၀ ကျပ် မှ ၂၆၂၀၀၀ ကျပ်သို့ဈေးမြင့်သွားပြီး ပဲစဉ်းငုံ(ဖြူ)မှာ ၂၂၀၀၀၀ ကျပ်ဖြင့် ဈေးတည်ငြိမ်နေသည်။ ပဲပုတ်(ရှမ်း/မြန်မာ)တို့မှာ ဆောင်းပဲပုတ်မဝင်သေးခြင်း ၊ မိုးပဲပုတ်အထွက်နည်း ၊ အဝင်နည်းခဲ့ခြင်းကြောင့် ပဲပုတ်(မြန်မာ) ၃တင်း တစ်အိတ် ၃၂၀၀၀၀ ကျပ် ဖြင့်ဈေးတည်ငြိမ်နေပြီး ပဲပုတ်(ရှမ်း)မှာ ဆီစက်သမား အဝယ်ပုံမှန်ရှိခြင်း ၊ အသစ်မဝင်သေးခြင်းကြောင့် ယခင်အပတ် ၂၈၀၀၀၀ ကျပ် မှ ယခုအပတ် ၃၁၈၀၀၀ကျပ် သို့ ဈေးမြင့်သွားသည်။ ကုလားပဲ(လုံးဖြူကြီး)မှာ ဆောင်းစိုက်များ ဝင်ချိန်နီးသဖြင့် လှောင်လက်ထုတ်ရောင်းမှုရှိခြင်း၊ လုပ်ငန်းသမား အကြော်လှော်သမား အဝယ်ပုံမှန်ရှိခြင်းကြောင့် ယခင်အပတ် ၃ တင်း တစ်အိတ် ၂၃၀၀၀၀ ကျပ် မှ ၂၃၅၀၀၀ ကျပ် သို့ဈေးမြင့်သွားပြီး ကုလားပဲ(လုံးဝါကြီး)မှာ ပဲစိုများပေါ်ချိန်ဖြစ်ခြင်း ၊ အလှူပွဲများ ဝယ်ယူမှုနည်းခြင်းကြောင့် ခွဲခြမ်း လက်ကျန်များပြီး ပဲခွဲစက်များ အဝယ်နည်း ခြင်းကြောင့် ယခင်အပတ် ၂၂၂၀၀၀ ကျပ် မှ ၂၁၈၀၀၀ ကျပ်သို့ ဈေးမသိမသာ နိမ့်သွားသည်။ခွဲခြမ်းမှာလည်း အရောင်းအဝယ်အေးခြင်းကြောင့် တစ်ပိဿာ ၅၅၈၀ ကျပ်ဖြင့် ဈေးတည်ငြိမ်နေသည်။ မြေထောက်ပဲ ၊ ပဲယင်း ၊ စားတော်ပဲ(ကျွန်း)တို့မှာ အသစ်များဝင်ရောက်မှုရှိခြင်း ၊ ပဲခွဲစက်များ ၊ လက်လီသမား ၊ အကြော်လှော်သမားများ အဝယ်ပုံမှန်ရှိခြင်းကြောင့် ပဲယင်းကြီး ၃ တင်းတစ်အိတ် ၂၁၀၀၀၀ ကျပ်ဖြင့် ဈေးတည်ငြိမ်နေပြီး မြေထောက်ပဲမှာ ၂၆၀၀၀၀ ကျပ်ဖြင့် ဈေးတည်ငြိမ်နေသည်။စားတော်ပဲ(ကျွန်း)မှာ အဝင်နည်းခြင်း ၊ အရည်အသွေးညံ့ခြင်းကြောင့် အရောင်းအဝယ်အေးပြီး ၃ တင်းတစ်အိတ် ယခင်အပတ် ဈေးနှုန်းအတိုင်း ၇၅၀၀၀၀ ကျပ်ဖြင့် ဈေးတည်ငြိမ်နေသည်။ ပဲကြီး(ကြီး)မှာ ဆောင်းပဲများ ဝင်ရောက်မှုရှိခြင်း ၊ လုပ်ငန်းသမား အကြော်လှော် သမားများ အဝယ်နည်းခြင်းကြောင့် ယခင်အပတ် ၆၀၀၀၀၀ ကျပ်မှ ၅၈၀၀၀၀ ကျပ်သို့ ဈေးနိမ့်သွားပြီး ပဲကြီး(သေး) မှာ အဝင်ပုံမှန် ၊ လက်လီသမားအဝယ်ပုံမှန်ရှိခြင်းကြောင့် ၃ တင်းတစ်အိတ် အရည်အသွေး အကောင်းဆုံး ၄၅၀၀၀၀ ကျပ်ဖြင့် ဈေးတည်ငြိမ် နေသည်။ထောပတ်ပဲ(ကြီး)မှာ ဆောင်းပဲ မဝင်သေးခြင်း ၊ လုပ်ငန်းသမား အဝယ်ပုံမှန်ရှိခြင်းကြောင့် ၃ တင်းတစ်အိတ် ၂၄၀၀၀၀ ကျပ် မှ ၂၅၀၀၀၀ ကျပ်သို့ ဈေးမြင့်သွားပြီး ထောပတ်ပဲ(သေး)မှာ အသစ် မဝင်သေးခြင်း ၊ လက်လီသမားအ ဝယ်ပုံမှန် ရှိခြင်းကြောင့် ၃ တင်းတစ်အိတ် ၁၉၅၀၀၀ ကျပ် မှ ၂၁၅၀၀၀ ကျပ် သို့ ဈေးမြင့်သွားသည်။
ဟင်းသီး/ရွက်နှင့် သစ်သီးဝလံဈေးကွက်
ငရုတ်စို(ရှည်)များ မုံရွာ ၊ချောင်းဦးမှ အဝင်နည်းခြင်း ၊ မြို့တွင်းလုပ်ငန်းသမား အဝယ်နည်းခြင်းကြောင့် တစ်ပိဿာ ၄၀၀၀ ကျပ် ၊ ငရုတ်စို (လတ်) တစ်ပိဿာ ၅၀၀၀ ကျပ်ဖြင့် လက်ဖက် နှင့် ငပိထောင်းသမားများ ဝယ်ယူမှုပုံမှန်ရှိနေသည်။ခရမ်းချဉ် (ရှမ်း/တောင်)များ အဝင်နည်းပစ္စည်းရှားသွားခြင်းကြောင့် ၂၀ ပိဿာ တစ်သေတ္တာ ၁၃၀၀၀၀ ကျပ်ထိ ဈေးမြင့်သွားသည်။ မုံရွာမှ တရုတ်(တိုင်ပေ)သီးများလည်း စတင်ဝင်ရောက်ပြီး အရည် အသွေး ကောင်းခြင်းကြောင့် တစ်ပိဿာ ၅၀၀၀ ကျပ်မှ ၆၀၀၀ ကျပ်ဖြင့် မြို့တွင်းသုံးအပြင် ပြင်ဦးလွင်သို့ တင်ပို့မှုရှိသည်။ဆောင်းတွင်းကာလဖြစ်၍ ပန်းမုံလာများအဝင်များပြီး တစ်ပွင့် ၁၀၀၀ ကျပ် ၊ ဂေါ်ဖီတစ်ထုပ် ၂၅၀၀ ကျပ် ၊ ဘိုစားပဲတစ်ပိဿာ ၅၀၀၀ ကျပ်ဖြင့် စားသောက်ဆိုင်များ ပုံမှန်ဝယ်ယူမှုရှိသည်။ မုံရွာ ၊ ချောင်းဦးမှ ဖရဲသီးများ လှိုင်လှိုင်ဝင်ရောက်ပြီး အရည်အသွေးပေါ်မူတည်၍ တစ်လုံး ၂၀၀၀ ကျပ် မှ ၆၀၀၀ ကျပ်၊ သခွားမွှေးတစ်လုံး ၃၀၀၀ ကျပ်မှ ၅၀၀၀ ကျပ်ဖြင့် မြို့တွင်းသစ်သီးဆိုင်များ ဝယ်ယူမှုပုံမှန်ရှိနေသည်။သီပေါဘက်မှ လိမ္မော်သီးအရည်အသွေးစုံဝင်ရောက်ပြီး ၁၀၀ ပိဿာ ၄၀၀၀၀၀ ကျပ် မှ ၈၀၀၀၀၀ ကျပ်ထိ ဈေးအမျိုးမျိုးဖြင့် ရောင်းဝယ်နေသည်။တရုတ်စပျစ်သီး ၇ ပိဿာ တစ်ဖာ ၂၅၀၀၀၀ ကျပ် ၊ မြန်မာစပျစ် တစ်ပိဿာ ၃၀၀၀၀ ကျပ်၊ ထောပတ်သီး ၁၂၀လုံးပါတစ်အိတ် အရည်အသွေးပေါ်မူတည်၍ ၃၀၀၀၀ ကျပ် မှ ၅၀၀၀၀ ကျပ် ၊ ညောင်ပင်ဝန်းမှ သင်္ဘောသီး ၂ လုံးတွဲ တစ်ထုပ် ၂၅၀၀ ကျပ်ဖြင့် မြို့တွင်းသစ်သီးဆိုင်များ ၊တောင်တွင်းကြီး၊ အောင်လံ ၊ ပခုက္ကူ သို့တင်ပို့မှုရှိသည်။
ဂျုံနှင့်အစေ့ထုတ်ပြောင်းဈေးကွက်
ဂျုံဈေးနှုန်းအနေဖြင့် မြင်းမူ ၊ မြောင်၊ ဆားတောင် ၊ မုံရွာ ၊ ဘုတလင်တို့မှ အသစ်ဝင်ချိန်နီး၍ လှောင်သမား ထုတ်ရောင်းမှုရှိခြင်း ၊ ဂျုံစက်များ ဝယ်ယူမှုပုံမှန်ရှိခြင်းကြောင့် ၃ တင်းတစ်အိတ် အရည်အသွေးပေါ်မူတည်၍ ၂၃၀၀၀၀ ကျပ်မှ ၂၄၀၀၀၀ ကျပ် ၊ရှမ်းဂျုံ ၂၀၀၀၀၀ ကျပ် ၊ အထွက်တိုးဂျုံ ၁၉၀၀၀၀ ကျပ် ၊ ကလေးဂျုံ ၂၀၀၀၀၀ ကျပ် ၊ ကြူကုတ်ဂျုံ ၁၉၅၀၀၀ ကျပ်ဖြင့် ဈေးတည်ငြိမ်နေသည်။ဩစတြေးလျဂျုံမှုန့်တစ်ပိဿာ ၃၈၅၀ ကျပ်ဖြင့် မုန့်လုပ်ငန်းသမားများ ဝယ်ယူမှုပုံမှန်ရှိသည်။
အစေ့ထုတ်ပြောင်းဈေးနှုန်းအနေဖြင့် ဆောင်းစိုက်များ ဝင်ရောက်စပြုခြင်းကြောင့် အစာစပ်သမားများ ဝယ်ယူမှုပုံမှန်ရှိသော်လည်း ၃ တင်းတစ်အိတ် ယခင်အပတ် ၇၅၀၀၀ ကျပ် မှ ယခုအပတ် ၇၂၀၀၀ ကျပ်သို့ ဈေးနိမ့်သွားသည်။
ခင်မေကြည်