မန္တလေးဈေးကွက်
ဆန်နှင့်ဆီဈေးကွက်
ရန်ကုန်ပေါ်ဆန်းမှာ အဟောင်းလက်ကျန် နည်းသွားပြီး အသစ်များသာ ရောင်းဝယ်မှုများခြင်းကြောင့် အသစ်တစ်အိတ် ၁၂၀၀၀၀ကျပ်မှ ၁၃၀၀၀၀ကျပ်သို့ ဈေးမြင့်သွားပြီး ရွှေဘိုပေါ်ဆန်းမှာ အသစ်ဝင်ရောက်မှုရှိခြင်းကြောင့် အဟောင်း တစ်အိတ် ၁၉၀၀၀၀ကျပ်ဖြင့် ဈေးတည်ငြိမ်နေပြီး အသစ်မှာ ၁၆၀၀၀၀ကျပ်မှ ၁၇၀၀၀၀ကျပ်သို့ ဈေးမြင့်သွားသည်။ မနောသုခဆန်မှာ အဝင်ပုံမှန်၊ မြို့တွင်းစားသုံးမှုပုံမှန်ရှိခြင်းကြောင့် အသစ်တစ်အိတ် ၆၅၀၀၀ ကျပ် အဟောင်းတစ်အိတ် ၈၅၀၀၀ကျပ်ဖြင့် ဈေးငြိမ်နေသည်။ ဇီယာဆန်မှာ အသစ်ဝင်ရောက်မှုများလာခြင်း၊ မြို့တွင်းစားသုံးမှုပုံမှန်ဖြစ်ခြင်းကြောင့် အသစ် တစ်အိတ် ၆၅၀၀၀ကျပ်ဖြင့် ဈေးတည်ငြိမ်နေပြီး ငစိန်ဆန်မှာ အသစ်အဝင်၊ အဝယ်ပုံမှန်ရှိခြင်းကြောင့် တစ်အိတ် ၅၀၀၀၀ကျပ်ဖြင့် ဈေးတည် ငြိမ်နေသည်။ ဧရာမင်းဆန်မှာ အဟောင်းလက်ကျန်နည်းခြင်း ကြောင့် အသစ်များသာ ဝယ်ယူမှုများခြင်းကြောင့် တစ်အိတ် ၁၂၀၀၀၀ကျပ်မှ ၁၃၅၀၀၀ ကျပ်သို့ ဈေးမြင့်သွားသည်။ စားသုံးဆီဈေးနှုန်းအနေဖြင့် ပဲဆီတစ်ပိဿာ ၁၆၀၀၀ကျပ်၊ နှမ်းဆီတစ်ပိဿာ ၁၂၅၀၀ကျပ်ဖြင့် အရောင်းအဝယ် ဖြစ်မှုများသည်။
ဆီထွက်သီးနှံ ဈေးကွက်
မြေပဲ(လုံးဆန်)မှာ အသစ်အဝင်နည်းသွားခြင်း၊ လုပ်ငန်းသမားပုံမှန်အဝယ်ရှိခြင်းကြောင့် အညာဆံ ၁၀၀ပိဿာ ၉၅၀၀၀၀ ကျပ်မှ ၉၇၀၀၀၀ ကျပ်၊ မြင်းမူဆန် ၉၅၀၀၀၀ကျပ်မှ အရည်အသွေးပေါ်မူတည်၍ အကောင်းဆုံး ၁၀၄၀၀၀၀ ကျပ်သို့ ဈေးမြင့် သွားသည်။ မြေပဲ(ဆီဆန်)အသစ် ဝင်ရောက်သော်လည်း အဝင်ပုံမှန် ဆီစက်သမားအဝယ်ပုံမှန်ရှိခြင်း ကြောင့် အရည်အသွေး အကောင်းဆုံး ၁၀၀ပိဿာ ၉၃၀၀၀၀ကျပ်ဖြင့် ဈေး တည်ငြိမ်နေသည်။ ဆောင်းနှမ်းအသစ်အဝင်နည်းသွားခြင်း၊ လုပ်ငန်းသမား၊ အဝေးပို့ သမား အဝယ်နည်းခြင်းကြောင့် နှမ်းဖြူ(ရိုးရိုး) ၄၅ပိဿာ ၃၄၀၀၀၀ကျပ်၊ နှမ်းဖြူ ဂျပန် ၃၃၀၀၀၀ကျပ်ဖြင့် ဈေးတည် ငြိမ်နေသည်။ နှမ်းညိုမှာ တောင်သူထုတ်ရောင်းမှုရှိခြင်း၊ ဆီစက်သမား အဝယ်ပုံမှန်ရှိခြင်းကြောင့် ၃၂၀၀၀၀ ကျပ်မှ ၃၁၀၀၀၀ကျပ်သို့ ဈေးမသိမသာနိမ့်သွားသည်။ နှမ်းနက် (စမုံ)မှာ အဝင်နည်းသွားခြင်း၊ အဝေးပို့သမား အဝယ်ရှိခြင်းကြောင့် ၄၅ပိဿာ အရည်အသွေးပေါ် မူတည်၍ ၆၈၀၀၀၀ကျပ်မှ ၇၆၀၀၀၀ကျပ်သို့ ဈေးမသိမသာမြင့်သွားသည်။ ပန်းနှမ်း အသစ်များဝင်ရောက်မှုရှိခြင်း၊ ပန်းနှမ်းဈေးမြင့်သဖြင့် ရောဆီ အတွက် ဆီစက်သမားအဝယ်နည်းခြင်း၊ ပရဆေး သမားအဝယ် နည်းခြင်းကြောင့် ၄၅ပိဿာ ၃၂၀၀၀၀ကျပ်မှ ၂၈၀၀၀၀ကျပ်သို့ ဈေးနိမ့်သွားသည်။ ဆောင်းနေကြာအသစ်များ စတင်ဝင်ရောက်သော်လည်း အဝင်နည်းခြင်း၊ ဆီစက်သမား၊ လှောင်သမားအဝယ်ရှိခြင်းကြောင့် ၂၇ပိဿာ ၂၀၀၀၀၀ကျပ်မှ ၂၁၂၀၀၀ ကျပ်သို့ ဈေးမသိမသာ မြင့်သွားသည်။
ပဲမျိုးစုံဈေးကွက်
မတ်ပဲအသစ်များ ဝင်ရောက်ပြီး အရည်အသွေးကောင်းခြင်းကြောင့် ကျောက်ရစ်ပဲ ၃တင်းတစ်အိတ် ၂၈၀၀၀၀ ကျပ်မှ ၂၉၄၀၀၀ ကျပ်သို့လည်းကောင်း၊ အညာပဲတစ်အိတ် အရည်အသွေး ပေါ်မူတည်၍ ၂၅၀၀၀၀ ကျပ်မှ ၂၉၂၀၀၀ ကျပ် ဈေးအသီးသီးဖြင့် ပဲခွဲစက်နှင့် ရန်ကုန် ဝယ်လက် ဝယ်ယူမှုပုံမှန် ရှိနေသည်။ ပဲတီစိမ်းအသစ် အဝင်များလာခြင်း၊ ပဲခွဲစက်နှင့် အဝေသမား အဝယ်နည်း ခြင်းကြောင့် အညာပဲ ၃တင်းတစ်အိတ် ၂၉၀၀၀၀ ကျပ်မှ ၂၈၀၀၀၀ ကျပ်၊ ခြံပဲ အရည်အသွေး ပေါ်မူတည်၍ အညံ့ဆုံး ၃တင်းတစ်အိတ် ၂၃၀၀၀၀ ကျပ်မှ ၂၉၂၀၀၀ ကျပ်ထိ ဈေးအမျိုးမျိုးဖြင့် ရောင်းဝယ်မှုရှိသည်။ ပဲစဉ်းငုံ(နီ)များ အသစ်ဝင်ရောက်မှုရှိပြီး အသစ်ရော အဟောင်းပါ ရောင်းဝယ်မှုရှိပြီး အသစ် ၃တင်းတစ်အိတ် ၃၀၃၀၀၀ ကျပ်၊ အဟောင်းတစ်အိတ် ၂၈၅၀၀၀ ကျပ်ဖြင့် ပဲခွဲစက်နှင့် ရန်ကုန်ဝယ်လက် ပုံမှန်ရှိနေသည်။ ပဲစဉ်းငုံ (ဖြူ) မှာ အသစ်များဝင်ရောက်မှုရှိပြီး အရည် အသွေးကောင်းခြင်းကြောင့် အရောင်းအဝယ်အေးသော်လည်း ၃တင်းတစ်အိတ် ၂၄၅၀၀၀ ကျပ်မှ ၂၇၅၀၀၀ ကျပ်သို့ ဈေးမြင့်သွားသည်။ ပဲပုတ် (မြန်မာ)မှာ အသစ်မဝင်သေးခြင်း၊ လုပ်ငန်းသမား အဝယ်ပုံမှန်ရှိခြင်း၊ လှောင်သမားထံမှ ဝယ်ရခြင်းကြောင့် ၃တင်းတစ်အိတ် ၃၃၀၀၀၀ ကျပ်မှ ၃၄၅၀၀၀ ကျပ်သို့ ဈေးမြင့်သွားပြီး ပဲပုတ် (ရှမ်း)မှာ အသစ်များ ဝင်ရောက်မှုရှိပြီး အဝင်ပုံမှန် ဆီစက်သမား အဝယ် ပုံမှန်ရှိခြင်းကြောင့် မိုးမိတ်ပဲ ၃တင်းတစ်အိတ် ၃၅၅၀၀၀ ကျပ်၊ မိုးညှင်းပဲပုတ် ၃၆၀၀၀၀ ကျပ်ဖြင့် ဈေး တည်ငြိမ်နေသည်။ ကုလားပဲ အသစ်များ မန္တလေးဝန်းကျင်၊ မုံရွာတို့မှ ဝင်ရောက်ပြီး ကုလားပဲ၊ (ကုဖြူကြီး) အသစ်တစ်အိတ် ၂၂၀၀၀၀ ကျပ်၊ အဟောင်းတစ်အိတ် ၂၂၁၀၀၀ ကျပ်၊ ကုလားပဲ (လုံးဝါကြီး) ၂၂၅၀၀၀ ကျပ်၊ ကုလားပဲ V7 ၂၀၈၀၀၀ ကျပ်၊ 929 ၂၂၂၀၀၀ ကျပ်၊ ဈေးအသီးသီးဖြင့် ရောင်းဝယ်နေသည်။ ကုလားပဲ (ခွဲခြမ်း)မှာလုံးဝါကြီး အသစ်များဝင်ရောက်မှုရှိခြင်း လက်ကျန်များ ခြင်းကြောင့် ၁ပိဿာ ၅၇၀၀ မှ ၅၄၀၀ ကျပ်သို့ ဈေးနိမ့်သွားသည်။ မြေထောက်ပဲမှာ မုံရွာပဲ ၃တင်းတစ်အိတ် ၂၅၀၀၀၀ ကျပ်၊ အညာပဲအဟောင်းတစ်အိတ် ၂၇၀၀၀၀ ကျပ်၊ အညာပဲအသစ်တစ်အိတ် ၃၀၀၀၀၀ ကျပ်ဖြင့် ပဲကြော်၊ လှော်လုပ်ငန်းသမား အဝယ်ပုံမှန်ရှိနေသည်။ ပဲယင်းမှာ အသစ်များစတင်ဝင်ရောက်ခြင်း၊ အဝင်နည်းခြင်း၊ ပဲခွဲစက်များ ပုံမှန်ဝယ်ယူမှုရှိခြင်းကြောင့် ၃တင်းတစ်အိတ် အရည်အသွေးအကောင်းဆုံး ၂၁၅၀၀၀ ကျပ်မှ ၂၂၂၀၀၀ ကျပ် ကျပ်သို့ ဈေးမသိမသာမြင့်သွားသည်။ စားတော်ပဲ(ကျွန်း)မှာ အသစ်ဝင်ရောက်မှုရှိခြင်း၊ အရည်အသွေးပေါ်မူတည်၍ ဈေးနှုန်းကွာခြားခြင်း၊ အရောင်းအဝယ်ဖြစ်မှုပေါ်မူတည်၍ ယခင်အပတ် ၁၀၄၀၀၀၀ ကျပ်မှ ယခုအပတ် ၆၅၀၀၀၀ ကျပ်သို့ ဈေးနိမ့်သွား သည်။ ပဲကြီး(ကြီး) အသစ်မဝင်သေးခြင်း၊ အရောင်းအဝယ်အေးခြင်းကြောင့် ၃ တင်းတစ်အိတ် ၅၈၀၀၀၀ ကျပ်ဖြင့် ဈေးတည်ငြိမ်နေသည်။ ပဲကြီး(သေး)မှာ လက်ကျန်များခြင်း၊ လက်လီသမား၊ ပဲကြော်/လှော်သမား အဝယ်နည်းခြင်းကြောင့် ၃ တင်း တစ်အိတ် ယခင်အပတ် ၄၅၀၀၀၀ ကျပ်မှ ၄၃၇၀၀၀ ကျပ်သို့ ဈေးမသိမသာနိမ့်သွားသည်။ ထောပတ်ပဲ(ကြီး)မှာ အသစ်မဝင်သေးခြင်း၊ လုပ်ငန်း သမားအဝယ် ပုံမှန်ရှိခြင်းကြောင့် ၃ တင်းတစ်အိတ် ၂၆၀၀၀၀ ကျပ်ဖြင့် ဈေးတည်ငြိမ်နေပြီး ထောပတ်ပဲ(သေး)မှာ အသစ်ဝင် ရောက်မှုရှိခြင်း လက်ကျန်အဟောင်းများလည်းရှိသော်လည်း လက်လီသမား အဝယ်ပုံမှန်ရှိခြင်းကြောင့် ယခင် အပတ် ၃ တင်းတစ်အိတ် ၂၁၀၀၀၀ ကျပ်မှ ၂၁၅၀၀၀ ကျပ်သို့ ဈေးမသိမသာမြင့်သွားသည်။
စားဖိုဆောင်သီးနှံဈေးကွက်
ငရုတ်ခြောက် အဝင်ပုံမှန် စားသုံးမှုပုံမှန်ရှိခြင်းကြောင့် တစ်ပိဿာ ၁၈၅၀၀ကျပ်ဖြင့် ဈေးတည်ငြိမ် နေသည်။ ငရုတ်ခြောက် (လတ်)မှာ မြန်မာစကသီးများ မဝင်သေးဘဲ ရှမ်းစကသီးများသာ တွေ့ရပြီး တစ်ပိဿာ ၂၀၀၀၀ကျပ် ဆင်ဖြူကျွန်းငရုတ်(ပွ)တစ်ပိဿာ ၂၈၀၀၀ ကျပ်ဖြင့် မြို့တွင်းသုံးစွဲနှင့် ပါတ်ဝန်းကျင်အမှာရှိသော မြို့များ ရွှေကူသို့တင်ပို့မှုရှိသည်။ကြက်သွန်နီမှာ မြစ်သားကြက်သွန်များ လှိုင်လှိုင် ဝင်ရောက်မှုရှိခြင်းကြောင့် ကြီးတစ်ပိဿာ ၃၅၀၀ ကျပ်မှ ၂၈၀၀ကျပ်၊ လတ်တစ်ပိဿာ ၃၂၀၀ကျပ်မှ ၂၅၀၀ကျပ်၊ သေးတစ်ပိဿာ ၂၅၀၀ကျပ်မှ ၁၈၀၀ကျပ်သို့ ဈေးနိမ့်သွားသည်။ကြက်သွန်ဖြူ(ရှမ်း)များလက်ကျန်နည်း အရောင်းအဝယ်ဖြစ်မှုနည်းသွားပြီး ရွှေဘိုရွှေပန်းကုံးဘက်မှ မြန်မာဖြူများ စတင်ဝင်ရောက်လာပြီး အရည် အသွေးအကောင်းဆုံး တစ်ပိဿာ ၇၀၀၀ကျပ်မှ အညံ့ဆုံး ၄၀၀၀ကျပ် ဈေးရှိသည်။ ကြက်သွန်ဖြူ(တရုတ်)မှာ တစ်ပိဿာ ၁၂၀၀၀ကျပ်ဖြင့် ဈေးတည်ငြိမ်နေသည်။ အောင်ပန်းနှင့် တရုတ်အာလူးများ အဝင်မရှိတော့ဘဲ ပခုက္ကူနှင့် ဘန့်ဘွေ့သီးများ ဝင်ရောက်မှုရှိပြီး နှစ်မျိုးစလုံး တစ်ပိဿာ ၃၅၀၀ကျပ်ဖြင့် ရောင်းဝယ်နေသည်။
ဟင်းသီး/ရွက်နှင့် သစ်သီးဝလံ ဈေးကွက်
ရှမ်းတောင်ခရမ်းချဉ် အဝင်နည်းနေပြီး မုံရွာ(တရုတ်-တိုင်ပေ)သီးများ အဝင်များပြီး မြို့တွင်းသုံးစွဲမှုသူရှိခြင်းကြောင့် ၁၀ ပိဿာတစ်ခြင်း ၄၀၀၀၀ ကျပ်မှ ၃၅၀၀၀ကျပ်သို့ ဈေးနိမ့်သွားသည်။ ငရုတ်စို (ရှည်)မှာ မုံရွာ၊ ချောင်းဦးမှ ဝင်ရောက်ပြီး တစ်ပိဿာ ၅၅၀၀ကျပ်၊ ငရုတ်စို(လတ်) ၆၅၀၀ ကျပ်ဖြင့် မြို့တွင်း လက်ဖက်၊ ငါးပိထောင်းသမား လက်လီသမား အဝယ်ပုံမှန်သာရှိပြီး နယ်ဝေးတင်ပို့ရမှုနည်းနေသည်။ ဆောင်းကာ လဖြစ်၍ ဟင်းသီး/ရွက်များမှာ ဘိုစားပဲတစ်ပိဿာ ၄၀၀၀ ကျပ်၊ ပန်းမုံလာတစ်ပိဿာ ၁၅၀၀ ကျပ်၊ ဂေါ်ဖီတစ်ထုပ် ၂၀၀၀ကျပ်၊ ဂေါ်ရခါးသီးတစ်လုံး ၃၀၀ ကျပ်မှ ၄၀၀ ကျပ်၊ မုန်လာဥနီတစ်ပိဿာ ၅၀၀၀ ကျပ်ဖြင့် မြို့တွင်း လက်လီသမားနှင့်
စားသောက်ဆိုင်များ အဝယ်ပုံမှန်ရှိနေသည်။
မန္တလေးဝန်းကျင်းမှ ရွှေသခွားများ လှိုင်လှိုင်ဝင်ရောက်ပြီး တစ်လုံး ၁၀၀၀ မှ ၂၀၀၀ ကျပ်၊ စတော်ဘယ်ရီ ၅ ပိဿာ တစ်ဖာလျှင် ၅၅၀၀၀ ကျပ်၊ သီပေါနာနတ်တစ်လုံး ၂၀၀၀ ကျပ်၊ ဇီးပန်းသီး တစ်ဖာ ၂၀၀၀၀ ကျပ်မှ ၂၅၀၀၀ ကျပ် ထောပတ်သီး ၁၂၀ လုံးပါ တစ်အိတ် ၄၀၀၀၀ ကျပ်၊ ရမည်းသင်းစပျစ်သီး ရိုးရိုးတစ်ပိဿာ ၁၀၀၀၀ကျပ်၊ အလုံးကြီးအာဂျီတစ်ပိဿာ ၂၀၀၀၀ ကျပ်ဖြင့် မန္တလေးသစ်သီးဆိုင်များ အနီးဝန်း ကျင်မြို့များမှ လာရောက်ဝယ်ယူခြင်း ပြင်ဦးလွင် အောင်လံ ပခုက္ကူ စသောအမှာရှိသော မြို့များသို့ ရံဖန်ရံခါ တင်ပို့ ရမှုရှိသည်။
ခင်မေကြည်