ရွှေပိတောက်ငါးဈေးမှ ရွှေချိုငါး ပိဿာ(၃)သိန်းခန့် ဖြန့်ဖြူးပေးလျက်ရှိ

ရန်ကုန်တိုင်းဒေသကြီး၊ လှိုင်မြို့နယ်ရှိ ရွှေပိတောက်ငါးဈေးမှ ရန်ကုန်အပါအဝင် အခြားဒေသများသို့ နေ့စဉ် ရေချိုငါးပိဿာ ပျမ်းမျှ ၃၀၀,၀၀၀ ခန့် ဖြန့်ဖြူးပေးနေကြောင်း ရွှေပိတောက် ငါးဈေး ဖွံ့ဖြိုးတိုးတက်ရေး ကော်မတီထံမှ သိရသည်။

ရန်ကုန်တိုင်းဒေသကြီးနှင့် အခြားဒေသများရှိ ပြည်သူ ၇ သန်းခန့်အတွက် လှိုင်မြို့နယ်ရှိ ရွှေပိတောက် ငါးဈေးနှင့် ကြည့်မြင်တိုင်မြို့နယ် ဗဟိုစံပြ ငါးဈေးတို့မှ ရေထွက်ကုန်များကို နေ့စဉ် ဖြန့်ဖြူးပေးလျက်ရှိသည်။ ယခုဆောင်းရာသီတွင် ရွှေပိတောက်ငါးဈေးသည် တစ်နေ့လျှင် ရေချိုငါး ပိဿာ ၃၀၀,၀၀၀ ခန့်နှင့် ရေငန်ငါးထွက်ကုန်ပိဿာ ၁၅၀,၀၀၀ ခန့် ရောင်းဝယ် ဆောင်ရွက်လျက်ရှိသည်။

ရေချိုထွက်ကုန်များ ယခုလတွင် တစ်ရက်လျှင် ပိဿာ ၂၅၀,၀၀၀ မှ ၃၀၀,၀၀၀ နီးပါးအထိ ဝင်ရောက်ခဲ့ကြောင်း၊ ငါးဖမ်းရာသီရောက်လာသောကြောင့် ငါးမွေးမြူရေး လုပ်ငန်း မှ ငါးများပိုမိုရရှိလာပြီး ဧပြီလအထိ ဆက်တိုက်ဝင်ရောက်လာမည်ဟု ခန့်မှန်းထားကြောင်း၊ ရေချိုထွက် ကုန်များကို ရန်ကုန်မြို့အပြင် ပုသိမ်၊ မန္တလေး၊ နေပြည်တော်၊ စစ်ကိုင်း၊ မုံရွာ၊ ကလေး၊ မော်လမြိုင်နှင့် မြဝတီမြို့များသို့ ဖြန့်ဖြူးလျက်ရှိကြောင်း၊ မိုးရာသီနှင့်နှိုင်းယှဉ်ပါက ဈေးအနည်း ငယ် ကျဆင်းသော်လည်း အရောင်း အဝယ်ကောင်းမွန်ကြောင်း ရွှေပိတောက်ငါးဈေး ဖွံ့ဖြိုးတိုးတက်ရေး ကော်မတီ အတွင်းရေးမှူး ဦးမောင်နိုင်က ပြောသည်။

ဧရာဝတီ၊ ရန်ကုန်နှင့် ပဲခူးတိုင်းဒေသကြီးတို့မှ ငါးများကို အဓိကအားဖြင့် ပြည်တွင်း ဈေးကွက်နှစ်ခုအပြင် ဘင်္ဂလားဒေ့ရှ်၊ ယူအေအီး၊ ဆော်ဒီအာရေးဗီးယားနှင့် ကာတာ တို့ကဲ့သို့သော အဓိက ဈေးကွက်များသို့ တင်ပို့လျက်ရှိသည်။ ဘင်္ဂလားဒေ့ရှ်နိုင်ငံတွင် ငါးများကို အခြားနိုင်ငံများသို့ မတင်ပို့မီ ဝယ်သူများမှ စီမံထုပ်ပိုးထားကြပါသည်။ ရေချိုနှင့် ရေငန် ငါးမွေးမြူသူများ၏ ပြောကြား ချက်အရ မွေးမြူထုတ်လုပ်သည့်နိုင်ငံမှ ငါးထွက်ကုန်များကို တိုက်ရိုက် တင်ပို့နိုင်မှုသည် မွေးမြူ ရေးသမားများနှင့် လုပ်ငန်းရှင်များအတွက် စီးပွားရေး အခွင့်အလမ်း များ ပိုမိုရရှိစေမည်ဖြစ်သည်။

ရေချိုထွက်ကုန် အမျိုးအစား ၃၀ ခန့်နှင့် ရေငန်ထွက်ကုန် ၁၅ မျိုးခန့် ရရှိသည်။ ရေချိုထွက်ကုန်အချို့ကို ကြည့်မြင်တိုင်မြို့နယ် ဗဟိုစံပြငါးဈေးသို့ တင်ပို့နေပြီး ဧရာဝတီတိုင်း၊ရန်ကုန်၊ ပဲခူးနှင့် တနင်္သာရီတိုင်းဒေသကြီးတို့အပြင် မွန်ပြည်နယ်တို့မှ ရေငန်ထွက်ကုန် မျိုးစုံကို လည်း ဈေးကွက်သို့ တင်ပို့သည်။ ၎င်းရေချိုငါးများကို တောင်တန်းဒေသများ မြန်မာနိုင်ငံ အလယ်ပိုင်းနှင့် အောက်ပိုင်းဒေသများသို့ တင်ပို့လျက်ရှိပြီး ငါးမြစ်ချင်းများကို ဘင်္ဂလားဒေ့ရှ် နိုင်ငံသို့ တင်ပို့သည်။

ရန်ကုန်မြို့၏ နေ့စဉ်ပင်လယ်စာလိုအပ်ချက်ကို ပံ့ပိုးပေးသည့် ရွှေပိတောက်ငါးဈေးသည် နေ့စဉ် နံနက် ၃ နာရီမှ ညနေ ၅ နာရီအထိ ဖွင့်လှစ်ထားကြောင်း၊ ဧရိယာ ၈ ဒသမ ၁၇၂ ဧက ကျယ်ဝန်းပြီး ဆိုင်ခန်းပေါင်း ၄၄၄ ဆိုင် နှင့် စျေးဆိုင် ၉၀ ကျော် ပါဝင်ကာ ပင်လယ်စာဝယ်ယူသူများ၊ ဖြန့်ဖြူးသူများ၊ ထရပ်ကားများနှင့် ငါးသယ်လှေများဖြင့် စည်ကားလျက်ရှိကြောင်း သိရှိရသည်။

ဟေမာန်အောင်မင်း

https://www.gnlm.com.mm/shwe-padauk-fish-market-distributes-about-300000-viss-of-freshwater-fish-daily/