မြန်မာနိုင်ငံမှ ထောပတ်သီး တင်ပို့မှုအတွက် တရုတ်နိုင်ငံနှင့် သဘောတူစာချုပ် ချုပ်ဆိုရန်ဆောင်ရွက်နေ

မြန်မာ့ကုန်သွယ်မှုမြှင့်တင်ရေးအဖွဲ့သည် တရုတ်နိုင်ငံနှင့် ထောပတ်သီး တင်ပို့မှု စံချိန်စံညွှန်း လုပ်ငန်းစဉ်များ သဘောတူညီချက်ကို လက်မှတ်ရေးထိုးနိုင်ရန် ဆက်လက် ကြိုးပမ်း ဆောင်ရွက်လျက်ရှိသည်။

မြန်မာနိုင်ငံသည် ၂၀၂၆-၂၀၂၇ ဘဏ္ဍာရေးနှစ်တွင် တရုတ်ပြည်သူ့သမ္မတနိုင်ငံ အကောက်ခွန် ဆိုင်ရာအထွေထွေအုပ်ချုပ်ရေးအဖွဲ့ (GACC) ၏ သွင်းကုန်စံချိန်းစံညွှန်းများနှင့်အညီ တရုတ်နိုင်ငံသို့ ထောပတ်သီးတင်ပို့မှု စတင်ရန် ရည်မှန်းထားသည်။

ထောပတ်သီးသည် GACC မှတ်ပုံတင်ရန် လိုအပ်သော ကုန် ပစ္စည်း ၁၈ မျိုးတွင် မပါဝင်သေး သဖြင့် တင်ပို့သူများသည် ၎င်းတို့၏ကိုယ်ပိုင်အကောင့်များဖြင့် တရုတ်နိုင်ငံ၏ အပြည်ပြည်ဆိုင်ရာ ကုန်သွယ်ရေးတံခါးပေါက်ဝ (China International Trade Single Window) သို့ ဝင်ရောက်၍ တိုက်ရိုက် ခွင့်ပြုချက်ရယူနိုင်သည်။

GACC လက်အောက်ရှိ တိရစ္ဆာန်နှင့် အပင် စောင့်ကြည့်ရေးဌာနသည် သွင်းကုန်အစေ့ အဆန်များ (မလှော်ရသေးသော ကော်ဖီစေ့၊ ကိုကိုးစေ့၊ လတ်ဆတ်သော ဟင်းသီးဟင်းရွက်များ၊ ခြောက်သွေ့ဟင်းသီးဟင်းရွက်များ၊ အပင်များမှ ဟင်းခတ်အမွှေး အကြိုင်များ၊ စားသုံးနိုင်သော အစေ့အဆန်များ၊ ပဲခြောက်များ၊ ဆီထွက်အစေ့များ၊ ဆေးဖက်ဝင် တိရစ္ဆာန် ထွက်ပစ္စည်းများနှင့် အပင်များ) အတွက် ၎င်းတို့၏ မူလဇစ်မြစ်များကို စောင့်ကြည့် စစ်ဆေးခြင်းများ ပြုလုပ် မည်ဖြစ်သည်။ GACC သည် ကုမ္ပဏီများနှင့် စီးပွားရေးအဖွဲ့အစည်း များအား ထိုစိုက်ပျိုးရေး ထွက်ကုန်များကို မှတ်ပုံတင်ခွင့်မပြုဘဲ သက်ဆိုင် ရာ အာဏာပိုင်အဖွဲ့ အစည်းများထံသာ လျှောက်ထားခွင့်ရှိသည်။ ထို့အပြင် ကုန်ပစ္စည်းများသည် တင်သွင်းသည့် ကုမ္ပဏီများ၏ စည်းမျဉ်း များနှင့်အညီ အမြင့်ဆုံးဓာတ်ကြွင်းပမာဏ (Maximum Residue Limit) ကို ကျော်လွန်၍မရကြောင်း သတ်မှတ်ထားပါသည်။

မြန်မာနိုင်ငံသည် ယခုအချိန်ထိ ထောပတ်သီး တန်ချိန် ၃,၀၀၀ ခန့်ကို ထိုင်းနိုင်ငံသို့ အဓိက ထားတင်ပို့ရပြီး နိုင်ငံခြားကုန်သွယ်ဖက်များသို့လည်း တင်ပို့ခဲ့သည်။ ယခုနှစ်အတွက် ထောပတ်သီးတင်ပို့မှု ရည်မှန်းချက်မှာ တန်ချိန် ၅,၀၀၀ အထိ တိုးမြှင့်ထားကြောင်းသိရှိရသည်။ 

အေးအေးခိုင်

https://www.gnlm.com.mm/myantrade-seeks-avocado-export-protocol-with-china/#article-title