မန္တလေးဈေးကွက်
(မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၂၆-၄-၂၀၂၆ ရက်နေ့ ကောက်ယူဈေးနှုန်းများဖြစ်ပါသည်။)
ဆန်ဈေးကွက်
မန္တလေးဆန်ပွဲရုံများတွင် မိုးလက်ကျန်နည်းသွားသဖြင့် ပင်ရင်းဈေး မြင့်ခြင်း သင်္ကြန်ကာလအပြီး ဝယ်ယူမှုများခြင်းကြောင့် ယခင်လတစ်အိတ် ၁၄၀၀၀၀ကျပ်မှ ၁၆၀၀၀၀ကျပ်သို့ ဈေးမြင့်သွားသည်။ ရွှေဘိုပေါ်ဆန်းမှာလည်း ရွှေဘိုဒေသတစ်ခုထဲမှ ဝင်ရောက် ခြင်း၊ အဝင်နည်းသွားခြင်း၊ မြို့တွင်းစားသုံးရန် ဝယ်ယူမှုများခြင်းကြောင့် တစ်အိတ် ၁၈၅၀၀၀ကျပ်မှ ၂၀၀၀၀၀ကျပ်သို့ ဈေးမြင့်သွားသည်။ မနောသုခ ဆန်မှာ မိုးလက်ကျန်နည်းခြင်း၊ နွေစပါးစိုက်ထားဆဲဖြစ်ခြင်း၊ မြို့တွင်းစားသုံးမှု ပုံမှန်ဖြစ်ခြင်းကြောင့် တစ်အိတ် ၈၅၀၀၀ကျပ်မှ ၉၀၀၀၀ကျပ်သို့ ဈေးမြင့်သွားသည်။ ဇီယာနှင့် ငစိန်ဆန်မှာ ဇီယာမျိုးနွယ်ဝင်ဆန်များမှာ ပြည်ပပို့ရန် ဝယ်ယူမှုရှိသော ဆန်များဖြစ် ခြင်း၊ မိုးလက်ကျန် တောင်သူထဲတွင် နည်းသွားသဖြင့် ပင်ရင်းဈေးမြင့်ခြင်းကြောင့် တစ်အိတ် ၈၀၀၀၀၀ ကျပ်မှ ၉၅၀၀၀ကျပ်သို့ ဈေးမြင့်သွားသည်။ ငစိန်ဆန်မှာ တောင်သူလက်ကျန်နည်း၍ ပင်ရင်းဈေးမြင့်ခြင်း၊ လုပ်ငန်းသမားအဝယ်ပုံမှန်ရှိခြင်းကြောင့် တစ်အိတ် ၆၀၀၀၀ကျပ်ဖြင့် ဈေးတည် ငြိမ်နေသည်။ ဧရာမင်းဆန်မှာ မန္တလေးဝန်းကျင်မှ ထွက်ရှိပြီး အသစ်စတင်ဝင်ရောက်မှုရှိခြင်းကြောင့် အသစ် တစ်အိတ် ၂၄၀၀၀၀ကျပ်၊ အဟောင်းမှာ ၁၄၀၀၀၀ကျပ်မှ ၁၆၀၀၀၀ကျပ်သို့ ဈေးမြင့်သွားသည်။
ဆီထွက်သီးနှံ ဈေးကွက်
ဆောင်းမြေပဲအသစ်များဝင်ရောက်သော်လည်း အဝင်နည်းခြင်း၊ လုပ်ငန်းသမား အဝယ်ပုံမှန်ရှိခြင်း၊ အရည်အသွေးပေါ်မူတည်၍ ဈေးကွာခြားခြင်းကြောင့် မြေပဲ (လုံးဆန်) ဈေးနှုန်းမှာ ၁၀၀ပိဿာ ၁၁၂၀၀၀၀ကျပ် မှ ၁၁၇၀၀၀၀ကျပ်ထိ ဈေးအမျိုးမျိုးဖြင့် ရောင်းဝယ်မှုရှိသည်။ မြေပဲ (ဆီဆန်)မှာ အဝင်နည်းသော်လည်း ပိတ်ရက်များသဖြင့် ဆီစက်များ အဝယ်နည်းခြင်းကြောင့် ယခင်အပတ်အရည်အသွေးအကောင်းဆုံး ၁၁၅၀၀၀၀ကျပ်မှ ယခုအပတ် ၁၀၈၀၀၀၀ကျပ်သို့ ဈေးနိမ့်သွားသည်။
နှမ်းဖြူမှာ အဝင်ပုံမှန်ရှိသော်လည်း သင်္ကြန်ကာလ လူပ်ငန်းသမား အဝယ်နည်းခြင်းကြောင့် ၃တင်းတစ်အိတ် ၄၀၀၀၀၀ကျပ်ဖြင့် ဈေးတည်ငြိမ်နေသည်။ နှမ်းညိုများ အဝင်နည်းခြင်း၊ သင်္ကြန်အပြီး ဆီစက်သမား အဝယ်များခြင်းကြောင့် ၄၅ပိဿာ ယခင်လ ၃၆၀၀၀၀ ကျပ်မှ ယခုလ ၄၅၀၀၀၀ကျပ်သို့ ဈေးမြင့်သွားသည်။ နှမ်းနက် (စမုံ)မှာ အဝင်နည်းခြင်း၊ လုပ်ငန်း သမားအဝယ်များခြင်းကြောင့် အရည်အသွေးအကောင်းဆုံး ယခင်လ ၃တင်းတစ်အိတ် ၆၄၀၀၀၀ကျပ် မှ ၇၅၀၀၀၀ကျပ်သို့ ဈေးများစွာမြင့်သွားသည်။
ပန်းနှမ်းဈေးနှုန်းမှာ အဝင်နည်းခြင်း၊ သင်္ကြန်ပြီး ရောဆီသမားနှင့် ဘယဆေးသမားအဝယ်ရှိခြင်းကြောင့် ၃တင်း တစ်အိတ် ၃၀၀၀၀၀ကျပ်မှ ၃၁၅၀၀၀ကျပ်သို့ ဈေးမြင့်သွားသည်။ နေကြာမှာ အဝင်ပုံမှန်၊ ဆီစက်သမားအဝယ်ပုံမှန်ရှိခြင်းကြောင့် ၂၇ပိဿာ (၃တင်း) ၂၂၀၀၀၀ကျပ်ဖြင့် ဈေးတည်ငြိမ်နေသည်။
စားဖိုဆောင်ဈေးကွက်
ငရုတ်ခြောက် ဧရာဝတီတိုင်းဘက်မှ အဝင် နည်းသွားခြင်း၊ သာစည်၊ ပျော်ဘွယ်၊ မန္တလေးဝန်းကျင်မှ မဝင်သေးခြင်းကြောင့် ငရုတ်ခြောက် (ရှည်) တစ်ပိဿာ ၁၈၀၀၀ကျပ်၊ လတ် တစ်ပိဿာ ၂၀၀၀၀ကျပ်၊ ငရုတ်ခြောက် (ပွ) တစ်ပိဿာ ၃၀၀၀၀ ကျပ်သို့ ဈေးမြင့်သွားသည်။
မြစ်သားကြက်သွန်အဝင်နည်းသွားပြီး နယ်စုံမှ ဝင်ရောက်မှုရှိ ခြင်း၊ လမ်းပမ်းဆက်သွယ်ရေးနှင့် သယ်ယူစရိတ်ကြောင့် နယ်ဝေးတင်ပို့ရမှုနည်းပြီး မြို့တွင်းစားသုံးမှု သာရှိခြင်းကြောင့် ကြီးတစ်ပိဿာ ၂၈၀၀ ကျပ်မှ ၂၅၀၀ကျပ်၊ လတ်တစ်ပိဿာ ၂၀၀၀ ကျပ်၊ သေး တစ်ပိဿာ ၁၈၀၀ ကျပ်သို့ ဈေးနိမ့်သွားသည်။ ကြက်သွန်ဖြူ (တရုတ်) မှာ အဝင်ပုံမှန်နှင့် မြို့တွင်းစား သုံးမှုသာရှိခြင်းကြောင့် တစ်ပိဿာ ယခင်လ ၁၄၀၀၀ကျပ်မှ ယခုလ ၁၁၀၀၀ ကျပ်သို့ ဈေးနိမ့်သွား သည်။ ရွှေဘိုဘက်မှ ဝင်ရောက်သော ကြက်သွန်ဖြူ (မြန်မာ) မှာ အဝင်ပုံမှန် မြို့တွင်းစားသုံးမှု ပုံမှန်ရှိခြင်းကြောင့် အရည်အသွေးပေါ် မူတည်၍ အနိမ့်ဆုံး ၅၀၀၀ကျပ်မှ အမြင့်ဆုံး ၉၀၀၀ ကျပ်ဖြင့် ပုံမှန်ရောင်းဝယ်နေသည်။
အောင်ပန်းအာလူးများအဝင်များလာခြင်းကြောင့် အိုကေတစ်ပိဿာ ၂၅၀၀ ကျပ်၊ အေဝမ်းတစ်ပိဿာ ၂၀၀၀ကျပ်၊ ဆွဲတစ်ပိဿာ
၁၈၀၀ ကျပ်ဖြင့် မြို့တွင်းစားသုံးမှု ပုံမှန်ရှိ နေသည်။
ပဲမျိုးစုံဈေးကွက်
မတ်ပဲဈေးနှုန်းမှာ ကျောက်ရစ်ပဲ အသစ်မှာ ၂၈၈၀၀၀ကျပ်ဈေးရှိပြီး ပဲခွဲစက်များ အဝယ်ပုံမှန်ရှိနေသည်။ ပဲတီစိမ်း (အညာ)မှာ အသစ်အဝင်နည်းခြင်းကြောင့် ပစ္စည်းကောင်းရှားခြင်း၊ တရုတ်ဝယ်လက် ရှိခြင်း၊ လှောင်သမားထံမှ ဝယ်ရခြင်းကြောင့် ၃တင်းတစ်အိတ် ယခင်လ ၂၉၀၀၀၀ ကျပ်မှ ယခုလ ၄၃၀၀၀၀ကျပ်သို့ ဈေးများစွာမြင့်သွားသည်။ ပဲစဉ်းငုံ (ဖြူ/နီ) တို့မှာ အသစ်အဝင်နည်းခဲ့ခြင်း၊ ပဲခွဲစက်နှင့် ရန်ကုန်ဝယ်လက်နည်းခြင်းကြောင့် ပဲစဉ်းငုံ (နီ) ယခင်လ ၃တင်းတစ်အိတ် ၂၇၅၀၀၀ကျပ်မှ ၂၈၅၀၀၀ ကျပ်သို့ ဈေးမြင့်သွားပြီး ပဲစဉ်းငုံ (ဖြူ) မှာ အဝင်ပုံမှန် ပဲခွဲစက်များ အဝယ်ပုံမှန်ရှိခြင်းကြောင့် တစ်အိတ် ၂၅၀၀၀၀ကျပ်ဖြင့် ဈေးငြိမ်နေသည်။ ပဲပုတ်(ရှမ်း/မြန်မာ) အနက် ပဲပုတ်(မြန်မာ) မှာ အဝင်ပုံမှန် လုပ်ငန်းသမားအဝယ်ပုံမှန်ရှိခြင်း ကြောင့် ၃တင်းတစ်အိတ် ၄၂၀၀၀၀ကျပ်၊ ပဲပုတ်(ရှမ်း) မှာလည်း အဝင်ပုံမှန် ဆီစက်သမားအဝယ်ပုံမှန် ရှိခြင်းကြောင့် ၃တင်းတစ်အိတ် ၄၃၀၀၀၀ကျပ်ဖြင့် ဈေးတည်ငြိမ်နေသည်။ ကုလားပဲဈေးနှုန်းများအနေဖြင့် ကုလားပဲ (လုံးဖြူကြီး)မှာ အသစ်အဝင်နည်းခြင်း၊ လုပ်ငန်းသမား၊ ပဲကြော်/လှော်သမားအဝယ်ပုံမှန်ရှိခြင်းကြောင့်အရည်အသွေးအကောင်းဆုံး ၂၂၇၀၀၀ ကျပ်မှ ၂၃၀၀၀၀ကျပ်သို့လည်းကောင်း၊ ကုလားပဲ (လုံးဝါကြီး)မှာ အဝယ်ပုံမှန်ရှိခြင်း၊ ပဲခွဲစက်များ အဝယ်ပုံမှန် ရှိခြင်းကြောင့် ၃တင်းတစ်အိတ် ၂၁၅၀၀၀ ကျပ်မှ ၂၁၇၀၀၀ကျပ်သို့ လည်းကောင်း ဈေးမသိမသာ မြင့်သွားပြီး ခွဲခြမ်းတစ်ပိဿာ ၅၆၅၀ ကျပ်ဖြင့် ဈေးတည်ငြိမ်နေသည်။ ပဲယင်း (ကြီး)မှာ အသစ်ပုံမှန်ဝင်ရောက်သော်လည်း ပဲခွဲစက်များ အဝယ်နည်းခြင်း၊ ကြာဇံလုပ်ငန်း သမားအဝယ်နည်းခြင်းကြောင့် ၃ တင်း တစ်အိတ် ၂၅၀၀၀၀ ကျပ်မှ ၂၄၀၀၀၀ ကျပ်သို့ ဈေးနိမ့်သွားသည်။ မြေတောက်ပဲ ဈေးနှုန်းအနေဖြင့် မုံရွာဘက်မှ အသစ်များ ဝင်ရောက်ပြီး ၃ တင်းတစ်အိတ် ၃၅၀၀၀၀ ကျပ်၊ ကလေးတမူး အသစ် ၃၁၀၀၀၀ ကျပ်၊ အညာအသစ် ၃၀၀၀၀၀ ကျပ်မှ ၃၅၀၀၀၀ ကျပ်ဈေးများဖြင့် လုပ်ငန်းသမား အကြော်အလှော်သမား၊ လုပ်ငန်းသမား အဝယ်ပုံမှန်ရှိသည်။ စားတော်ပဲ (ကျွန်း)မှာ အသစ်များဝင်ရောက်ပြီး လုပ်ငန်းသမား၊ လက်လီသမား အဝယ်ပုံမှန်ရှိခြင်းကြောင့် ၃ တင်းတစ်အိတ် ၆၃၀၀၀၀ ကျပ်ဖြင့် ဈေးတည်ငြိမ်နေသည်။ ပဲကြီး (ကြီး/သေး) တို့မှာ ကျောက်တွင်းဘက်မှ အသစ်များဝင်ရောက်ပြီး အရည်အသွေး ကောင်းခြင်း၊ အဝင်နည်းသေးခြင်းကြောင့် ယခင်က ၃ တင်းတစ်အိတ် ၄၉၅၀၀၀ ကျပ်မှ ၅၆၀၀၀၀ ကျပ်သို့ ဈေးမြင့်သွားသည်။ ပဲကြီး (သေး)မှာလည်း အသစ်များ အရည်အသွေးကောင်းခြင်း၊ လက်လီသမားအဝယ်ရှိခြင်းကြောင့် တစ်အိတ် ယခင်လတစ်အိတ် ၄၁၀၀၀၀ ကျပ်မှ ၅၀၀၀၀၀ ကျပ်သို့ ဈေးမြင့်သွားသည်။ ထောပတ်ပဲ (ကြီး/သေး) တို့မှာ အသစ်အဝင်များလာခြင်း၊ လုပ်ငန်းသမား ပဲကြော်/ လှော် သမား ပိတ်ရက်များခြင်းကြောင့် အဝယ်နည်းခြင်းကြောင့် ၃တင်းတစ်အိတ် ၃၈၀၀၀၀ ကျပ်မှ ၃၄၀၀၀၀ ကျပ်သို့ ဈေးနိမ့်သွားသည်။ ပဲလွန်းဖြူ/ပြာဈေးနှုန်းမှာ အသစ်များ ဝင်ရောက်ခြင်း၊ လက်လီသမားအဝယ်သာရှိခြင်း ကြောင့် ပဲလွန်းဖြူတစ်အိတ် ယခင်လ ၂၄၀၀၀၀ ကျပ်မှ ၂၃၈၀၀၀ ကျပ်သို့လည်းကောင်း၊ ပဲလွန်းပြာ တစ်အိတ် ၁၈၅၀၀၀ ကျပ်မှ ၁၈၀၀၀၀ ကျပ်သို့ ဈေးမသိမသာနိမ့်သွားသည်။
သစ်သီးဝလံနှင့် ဟင်းသီး/ရွက်ဈေးကွက်
အရာတော်ဘက်မှ ဖရဲသီးများ ဝင်ရောက်မှုရှိပြီး အရည်အသွေးကောင်းခြင်းအဝင်နည်းခြင်းကြောင့် တစ်လုံး ၈၀၀၀ ကျပ်ထိ ဈေးမြင့် နေသည်။ သခွားမွှေး ၂၅၀၀ ကျပ်၊ ရွှေသခွား ၂၀၀၀ ကျပ် ဈေးနှုန်းဖြင့် ရောင်းဝယ်နေသည်။ ထောပတ်သီးများ အဝင်နည်းပစ္စည်းရှားခြင်းကြောင့် ၁၂၀ လုံးပါ တစ်အိတ် ၃၀၀၀၀၀ ကျပ်၊ ပန်းသီး ၆၀ လုံးပါ တစ်ဖာ အရည်အသွေးပေါ်မူတည်၍ ၁၇၀၀၀၀ ကျပ်မှ ၂၀၀၀၀၀ ကျပ်၊ သီပေါနာနတ် တစ်လုံး ၃၀၀၀ ကျပ်ဖြင့် မင်းဘူး၊ ဖားအံ၊ ကောလင်း၊ ဝန်းသို၊ မိုးကုတ်၊ မြစ်ကြီးနား၊ ပွင့်ဖြူ၊ အောင်လံ၊ မူဆယ်ထိ လမ်းပန်းဆက်သွယ်ရေးပေါ်မူတည်၍ တင်ပို့မှုရှိသည်။
ခရမ်းချဉ်ရှမ်းတောင် မဝင်သေးပဲ မုံရွာ၊ တရုတ်(တိုင်ပေ)သီးများသာ ဝင်ရောက်ပြီး တစ်ပိဿာ ၁၀၀၀ ကျပ်၊ မုံရွာချောင်းဦးမှ ငရုတ်စို (ရှည်) တစ်ပိဿာ ၆၀၀၀ ကျပ်၊ ငရုတ်စို (လတ်)တစ်ပိဿာ ၇၀၀၀ ကျပ်ဖြင့် ငပိထောင်း၊ လက်ဖက်သမားများ ဝယ်ယူမှု ပုံမှန်ရှိနေသည်။ ပန်းမုံလာတစ်ပွင့် ၁၂၀၀ ကျပ်၊ ဂေါ်ဖီတစ်ထုပ် ၁၅၀၀ ကျပ်၊ မုန်ညှင်းဖြူတစ်ပိဿာ ၄၀၀၀ ကျပ်၊ မုံလာဥနီ တစ်ပိဿာ ၅၀၀၀ ကျပ်ဖြင့် စားသောက်ဆိုင်များ ပုံမှန်ဝယ်ယူမှုရှိသည်။
ဂျုံနှင့် အစေ့ထုတ်ပြောင်းဈေးကွက်
ဂျုံဈေးနှုန်းများ အနေဖြင့် ငါန်းဇွန်၊ မြို့သာ၊ ဆားတောင်၊ ဘုတလင်၊ မုံရွာ၊ ရွှေဘို ဂျုံများ စစ်ကိုင်းဘက်မှ ဝင်ရောက်ပြီး ဂျုံစက်များ ပုံမှန် ဝယ်ယူမှုရှိပြီး ၃ တင်းတစ်အိတ် ၂၂၀၀၀၀ ကျပ်မှ ၂၃၀၀၀၀ ကျပ်ထိ အရည်အသွေးပေါ်မူတည် ရောင်းချမှုရှိသည်။ ဩစတေးလျဂျုံမှုန့်မှာ တစ်ပိဿာ ၃၇၅၀ ကျပ်ဖြင့် မုန့်လုပ်ငန်းသမားများ ပုံမှန် ဝယ်ယူနေသည်။ ရှမ်းဂျုံအသစ်များဝင်ရောက်မှုရှိပြီး အဝင်နည်းအရည်အသွေးကောင်းခြင်းကြောင့် တစ်အိတ် ၁၇၅၀၀၀ကျပ်မှ ၁၈၅၀၀၀ ကျပ်သို့ ဈေးမြင့်သွားသည်။
အစေ့ထုတ်ပြောင်း အသစ်များ ဝင်ရောက်မှုရှိသော်လည်း အဝင်နည်းခြင်း၊ ထွက်ရှိရာဒေသသို့ တိုက်ရိုက်ဆင်း ဝယ်ယူမှုရှိခြင်းကြောင့် ပစ္စည်းကောင်းရှားခြင်း၊ အစာစပ်သမား အဝယ်ပုံမှန်ရှိခြင်းကြောင့် ၃ တင်းတစ်အိတ် ယခင်လ ၇၄၀၀၀ ကျပ်မှ ယခုလ ၈၁၀၀၀ ကျပ်သို့ဈေးမြင့်သွားသည်။
ခင်မေကြည်