ကြက်သွန်နီတင်သွင်းခွင့်ပါမစ်အသုံးပြုမှု နှေးကွေးနေခြင်းကို ဖိလစ်ပိုင် စုံစမ်းစစ်ဆေးလျက်ရှိ

ကြက်သွန်နီတင်ပို့ရောင်းချမှုအတွက် ထုတ်ပေးထားသော ပါမစ်အသုံးပြုမှု နှေးကွေး နေခြင်းကို ရှင်းပြရန် အပင်ထုတ်လုပ်မှုနှင့် စိုက် ပျိုးရေး ဗျူဟာရုံးဌာန (DA-BPI) မှ ကြက်သွန်နီ တင်သွင်း သူများကို ညွှန်ကြားထားကြောင်း၊ အနီရောင် ကြက်သွန်နီ သုံးစွဲမှုနှုန်းသည် အဝါရောင် ကြက်သွန်နီထက် သိသိသာသာ နိမ့်ကျနေသဖြင့် ရောင်းလိုအား တင်းကျပ်ပြီး လက်လီဈေး များ မြင့်မားစေကြောင်း တာဝန်ရှိသူများက ဆိုပါသည်။

ပုံမှန်အားဖြင့် အားလပ်ရက်မတိုင်မီ ဝယ်လိုအားများလာသော အခါ အကန့်အသတ်ဖြင့် ရရှိနိုင်မှုကြောင့် တစ်ကီလိုဂရမ်လျှင် အမေရိကန်ဒေါ်လာ ၅ ဒသမ ၃ (တစ်ကီလိုလျှင် ပီဆို ၃၀၀) ရှိကြောင်း ရောင်းချသူများကဆိုသည်။

စိုက်ပျိုးရေးအတွင်းရေးမှူး Francisco P. Tiu Laurel Jr. က အေဂျင်စီသည် အသုံးမပြုသောပါမစ်များ၏ အခြေအနေကို အကဲ ဖြတ်နေကြောင်း၊ ပါမစ်များအားအသုံးမပြုပါက ဖျက်သိမ်းပြီး ပြည် တွင်း လုံလောက်မှုရှိစေရန်အတွက် အခြားတင်သွင်းသူများအား ပေးအပ် သွားမည် ဖြစ်ကြောင်း၊ လုံလောက်သော တင်သွင်းဖြည့် ဆည်း‌ပေးမှုနှင့် ဈေးနှုန်း တည်ငြိမ် စေရန် သမ္မတ Ferdinand Marcos Jr. ၏ ညွှန်ကြားချက်နှင့်ကိုက်ညီကြောင်း ၎င်းက ပြောသည်။

အသုံးမပြုသောပါမစ်များကို ပယ်ဖျက်ပြီး Food Terminal Inc. အပါအဝင် အခြား သော တင်သွင်းသူ များထံ ပြန်လည်ဖြန့်ဝေသွားမည်ဖြစ်ပြီး ဖြည့်ဆည်းမှုဖိအားကို လျှော့ ချရန် ရည်ရွယ်၍ တင်ပို့မှုများကို အရှိန်မြှင့်မည်ဖြစ်သည်။ တရုတ်နိုင်ငံမှတင်သွင်းသော ကြက်သွန်နီ များ၏ ကုန်ကျစရိတ်မှာ တစ်ကီလိုလျှင် အမေရိကန်ဒေါ်လာ (၁ ဒသမ ၀၆) (တစ်ကီလိုလျှင် ပီဆို ၆၀)ခန့်ရှိသည်။

အစောပိုင်းတွင် စိုက်ပျိုးရေးဌာန သည် အနီရောင်ကြက်သွန်နီ ၆၉,၀၄၀ မက်ထရစ်တန်နှင့် အဝါရောင်ကြက်သွန်နီ ၄၂,၂၆ မက်ထရစ်တန်တို့ကို လွှမ်းခြုံနိုင်သော Sanitary and Phytosanitary Import Clearances (SPSICs) ကို ထုတ်ပြန်ခဲ့သည်။ 

ယနေ့အထိ BPI သည် အနီရောင်ကြက်သွန်နီအတွက် SPSIC (၁၂၀၂) ခုနှင့် အဝါရောင် ကြက်သွန်နီအတွက် ၇၅၁ ခု ထုတ်ပေးထားသည်။

ဩဂုတ်မှ နိုဝင်ဘာ ၂၀ ရက်အထိ အသုံးချမှုအချက်အလက်များအရ အဝါရောင် ကြက်သွန်နီ ၂၁၁၄၅ မက်ထရစ်တန်အတွက် ပါမစ် ၄၄၃ ခု အသုံးပြုခဲ့ကြောင်း သိရသည်။ ဆန့်ကျင်ဘက်အနေဖြင့် အနီရောင်ကြက်သွန်နီ SPSIC ၁၉၂ ခုကိုသာ အသုံးပြုခဲ့ပြီး စက်တင်ဘာမှစတင် ၍ တင်သွင်းမှု ၁၂၈၂၄ မက်ထရစ်တန်အထိ အကျုံးဝင်ပါသည်။ SPSIC အားလုံးကို ပါမစ်များသိုလှောင်ခြင်းမှ တားဆီးရန်နှင့် တင်သွင်းမှုများကို တားဆီးရန်အတွက် ရည်ရွယ်သည့် နောက်ဆုံးရက်ဖြစ်သည့် SPSIC များကို ၂၀၂၆ ခုနှစ်၊ ဇန်နဝါရီ ၁၅ ရက်နေ့ နောက်ဆုံး
ထား၍ အသုံးပြုရမည်ဖြစ်ပါသည်။

လစဉ်ဝယ်လိုအားမှာ အဝါရောင်ကြက်သွန်နီအတွက် မက်ထရစ်တန် ၄၀၀၀ နှင့် အနီရောင် ကြက်သွန်နီအတွက် မက်ထရစ်တန် ၁၇၀၀၀ ခန့်ရှိသည်။

BPI ဒါရိုက်တာ Gerald Glenn Panganiban က စျေးကွက်စောင့်ကြည့်မှု စေ့စပ် သေချာလာသည်ဟု ပြောကြားခဲ့သည်။ BPI သည် စျေးကွက်အတွင်းထောက်ပံ့မှုစီးဆင်းမှု၊ ဈေးနှုန်းနှင့် အစားအစာ ဘေးကင်းရေးတို့ကို စောင့်ကြည့်ရန် စိုက်ပျိုး ရေးဌာနမှ စစ်ဆေးခြင်း၊ အခွင့် အာဏာတည်သည့်ရုံးနှင့် လယ်ယာစီးပွားရေးနှင့် စျေးကွက်ရှာဖွေရေး အထောက်အကူ ပြုဝန်ဆောင်မှုတို့နှင့်အတူ လုပ်ဆောင် နေကြောင်း သိရှိရသည်။     

ဟေမာန်အောင်မင်း

https://www.freshplaza.com/asia/article/9788668/philippines-probes-slow-use-of-red-onion-import-permits/