မန္တလေးဈေးကွက်
(မန္တလေးပွဲစားကုန်သည် စက်ပိုင်ကထိန်တော်အသင်း၊ ကိုင်းတန်းဈေး၊ သီရိမာလာဈေးတို့မှ ၂၅-၁၂-၂၀၂၅ ရက်နေ့ ကောက်ယူဈေးနှုန်းများဖြစ်ပါသည်။)
ဆန်နှင့် ဆီဈေးကွက်
မန္တလေးကိုင်းတန်းဈေး ဆန်ပွဲရုံများတွင် ရန်ကုန်ပေါ်ဆန်းအသစ် တစ်အိတ် ၁၄၀၀၀၀ကျပ်၊ ဟောင်းတစ်အိတ် ၁၆၅၀၀၀ကျပ်၊ ရွှေဘိုပေါ်ဆန်းအသစ်တစ်အိတ် ၁၄၅၀၀၀ကျပ် အဟောင်းတစ်အိတ် ၁၉၀၀၀၀ကျပ်ဖြင့် မြို့တွင်းစားသုံးရန် ဝယ်ယူမှုပုံမှန်ရှိနေသည်။ မနောသုခဆန်မှာလည်း မန္တလေး ဝန်းကျင်မှ အသစ်များဝင်ရောက်မှုရှိပြီး အသစ်တစ်အိတ် ၆၅၀၀၀ ကျပ်ဖြင့် ဈေးတည်ငြိမ်နေပြီး၊ ပစ္စည်းနည်းသွားပြီး စားသုံးရန် ဝယ်ယူမှုပုံမှန်ရှိခြင်းကြောင့် အဟောင်း တစ်အိတ် ၈၂၀၀၀ကျပ်မှ ၈၅၀၀၀ကျပ်သို့ ဈေးမြင့်သွားသည်။ ရန်ကုန်ဈေးကွက်မှတစ်ဆင့် ငစိန်ဆန်အသစ်များ စတင်ဝင်ရောက် ပြီး အဝင်များလာခြင်းကြောင့် အသစ်တစ်အိတ် ၅၅၀၀၀ကျပ်မှ ၅၀၀၀၀ကျပ်သို့ ဈေးနိမ့်သွားပြီး၊ ဇီယာဆန်မှာ လည်း အသစ်များအဝင်များလာခြင်းကြောင့် အသစ်တစ်အိတ် ၆၃၀၀၀ကျပ်မှ ၅၃၀၀၀ကျပ်သို့ ဈေးနိမ့်သွားပြီး အဟောင်းမှာ လက်ကျန်နည်းခြင်း၊ ပင်ရင်းဈေးမြင့်ခြင့်ကြောင့် တစ်အိတ် ၇၀၀၀၀ကျပ်မှ ၈၀၀၀၀ ကျပ်သို့ ဈေးမြင့်သွားသည်။ ဧရာမင်းဆန်မှာ မန္တလေးဝန်းကျင်မှ အသစ်များအဝင်ရှိခြင်းကြောင့် အသစ်တစ်အိတ် ၁၁၀၀၀၀ ကျပ်ဖြင့် ရောင်းဝယ်နေပြီး ဧရာမင်းဆန်မှာ စားသုံးမှု ပုံမှန်ရှိခြင်းကြောင့် တစ်အိတ် ၁၃၅၀၀၀ကျပ် ဈေးတည်ငြိမ်နေသည်။ ဆီဈေးနှုန်းအနေ ဖြင့် ပဲဆီတစ်ပိဿာ ၁၂၅၀၀ကျပ်မှ ၁၃၅၀၀ကျပ်၊ နှမ်းဆီတစ်ပိဿာ ၁၁၅၀၀၀ကျပ် ဖြင့် မြို့တွင်းစားသုံးရန် ဝယ်ယူမှုပုံမှန်ရှိနေသည်။
ဆီထွက်သီးနှံဈေးကွက်
မြေပဲ(လုံးဆန်) ဈေးနှုန်းမှာ အသစ်များဝင်ရောက်မှုရှိခြင်း၊ လုပ်ငန်း သမားနှင့် လှောင်သမားဝယ်ယူမှု ပုံမှန်ရှိခြင်းကြောင့် အရည်အသွေးပေါ်မူတည်၍ ၁၀၀ ပိဿာ ၈၅၀၀၀၀ကျပ်မှ ၈၇၀၀၀၀ကျပ်ထိ ဈေးအမျိုးမျိုးဖြင့် ရောင်းဝယ် နေပြီး မြေပဲ(ဆီဆန်)မှာ အဝင်နည်းသေးခြင်း၊ ဆီစက်သမားအဝယ်ပုံမှန်ရှိခြင်းကြောင့် ယခင်အပတ် အရည် အသွေးအကောင်းဆုံး ၁၀၀ ပိဿာ ၈၀၀၀၀၀ ကျပ်မှ ယခုအပတ် ၈၅၀၀၀၀ ကျပ်သို့ ဈေးမြင့်သွားသည်။ နှမ်းမျိုးစုံအနေဖြင့် ဆောင်းနှမ်းအသစ်များဝင်ရောက်မှုရှိခြင်း၊ လုပ်ငန်းသမားအဝယ်ပုံမှန် ရှိခြင်းကြောင့် အရည်အသွေးပေါ်မူတည်၍ ၄၅ ပိဿာ ၂၆၅၀၀၀ ကျပ်မှ ၂၇၅၀၀၀ ကျပ်ထိ ဈေးအမျိုးမျိုးဖြင့် ရောင်းဝယ်နေသည်။ နှမ်းညိုမှာလည်း အဝင်ပုံမှန်၊ ဆီစက်သမားအဝယ်ပုံမှန်ရှိခြင်းကြောင့် ၄၅ ပိဿာ ၂၆၅၀၀၀ ကျပ်ဖြင့် ဈေးတည်ငြိမ်နေသည်။ နှမ်းနက်(စမုံ)မှာ အသစ်အဝင်နည်းသေးခြင်း၊ အရောင်းအဝယ် အေးခြင်းကြောင့် ယခင်အပတ် အရည် အသွေးအကောင်းဆုံး ၇၄၀၀၀၀ ကျပ်မှ ယခုအပတ် ၇၂၅၀၀၀ကျပ်သို့ ဈေးမသိမသာနိမ့်သွားသည်။ နေကြာမှာ ဆောင်းနေကြာမဝင်သေးခြင်း၊ မိုးလက်ကျန်နည်းခြင်းရှိသော်လည်း ဈေးမြင့်သဖြင့် ဆီစက်သမား အဝယ်နည်းခြင်းကြောင့် ၂၇ ပိဿာ ၂၀၅၀၀၀ကျပ်ဖြင့် ဈေးတည်ငြိမ်နေသည်။
စာဖိုဆောင်သီးနှံဈေးကွက်
ငရုတ်ခြောက်(ရှည်)မှာ တစ်ပိဿာ ၁၆၀၀၀ကျပ်၊ အောင်ပန်းမှ ငရုတ်ခြောက်(လတ်) တစ်ပိဿာ ၁၉၀၀၀ကျပ်ဖြင့် ဈေးတည်ငြိမ်နေပြီး၊ ဆင်ဖြူကျွန်းမှ ဝင်ရောက်သော ငရုတ်ခြောက်(ပွ) ၂၅၀၀၀ ကျပ်မှ အဝင်နည်းသွားကြောင့် ၃၃၀၀၀ကျပ်သို့ ဈေးမြင့်သွားသည်။ ကြက်သွန်နီမှာ ရေစကြိုဘက်မှ အသစ်များ စတင်ဝင်ရောက်မှုရှိပြီး တစ်ပိဿာ ၃၀၀၀ ကျပ်ထိ ဈေးမြင့်နေပြီး၊ လက်ကျန်နယ်စုံအဟောင်းများမှ လက်ကျန်နည်း၊ အသစ်အဝင်နည်းဈေးမြင့်ခြင်းကြောင့် မြို့တွင်းစားသုံးရန် အဝယ်များပြီး ကြီးတစ်ပိဿာ ၁၇၀၀ ကျပ်မှ ၂၀၀၀ ကျပ်၊ လတ်တစ်ပိဿာ ၁၃၀၀ ကျပ်မှ ၁၄၀၀ ကျပ်၊ သေးတစ် ပိဿာ ၈၀၀ ကျပ်မှ ၁၀၀၀ ကျပ်သို့ ဈေးမသိမသာမြင့်သွားသည်။ ကြက်သွန်ဖြူ(ရှမ်း)မှာ အဝင်ပုံမှန်၊ မြို့တွင်းစားသုံးမှုပုံမှန်ရှိခြင်းကြောင့် အရည်အသွေးပေါ်မူတည်၍ အညံ့ဆုံးတစ်ပိဿာ ၃၀၀၀ကျပ် မှ အကောင်းဆုံးတစ်ပိဿာ ၆၀၀၀ကျပ်ဖြင့် ဈေးတည်ငြိမ်နေသည်။ တရုတ်အာလူးအဝင်မရှိဘဲ အောင်ပန်းအာလူးများသာ ဝင်ရောက်ခြင်း၊ မြို့ တွင်းစားသုံးမှုပုံမှန်ရှိခြင်း၊ အဝင်များလာခြင်းကြောင့် အိုကေတစ်ပိဿာ ၅၅၀၀ကျပ်မှ ၄၅၀၀ကျပ်၊ အေဝမ်း တစ်ပိဿာ ၄၅၀၀ကျပ်မှ ၄၂၀၀ကျပ်သို့ ဈေးမသိမသာနိမ့်သွားသည်။
ပဲမျိုးစုံဈေးကွက်
မတ်ပဲဈေးနှုန်းမှာ စစ်ကိုင်းနှင့် အထက်ပိုင်းမှ အဝင်ရှိခြင်း၊ ရန်ကုန်ဝယ်လက်နည်းခြင်းကြောင့် အသစ် ၃တင်းတစ်အိတ် ၂၃၈၀၀၀ ကျပ်၊ အဟောင်း တစ်အိတ် ၂၅၅၀၀၀ကျပ်ဖြင့် ဈေးတည်ငြိမ်နေသည်။ ပဲတီစိမ်း(အညာ)မှာ ဆောင်းပဲအဝင်ရှိခြင်း၊ ထွက်ရှိရာ ဒေသနှင့် အရည်အသွေးပေါ်မူတည်၍ ဈေးကွာ ခြားခြင်းကြောင့် အရည်အသွေးအညံ့ဆုံး ၃တင်းတစ်အိတ် ၃၁၀၀၀၀ကျပ်မှ အကောင်းဆုံး ၃၂၅၀၀၀ကျပ်ဖြင့် ရောင်းဝယ်နေသည်။ ပဲစဉ်းငုံ(ဖြူ/နီ)တို့မှာ စစ်ကိုင်းအထက်ပိုင်း ကျောက်ပန်းတောင်မှ အသစ်များဝင်ရောက်ပြီး ရန်ကုန်သို့ တိုက်ရိုက်တင်ပို့မှုရှိခြင်း၊ ခွဲစက်သမားအဝယ်ပုံမှန်ရှိခြင်းကြောင့် အဟောင်း၃တင်းတစ်အိတ် ၂၄၀၀၀၀ကျပ် အသစ်တစ်အိတ် ၂၄၈၀၀၀ကျပ်ဖြင့် ရောင်းဝယ်နေပြီး ပဲစဉ်းငုံ(ဖြူ)မှာ အသစ်မဝင်သေးဘဲ လက်ကျန်များသာ ရှိပြီး အရောင်းအဝယ်အေးခြင်းကြောင့် ၃တင်းတစ်အိတ် ၂၁၅၀၀၀ကျပ်ဖြင့် ဈေးတည်ငြိမ်နေသည်။ ပဲပုတ်(ရှမ်း/မြန်မာ)တို့မှာ မိုးပဲပုတ်အဝင်နည်းခြင်း၊ ဆောင်းပဲပုတ်မဝင်သေးခြင်း၊ လုပ်ငန်းသမား ၊ ဆီစက်သမား အဝယ်ပုံမှန်ရှိခြင်းကြောင့် ပဲပုတ်(မြန်မာ) ၃ တင်းတစ်အိတ် ၃၂၀၀၀၀ကျပ်၊ ပဲပုတ်(ရှမ်း) ၃တင်းတစ်အိတ် ကလေးဘက်မှ ဝင်သော ပဲပုတ် ၂၇၅၀၀၀ ကျပ်၊ ပဲပုတ်(မိုးမိတ်) ၂၈၀၀၀၀ ကျပ်ဖြင့် ဈေးတည်ငြိမ်နေသည်။ ကုလားပဲ(လုံးဝါကြီး/လုံးဖြူကြီး) တို့မှာ ဆောင်းစိုက်များ မဝင်သေးခြင်းလုပ်ငန်းသမားနှင့် ခွဲစက်များ အဝယ်ပုံမှန်ရှိခြင်းတို့ကြောင့် ကုလားပဲ(လုံးဖြူကြီး) ၃တင်းတစ်အိတ် ၂၃၂၀၀၀ကျပ်၊ လုံးဝါကြီး ၂၂၀၀၀၀ ကျပ် ဖြင့် ဈေးတည်ငြိမ်နေသည်။ လုံးဝါကြီး၊ ဈေးငြိမ်ခြင်း၊ ဆောင်းတွင်းပဲစိုနှင့် ဟင်းသီး/ရွက်ပေါချိန်ဖြစ်၍ အရောင်းအဝယ်အေးပြီး လက်ကျန်များခြင်းကြောင့် ခွဲခြမ်းတစ်ပိဿာ ၅၈၀၀ကျပ်မှ ၅၅၈၀ကျပ်သို့ ဈေးနိမ့် သွားသည်။ မြေထောက်ပဲမှာ ယခုအပတ်မုံရွာဘက်မှ အဝင်ပုံမှန်၊ လုပ်ငန်းသမားအဝယ်ပုံမှန်ရှိခြင်းကြောင့် ၃တင်း တစ်အိတ် ၂၄၅၀၀၀ကျပ်၊ အညာပဲလက်ကျန် ၂၇၀၀၀၀ကျပ်ဖြင့် ရောင်းဝယ်မှုရှိသည်။ ပဲယင်းမှာ အသစ်စတင် ဝင်သော်လည်း အဝင်နည်းသေးခြင်း၊ ပဲခွဲစက်များ အဝယ်ပုံမှန်ရှိခြင်းကြောင့် ၃တင်းတစ်အိတ် ၂၁၀၀၀၀ကျပ်မှ ၂၁၅၀၀၀ကျပ်သို့ ဈေးမသိမသာမြင့်သွားသည်။ စားတော်ပဲ(ကျွန်း)မှာ အသစ်စတင်ဝင်ရောက်သော်လည်း အရည်အ သွေးညံ့ခြင်းကြောင့် ယခင်လ ဈေးနှုန်း ၈၈၀၀၀၀ကျပ်မှ ၇၅၀၀၀၀ကျပ်သို့ ဈေးနိမ့်သွားသည်။ ပဲကြီး(ကြီး/သေး) ထောပတ်ပဲ(ကြီး/သေး)တို့မှာ ကျောက် တွင်းဘက်မှ ပဲကြီး(ကြီး) များဝင်ရောက်ပြီး အရည်အသွေးကောင်းခြင်းကြောင့် ပဲကြီး(ကြီး) တစ်အိတ် ၆၀၀၀၀၀ကျပ်မှ ၆၅၀၀၀၀ ကျပ်သို့ ဈေးမြင့်သွားပြီး၊ ပဲကြီး(သေး)မှာ အသစ်မဝင်သေးသော်လည်း အရောင်းအဝယ်အေးခြင်းကြောင့် တစ်အိတ် ၅၃၀၀၀၀ကျပ်မှ ၅၀၀၀၀၀ကျပ်သို့ ဈေးနိမ့်သွားသည်။ ထောပတ်ပဲ(ကြီး)(သေး)တို့မှာ အသစ်မဝင်သေးခြင်း၊ လက်ကျန်နည်းသော်လည်း လက်လီသမားအဝယ်နည်းခြင်းကြောင့် ထောပတ်ပဲ(ကြီး)တစ်အိတ် ယခင်အ ပတ် ၂၆၅၀၀၀ ကျပ်မှ ၂၃၅၀၀၀ကျပ်၊ ထောပတ်ပဲ(သေး) ၁၉၅၀၀၀ကျပ်ဖြင့် ဈေးတည်ငြိမ်နေသည်။ ပဲလွန်းဖြူ/ပြာတို့မှာ ပဲလွန်ဖြူမှာ အသစ်ဝင်ရောက်မှုရှိခြင်း၊ အရောင်းအဝယ်အေးခြင်းကြောင့် ပဲလွန်းဖြူတစ်အိတ် ယခင်အပတ် ၂၈၀၀၀၀ကျပ်မှ ၂၄၅၀၀၀ကျပ်သို့ လည်းကောင်း ပဲလွန်းပြာမှာ ၂၅၀၀၀၀ ကျပ်မှ ၂၁၀၀၀၀ကျပ်သို့ ဈေးနိမ့်သွားသည်။
ဟင်းသီး/ရွက်နှင့် သစ်သီးဝလံဈေးကွက်
ငရုတ်စို(ရှည်/လတ်)များ မုံရွာ၊ ချောင်းဦးဘက်မှ ထွက်ရှိချိန်ဖြစ်ခြင်း၊ မြို့တွင်းလုပ်ငန်းသမားအဝယ်သာရှိခြင်းကြောင့် ငရုတ်စို(ရှည်)တစ်ပိဿာ ၄၀၀၀ ကျပ်၊ စတက်တာ ၅၀၀၀ကျပ်၊ ငရုတ်စို(လတ်)တစ်ပိဿာ ၆၀၀၀ကျပ်ဖြင့် အရောင်းအဝယ်ပုံမှန်ရှိသည်။ အောင်ပန်းဘက်မှ ဂေါ် ဖီတစ်ထုပ် ၂၀၀၀ ကျပ်၊ ပန်းဂေါ်ဖီတစ်ပွင့် ၁၀၀၀မှ ၁၅၀၀ ကျပ်၊ ဂေါ်ရခါးသီးတစ်လုံး ၃၀၀ ကျပ်၊ ဘိုစားပဲး တစ်ပိဿာ ၆၀၀၀ ကျပ်ဖြင့် စားသောက်ဆိုင်နှင့် မြို့တွင်းသုံးဝယ်ယူမှုပုံမှန်ရှိသည်။
သစ်သီးဝလံများအနေဖြင့် ရပ်စောက်၊ နောင်ချိုတို့မှ ထောပတ်သီး ၁၂၀ လုံးပါတစ်အိတ် ၄၀၀၀၀ကျပ် မှ ၄၅၀၀၀ကျပ်၊ ချောင်းဦးဘက်မှ ရွှေသခွားတစ်လုံးအရည်အသွေးပေါ်မူတည်၍ ၂၀၀၀မှ ၄၀၀၀ ကျပ်၊ နယ်စုံ သင်္ဘောသီးတစ်လုံး ၁၅၀၀ ကျပ်၊ သီပေါတန့်ယန်းမှ နာနာတ်သီးတစ်လုံး ၁၅၀၀ မှ ၂၀၀၀ ကျပ်၊ ရမည်းသင်းစပျစ်သီး အချွန်းတစ်ပိဿာ ၂၀၀၀၀ကျပ်၊ မန္တလေးဝန်းကျင်မှ ဇီးပန်းသီး ၈ ပိဿာဝင်တစ်ဖာ ၂၀၀၀၀ ကျပ်မှ ၂၅၀၀၀ ကျပ်ဖြင့် မြို့တွင်း သစ်သီးဆိုင်များနှင့် ရွှေဘို၊ ပြင်ဦးလွင်၊ ပြည် စသောနယ်စုံတင်ပို့ မှုရှိသည်။
ဂျုံနှင့် အစေ့ထုတ်ပြောင်းဈေးကွက်
ဂျုံဈေးနှုန်းအနေဖြင့် မြင်းမူ၊ မြောင်၊ ဘုတလင်၊ ဆားတောင်၊ မုံရွာဘက်မှ ဂျုံသစ်များမထွက်သေးခြင်း၊ လက်ကျန်များသာဖြစ်ခြင်း၊ အရောင်း အဝယ်အေးခြင်းကြောင့် ၃တင်းတစ်အိတ် အရည်အသွေးပေါ်မူတည်၍ ၂၃၀၀၀၀ ကျပ်မှ ၂၄၀၀၀၀ကျပ်၊ ရှမ်းဂျုံတစ်အိတ် ၂၀၅၀၀၀ ကျပ်၊ ကလေးဂျုံတစ်အိတ် ၂၀၀၀၀၀ ကျပ်၊ အထွက်တိုးဂျုံတစ်အိတ် ၁၉၅၅၀၀၊ ကြူကုတ်ဂျုံတစ်အိတ် ၁၉၅၀၀၀ ကျပ်ဖြင့် ဈေးတည်ငြိမ်နေသည်။
အစေ့ထုတ်ပြောင်းဈေးနှုန်းအနေဖြင့် ထွက်ရှိရာ ဒေသသို့ တိုက်ရိုက် ဆင်းဝယ်ယူမှုရှိခြင်းကြောင့် အဝင်နည်းခဲ့ခြင်း၊ ဆောင်းစိုက်မဝင်သေးခြင်း၊ အစာစပ်သမားများ ဝယ်ယူမှုပုံမှန်ရှိခြင်းတို့ကြောင့် ၃တင်း တစ်အိတ် ၇၅၀၀၀ကျပ်ဖြင့် ဈေးတည်ငြိမ်နေသည်။
ခင်မေကြည်