မြန်မာနိုင်ငံ ဆန်စပါးအသင်းချုပ်က အဖွဲ့ဝင်များအား ဆန်ဝယ်ယူထားရှိရန်တိုက်တွန်း

မြန်မာနိုင်ငံ ဆန်စပါးအသင်းချုပ် (MRF) မှအသင်းဝင်များဖြစ်သော  ပို့ကုန်လုပ်ငန်းရှင်များ အား ဆန်နှင့် စပါးများ ဆက်လက်ဝယ်ယူရန်နှင့် အပတ်စဉ်စာရင်းကို မြန်မာနိုင်ငံ ဆန်စပါးအသင်း ချုပ် (MRF)  သို့ ပေးပို့ ရန် တောင်းဆိုထားသည်။

ယခုနှစ်တွင် အစောပိုင်းရင့်မှည့်သည့် စပါးများစတင် ရိတ်သိမ်းထွက်ရှိ နေပြီဖြစ်သည်။ သို့သော် လည်း စပါးနှင့် စပါးဝယ်လိုအား ကျဆင်းနေသဖြင့် တောင်သူများ၏ စိုးရိမ်မှု မြင့်တက်လာသည်။ အဖွဲ့ချုပ်၏ ထုတ်ပြန်ချက်တွင် လယ်ယာလုပ်ငန်း၀င်ငွေဆုံးရှုံးမှု ဖြစ်နိုင်ချေ အသီးသီးကို လေ့လာသုံးသပ် ခွဲခြမ်း စိတ်ဖြာထားသည်။

မြန်မာနိုင်ငံ ဆန်စပါးအသင်းချုပ် (MRF) ၏ အစီရင်ခံစာအရ ၂၀၂၅-၂၀၂၆ ခုနှစ် ၏ လက်ရှိ ဘဏ္ဍာရေးနှစ် ဧပြီမှ သြဂုတ်အတွင်း လစဉ် ဆန်တန်ချိန် ၂၀၀,၀၀၀ ခန့် တင်ပို့ထားကြောင်း သိရသည်။ အဖွဲ့ချုပ် သည် စက်တင်ဘာတွင် နိုင်ငံတကာဈေး ကွက်သို့ ဆန်တန်ချိန် ၂၀၀,၀၀၀ တင်ပို့ရန် ရည်မှန်းထားသည်။ မြန်မာနိုင်ငံ ဆန်စပါးအသင်းချုပ် သည် အောက်တိုဘာမှ စတင်၍ ၂၀၂၆ ခုနှစ် မတ်အထိ တစ်လလျှင် တန်ချိန် ၃၀၀,၀၀၀ သို့ ပို့ကုန် ပမာဏ မြှင့်တင်ရန် ကြိုးပမ်းလျက်ရှိသည်။

MRF သည် ဘင်္ဂလားဒေ့ရှ်နှင့် တရုတ်နိုင်ငံတို့ကဲ့သို့ အိမ်နီးချင်းနိုင်ငံများကို ဦးစားပေး အစီအစဉ်ချမှတ် လုပ်ဆောင်နေပါသည်။ ပြီးခဲ့သည့်လက ကမ္ဘာ့ဆန်စျေးနှုန်းများ သိသိသာသာ ကျဆင်းသွားသော် လည်း ဆန်ဈေးကျရန် မဖြစ်နိုင်ကြောင်း ကျွမ်းကျင်ပညာရှင်များက သုံးသပ် ထောက်ပြကြသည်။    မြန်မာ နိုင်ငံ ဆန်စပါးအသင်းချုပ် (MRF) သည် ပို့ကုန်ကုမ္ပဏီများအား ဒေသ အသီးသီးရှိ ပွဲစားများ၊ ကုန်သည်များနှင့် ချိတ်ဆက်ကာ ဆန်ဝယ်ယူမှုများ ဆက်လက်လုပ်ဆောင်ရန် တောင်းဆိုထားသည်။ ကုန်စည်ပို့ဆောင်ခြင်း၊ ဆန်ကြိတ်ခွဲခြင်းနှင့် ပို့ကုန်ဈေးကွက်များတွင် အဆင်မပြေမှုများ ရှိပါက MRF သို့ ဆက်သွယ်နိုင်ပြီး လုပ်ငန်းဆောင်ရွက်မူ အစီရင်ခံစာကို export@mif.com.mm မှတစ်ဆင့် သောကြာနေ့တိုင်း MRF သို့ ပေးပို့နိုင်ကြောင်း မြန်မာနိုင်ငံ ဆန်စပါးအသင်းချုပ် (MRF)  ၏ အသိပေးချက်တွင် ဖော်ပြထားကြောင်းသိရှိရသည်။ 

အေးအေးခိုင်

https://www.gnlm.com.mm/mrf-urges-members-to-keep-buying-rice/