ပေါင်းဆန်စားသုံးမှု မြှင့်တင်ရန် အိမ်အရောက်ပို့ ဝန်ဆောင်မှု စတင်

မြန်မာနိုင်ငံ ဆန်စပါးအသင်းချုပ် (MRF) သည် ပြည်တွင်းစားသုံးမှု မြှင့်တင်ရန်အတွက် ပေါင်းဆန်ကို အိမ်တိုင်ရာရောက် ပို့ဆောင်ပေးသည့် ဝန်ဆောင်မှုကို စတင်သွားမည် ဖြစ်ကြောင်း သိရှိရသည်။

မြန်မာနိုင်ငံ၏ ပေါင်းဆန်ကို ရုရှားနှင့် ဥရောပဈေးကွက်သို့ အဓိကတင်ပို့လျက်ရှိသည်။ MRF သည် အိမ် တိုင်ရာရောက် ပို့ဆောင်ခြင်း သို့မ ဟုတ် လက်လီအရောင်းဆိုင်များတွင် ရောင်းချခြင်းဖြင့် ပြည်တွင်း၌ ပေါင်းဆန်စားသုံးမှု တိုးတက်လာစေရန် ကြိုးပမ်းသွားမည်ဟု MRF ၏ အမှု ဆောင် ကော်မတီဝင် ဦးသောင်းဝင်းက ပြောကြားသည်။

ပေါင်းဆန်၊ ဆန်လုံးညိုနှင့် အာဟာရအားဖြည့်ဆန် တို့သည် ပုံမှန်ဆန်နှင့် နှိုင်းယှဉ်ပါက ကျန်းမာရေး နှင့် ညီညွတ်ပြီး အာဟာရဓာတ်ကြွယ်ဝသော်လည်း ပြည်တွင်း၌ ဝယ်လိုအား နည်းပါးပါသည်။ အဖွဲ့ချုပ်သည် ပြည်တွင်းစားသုံးမှုမြှင့်တင်ရန်နှင့် နိုင်ငံခြားမှီခိုမှုကို လျှော့ ချရန် ကြိုးစား သွားမည်ဖြစ်သည်။

ပေါင်းဆန်ဆိုသည်မှာ စပါးစေ့အတိုင်း ရေစိမ်ခြင်း၊ ရေနွေးငွေ့ဖြင့် ပေါင်းခြင်းနှင့် အခြောက်ခံခြင်း စသည်တို့ဖြင့် ပြုပြင်ထုတ်လုပ်ထားသော ဆန်ဖြစ်သည်။ ထိုသို့ပြုလုပ်ခြင်းကြောင့် ကြိတ်ခွဲရာတွင် ကျိုးပဲ့မှုနည်းပါးပြီး ဆန်သား အထွက်နှုန်း မြင့်မားပါသည်။ ပေါင်းဆန်သည် ဆန်၏ ရုပ်ပိုင်း ဆိုင်ရာနှင့် ဓာတုဗေဒ ဆိုင်ရာ ဂုဏ်သတ္တိများကို ပြောင်းလဲစေပြီး ဗီတာမင်နှင့် သတ္တုဓာတ်များကို ထိန်းသိမ်းပေးထားပါသည်။ ၎င်းအပြင် ထမင်းချက်ပြီးနောက် ပုပ်သိုးခြင်းမှ ကာကွယ်နိုင်ပြီး အချိန်ကြာမြင့်စွာ ထားနိုင်ကြောင်း သိရသည်။

ဟေမာန်အောင်မင်း

https://www.gnlm.com.mm/mrf-rolls-out-door-to-door-service-to-boost-parboiled-rice-consumption/