မဟာချက်ကရီသီရိဒုံစီမံကိန်းမှ ရေဆင်းစိုက်ပျိုးရေးတက္ကသိုလ်သို့ သင်ကြားရေးနှင့် ရုံးလုပ်ငန်းပစ္စည်းကိရိယာများ လှူဒါန်းပေးအပ်

နေပြည်တော် စက်တင်ဘာ ၂၅

ထိုင်းနိုင်ငံ တော်ဝင်မင်းသမီးကြီး မဟာချက်ကရီသီရိဒုံ စီမံကိန်းမှ သင်ကြားရေးနှင့် ရုံးလုပ်ငန်း ပစ္စည်းကိရိယာများ လှူဒါန်းပေးအပ်ခြင်းအခမ်းအနား ကို  စက်တင်ဘာ ၂၅ ရက် နေ့လယ်ပိုင်းတွင် ရေဆင်း စိုက်ပျိုး‌ရေးတက္ကသိုလ် ရာပြည့်ခန်းမ၌ ကျင်းပရာ အခမ်းအနားသို့ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာတင်ထွဋ် ၊ မြန်မာနိုင်ငံဆိုင်ရာ  ထိုင်းနိုင်ငံသံအမတ်ကြီး မစ္စတာမုံခွန်းဝိစစ်စတန် H.E.Mr.Mongkol Visitstump နှင့် သံရုံးတာဝန်ရှိသူများ၊ စိုက်ပျိုးရေးတက္ကသိုလ် ပါမောက္ခချုပ်နှင့် ပါမောက္ခများ၊ ဆရာ ဆရာမများ တက်ရောက်ကြသည်။ 

အခမ်းအနားတွင် ဒုတိယဝန်ကြီး ဒေါက်တာတင်ထွဋ်က နှုတ်ခွန်း ဆက်စကား ပြောကြားရာ၌ ပညာ ရေးဆိုသည်က နိုင်ငံတစ်နိုင်ငံ ဖွံ့ဖြိုးတိုးတက်မှုအတွက်အခြေခံ အုတ်မြစ် ဖြစ်ပါကြောင်း၊ ယခုကဲ့သို့ အင်အားပြင်းငလျင်ဒဏ်ကြောင့် စိုက်ပျိုးရေး တက္ကသိုလ်၏ ပညာရေးလုပ်ငန်းများ ပြန်လည်ထူထောင်ရေးနှင့်  ဖွံ့ဖြိုးရေး လုပ်ငန်းများအတွက် လိုအပ်သည်များ ကူညီပေးနိုင်ရန် ကမ်းလှမ်းပေးခဲ့သည့် ထိုင်းနိုင်ငံ သံရုံးနှင့် တော်ဝင်မင်းသမီးကြီး မဟာချက်ကရီသီရိဒုံအား  အထူးကျေးဇူးတင်ရှိပါကြောင်း ပြောကြားသည်။ 

ထို့နောက် ထိုင်းနိုင်ငံ တော်ဝင်မင်းသမီးကြီး မဟာချက်ကရီသီရိဒုံစီမံကိန်းမှ တာဝန်ရှိသူများက သင်ကြားရေးသုံးပစ္စည်းကိရိယာများပေး အပ်ရာ ရေဆင်းစိုက်ပျိုးရေး တက္ကသိုလ်  ပါမောက္ခချုပ်က လက်ခံ ရယူသည်။ ဆက်လက်၍ ပါမောက္ခချုပ်က ထိုင်းနိုင်ငံ တော်ဝင်မင်း သမီးကြီးအတွက် ဂုဏ်ပြုမှတ်တမ်းလွှာနှင့် အမှတ်တရ လက်ဆောင်ပေးအပ်ပြီး ကျေးဇူးတင်စကား ပြောကြားသည်။

မတ် ၂၈ ရက်နေ့တွင် လှုပ်ခတ်ခဲ့သော အင်အားပြင်းငလျင်ဒဏ်ကြောင့် ရေဆင်း စိုက်ပျိုး‌ရေးတက္ကသိုလ်၏ အဆောက်အဦအချို့ ထိခိုက်ပျက်စီးခဲ့သဖြင့် ပြန်လည်ပြုပြင် မွမ်းမံစဉ်ကာလတွင် ထိုင်းနိုင်ငံ တော်ဝင်မင်းသမီးကြီး မဟာချက်ကရီသီရိဒုံ စီမံကိန်းမှ ကွန်ပျူ တာ များ၊ ပရိုဂျက်တာများ၊ ပရင်တာများ၊ လေအေးပေးစက်များ၊ မိတ္တူ ကူးစက်များနှင့် ဆက်စပ်ပစ္စည်းများ ထောက်ပံ့ခြင်းကြောင့် တက္ကသိုလ် ၏ ပညာရေးလုပ်ငန်းများ ပြန်လည် ထူထောင်ရေး နှင့် ဖွံ့ဖြိုးရေးလုပ်ငန်းများအတွက် များစွာ အထောက်အကူ ဖြစ်စေကြောင်း သတင်းရရှိသည်။                              

MOALI