ဧပြီလမှ သြဂုတ်လအထိ မြန်မာ့ငါး တန်ချိန် ၁ သိန်း တင်ပို့

ဧပြီ ၁ ရက်နေ့မှ စတင်၍ လက်ရှိဘဏ္ဍာရေးနှစ် ၂၀၂၅ -၂၀၂၆ ၏ လွန်ခဲ့သော ၅ လ အတွင်း အမေရိကန်ဒေါ်လာ ၁၂၇ ဒသမ ၈၅ သန်း တန်ဖိုးရှိ ငါး မက်ထရစ်တန်ချိန် တစ်သိန်းကျော် တင်ပို့ခဲ့ကြောင်း ငါးလုပ်ငန်းဦးစီးဌာနမှ သိရသည်။

မြန်မာနိုင်ငံသည် ပင်လယ်ရေကြောင်းလမ်းမှ ခန့်မှန်း အမေရိကန်ဒေါ်လာ ၈၅ ဒသမ ၅ သန်းတန်ဖိုးရှိသော ငါးတန်ချိန် ၅၇,၈၀၀ ကျော် တင်ပို့ခဲ့သည်။ အမေရိကန်ဒေါ်လာ ၄၂ ဒသမ ၃ သန်းတန်ဖိုးရှိ ငါး မက်ထရစ်တန် ၅၀,၉၀၀ ကျော်ကို နယ်စပ်လမ်းကြောင်းမှတစ်ဆင့် အိမ်နီးချင်း နိုင်ငံများသို့ တင်ပို့ခဲ့သည်။ ယခင်၂၀၂၄-၂၀၂၅ (ဧပြီ - မတ်) ဘဏ္ဍာနှစ်တွင် အမေရိကန် ဒေါ်လာ ၄၂၁ သန်းတန်ဖိုး ရှိသော ငါးတန်ချိန် ၄၀၀၀၀၀ ခန့် တင်ပို့နိုင်ခဲ့သည်။

မြန်မာနိုင်ငံသည် တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်အပါအဝင် နိုင်ငံပေါင်း ၄၀ သို့ ရေထွက်ပစ္စည်းများကို ရေကြောင်းနှင့် နယ်စပ်ကုန်သွယ်ရေးလမ်းကြောင်းများမှတစ်ဆင့် တင်ပို့လျက်ရှိသည်။ လွန်ခဲ့ သော ၅ လအတွင်း မြန်မာ့ရေထွက်ကုန်တင်ပို့မှုသည် မက်ထရစ်တန်ချိန် ၁၅၃,၉၀၀ ကျော်လွန်ခဲ့သည်။

ငါးသလောက်၊ ငါးခူ၊ ကကတစ်ငါး၊ ပင်လယ်ငါးရှဉ့်၊ ပုစွန်နှင့် ကဏန်း အပါအဝင် ရေထွက်ပစ္စည်းများကို ပြည်ပဈေးကွက်သို့ တင်ပို့ရောင်းချနေကြောင်း မြန်မာနိုင်ငံငါးလုပ်ငန်းအဖွဲ့ချုပ်မှ သိရသည်။ ငါးအအေးခန်းသိုလှောင်ရုံ ၁၄၀ ကျော်ရှိပြီး ဌာနမှလည်း နှစ်စဉ် လိုင်စင်သက်တမ်း တိုးပေး နေကြောင်း သိရှိရသည်။

ဉမ္မာထွန်း

https://www.gnlm.com.mm/myanmars-fish-exports-top-100000-tonnes-from-apr-to-aug/#article-title