မန္တလေးဈေးကွက်
ဆန်
မန္တလေးဈေးကွက်တွင် မြို့တွင်းစားသုံးရန် ဝယ်ယူမှုသာရှိခြင်း၊ နယ်ဝေးတင်ပို့ရမှု မရှိခြင်းကြောင့် ရွှေဘိုပေါ်ဆန်းတစ်အိတ် ၁၄၅၀၀၀ကျပ်၊ ရန်ကုန်ပေါ်ဆန်း တစ်အိတ် ၁၃၀၀၀၀ ကျပ်ဖြင့် ဈေးတည်ငြိမ်နေသည်။ မနောသုခဆန်မှာ မြို့တွင်းစားမှုပုံမှန်ရှိခြင်း အဝင်နည်းခြင်းကြောင့် တစ်အိတ် ၈၈၀၀၀ကျပ်မှ ၉၀၀၀၀ကျပ်သို့ ဈေးမသိမသာ မြင့်သွားသည်။ ငစိန်ဆန်နှင့် ဇီယာဆန်မှာ ရန်ကုန်ဈေးကွက်မှတစ်ဆင့် ဝင်ရောက်သောဆန်ဖြစ်ပြီး ငစိန်ဆန်မှာ မုန့်လုပ်ငန်းသမားများ အဝယ်ပုံမှန်ရှိခြင်းကြောင့် အဝင်ပုံမှန်ရှိသော်လည်း တစ်အိတ် ၇၅၀၀၀ကျပ်မှ ၇၈၀၀၀ကျပ်သို့ ဈေးမသိမသာမြင့်သွားပြီး ဇီယာဆန်မှာ အဝင်ပုံမှန် စားသုံးမှုပုံမှန် ရှိခြင်း၊ နယ်ဝေးတင်ပို့ရမှု မရှိခြင်းကြောင့် အသစ်တစ်အိတ် ၇၅၀၀၀ကျပ်၊ အဟောင်းတစ်အိတ် ၉၀၀၀၀ ကျပ်ဖြင့် ဈေးတည်ငြိမ်နေသည်။ ဧရာမင်းဆန်မှာ အသစ်များဝင်ရောက်မှုရှိသော်လည်း မြို့တွင်းစားသုံးမှုပုံမှန်ရှိခြင်းကြောင့် တစ်အိတ် ၁၃၀၀၀၀ကျပ်မှ ၁၄၀၀၀၀ကျပ်သို့ ဈေးမြင့်သွားသည်။
ဆီထွက်သီးနှံနှင့် ဆီ
မန္တလေးပွဲစားကုန်သည် စက်ပိုင်ကထိန်တော်အသင်းတွင် မြေပဲ (လုံးဆန်)မှာ မိုးမြေပဲအသစ်မဝင်သေးသော်လည်း ဝင်ချိန်နီးသဖြင့် လှောင်သမား ထုတ်ရောင်းမှုရှိခြင်း၊ လုပ်ငန်းသမားနှင့် အကြော်အလှော်သမားဝယ် ယူမှုရှိ ခြင်းကြောင့် အရည် အသွေးအကောင်းဆုံး ၁၀၀ပိဿာ ၁၂၀၀၀၀၀ကျပ်မှ ၁၁၀၀၀၀၀ကျပ်သို့ ဈေးနိမ့်သွားပြီး မြေပဲ (ဆီဆန်)မှာ ဆီစက်သမားအဝယ်ပုံမှန်ရှိခြင်း၊ အသစ်ဝင်ချိန်နီး၍ လှောင်သမား ထုတ်ရောင်းမှု ရှိခြင်းကြောင့် ၁၀၀ပိဿာ အရည်အသွေးအကောင်းဆုံး ၁၀၀၀၀၀၀ ကျပ်မှ ၉၅၀၀၀၀ ကျပ်သို့ ဈေးနိမ့်သွားသည်။
နှမ်းဖြူမှာ လုပ်ငန်းသမားအဝယ်ရှိခြင်း၊ မိုးနှမ်းအသစ်စတင်ဝင် ရောက်ခြင်းကြောင့် ၄၅ပိဿာ အရည်အသွေးအကောင်းဆုံး ၄၅၅၀၀၀ကျပ်ဖြင့် ဈေးတည် ငြိမ်နေပြီး၊ နှမ်းညိုမှာ ဆီစက်သမားအဝယ်နည်းခြင်း အသစ်ဝင်ချိန်နီး၍ လှောင်သမားထုတ်ရောင်းမှုရှိခြင်းကြောင့် ၄၅ပိဿာ ၄၀၀၀၀၀ ကျပ်မှ ၃၆၅၀၀၀ကျပ်သို့ ဈေးမသိမသာနိမ့်သွားသည်။ နှမ်းနက်မှာ အရည် အသွေးကောင်းများအားတရုတ်ဝယ်လက်အနည်းငယ်ရှိခြင်း၊ အရည်အသွေးပေါ်မူတည်၍ ဈေးကွာခြားခြင်းကြောင့် အရည်အသွေးအနိမ့်ဆုံး ၅၃၀၀၀၀ ကျပ်မှ အကောင်းဆုံး ၆၈၀၀၀၀ ကျပ် ဈေးအမျိုးမျိုးဖြင့် ရောင်းဝယ်မှုရှိသည်။
ပန်းနှမ်းဈေးနှုန်းအနေဖြင့် ပစ္စည်းရှားသော်လည်း အရောင်းအဝယ်အေးခြင်းကြောင့် ၄၅ပိဿာ ၃၀၅၀၀၀ကျပ်မှ ၂၈၀၀၀၀ကျပ်သို့ ဈေးနိမ့်သွားသည်။ နေကြာဈေးနှုန်းအနေဖြင့် မိုးနေကြာ စတင်ဝင်ရောက်မှုရှိခြင်း၊ ဆီစက်သမားအဝယ်ပုံမှန်ရှိခြင်းကြောင့် ၂၇ပိဿာ ၂၂၀၀၀၀ ကျပ်မှ ၂၀၅၀၀၀ ကျပ်သို့ ဈေးမသိမသာနိမ့်သွားသည်။ ဆီဈေးနှုန်းများအနေဖြင့် ပဲဆီတစ်ပိဿာ ၂၀၀၀၀ကျပ်၊ နှမ်းဆီတစ်ပိဿာ ၁၇၅၀၀ကျပ်၊ ပဲပုတ်ဆီ ၁၂၀၀၀ကျပ်၊
ပန်းနှမ်းဆီ ၁၆၀၀၀ကျပ် ဈေးဖြင့် ရောင်းဝယ်နေသည်။
စားဖိုဆောင်သီးနှံ
ဒေသစုံ (ကျောက်ဆည်၊ မြစ်သား၊ သာစည်၊ ပျော်ဘွယ်၊ မိတ္ထိလာ၊ မြင်းခြံ၊ မြင်းမူ စသောဒေသများ)မှ ဝင်ရောက်မှုရှိခြင်းကြောင့် ငရုတ် ခြောက်(ရှည်) တစ်ပိဿာ ၁၂၀၀၀ကျပ်၊ ငရုတ်ခြောက်(လတ်) တစ်ပိဿာ ၇၀၀၀မှ ၈၀၀၀ကျပ်၊ ငရုတ်ခြောက်(ပွ)များ ဧရာဝတီတိုင်းမှ Air con ပွများ ဝင်ရာက်ပြီး တစ်ပိဿာ ၁၅၀၀၀ကျပ်ဖြင့် မြို့တွင်းသုံး ဝယ်ယူမှုများသာ ရှိနေသည်။
ကြက်သွန်နီအနေဖြင့် နယ်စုံကြက်သွန်အဟောင်းများသာရှိပြီး အသစ်မဝင်သေး သော်လည်း နယ်ဝေးမရှိဘဲ မြို့တွင်းစားသုံးရန် ဝယ်ယူမှုသာရှိခြင်းကြောင့် တစ်ပိဿာလျှင်ကြီး ၂၄၀၀ကျပ်၊ လတ်တစ်ပိဿာ ၂၂၀၀ ကျပ်၊ သေးတစ်ပိဿာ ၂၀၀၀ကျပ်ဖြင့် ဈေးတည်ငြိမ်နေသည်။ ကြက်သွန်ဖြူ တရုတ်မှာ လမ်းပမ်းဆက်သွယ်ရေးကြောင့် အဝင်နည်းပြီး လှောင်လက်ထံမှဝယ်ရခြင်း ကြောင့် အဝေးတင်ပို့ရမှုမရှိသော်လည်း ၁၉၀၀၀ကျပ်ဖြင့် ဈေးငြိမ်နေသည်။ ကြက်သွန်ဖြူ ရှမ်း မှာ အရည်အသွေးပေါ်မူတည်၍ အညံ့ဆုံး တစ်ပိဿာ ၈၀၀၀ ကျပ်မှ အကောင်းဆုံး ၁၅၀၀၀ကျပ်ထိ ဈေးအမျိုးမျိုးဖြင့် ရောင်းဝယ်နေသည်။ ကြက်သွန်ဖြူ (မြန်မာ)မှာ ရာသီကုန်ဖြစ်၍ ပစ္စည်းရှားခြင်း ကြောင့် တစ်ပိဿာ ၁၅၀၀၀ကျပ်ထိ ဈေးမြင့်နေသည်။ တရုတ်အာလူးများ ပစ္စည်းရှားခြင်းကြောင့် အရောင်းအဝယ်မရှိ သလောက်ဖြစ်နေပြီး အောင်ပန်းအာလူးများကိုသာတွေ့ရပြီး အရည်အသွေးပေါ်မူတည်၍ အညံ့ဆုံး တစ်ပိဿာ ၂၅၀၀ကျပ်မှ အကောင်းဆုံး ၄၀၀၀ကျပ်ထိ ဈေးမြင့်နေသည်။
ပဲမျိုးစုံ
မန္တလေးကုန်စည်ဒိုင်တွင် မတ်ပဲအသစ်များ ဝင်ရောက်မှုမရှိသေးခြင်း၊ လက်ကျန်နည်း ခြင်းကြောင့် ၃တင်းတစ်အိတ် အရည်အသွေးအကောင်းဆုံး ၃၅၀၀၀၀ကျပ်မှ ၃၆၀၀၀၀ကျပ် သို့ ဈေးမသိမသာမြင့်သွားသည်။ ပဲတီစိမ်း(အညာ)မှာ မိုးစိုက်ပဲတီစိမ်းများ ဝင်ရောက်ချိန်နီးခြင်း၊ တရုတ်ဝယ်လက် နည်းခြင်းကြောင့် ၃တင်းတစ်အိတ် ၂၆၅၀၀၀ကျပ်မှ ၂၅၅၀၀၀ကျပ်သို့ ဈေးနိမ့်သွား သည်။
ပဲစဉ်းငုံ(ဖြူ/နီ)တို့မှာလက်ကျန်နည်းပစ္စည်းရှားခြင်းကြောင့် အ ရောင်းအဝယ်ဖြစ်မှု နည်း သော်လည်း ပဲစဉ်းငုံဖြူ တစ်အိတ် ၄၁၅၀၀၀ကျပ်မှ ၄၃၅၀၀၀ကျပ်သို့ ဈေးမြင့်သွားပြီး၊ ပဲစဉ်းငုံနီ ၄၅၅၀၀၀ကျပ်ဖြင့် ဈေးတည်ငြိမ်နေသည်။
ကုလားပဲ (လုံးဖြူကြီး)မှာ လက်ကျန်နည်းခြင်း၊ လုပ်ငန်းသမားအဝယ်ရှိခြင်းကြောင့် ၃တင်း တစ်အိတ် ၃၀၅၀၀၀ကျပ်မှ ၃၁၅၀၀၀ကျပ်သို့လည်းကောင်း၊ လုံးဝါကြီးမှာ ခွဲစက်များ ဝယ်ယူမှုရှိခြင်းကြောင့် ၂၈၀၀၀၀ကျပ်မှ ၂၈၂၀၀၀ကျပ်သို့လည်းကောင်း ဈေးမြင့်သွားသည်။ ခွဲခြမ်းမှာ အဝင်ပုံမှန် မြို့တွင်းသုံးပုံမှန်ရှိခြင်းကြောင့် တစ်ပိဿာ ၇၀၀၀ကျပ်ဖြင့် ဈေးတည် ငြိမ်နေသည်။
ပဲယင်း၊ မြေတောက်ပဲ၊ စားတော်ပဲ(ကျွန်း)တို့အနေဖြင့် ပဲယင်းမှာ လက်ကျန်နည်း ပစ္စည်း ရှားခြင်းကြောင့် ၃တင်းတစ်အိတ် အရည်အသွေးအကောင်းဆုံး ၁၉၀၀၀၀ကျပ်မှ ၁၉၅၀၀၀ ကျပ်သို့ ဈေးမြင့်သွားပြီး မြေတောက်ပဲမှာ လှောင်သမားထုတ်ရောင်းမှုရှိခြင်း၊ ပြည်ပပို့ရန် အဝယ် မရှိခြင်းကြောင့် ၃တင်းတစ်အိတ် ၃၅၀၀၀၀ကျပ်မှ ၃၁၀၀၀၀ကျပ်သို့ ဈေးမသိမ သာနိမ့်သွားသည်။ စားတော်ပဲ (ကျွန်း)မှာ လက်ကျန်နည်းခြင်း၊ စားတော်ပဲ(ကနေဒါ) ဈေးမြင့်ခြင်း၊ လက်လီသမား အဝယ်များခြင်း ကြောင့် ၃တင်းတစ်အိတ် ၃၅၀၀၀၀မှ ၄၀၀၀၀၀ကျပ်ထိ ဈေးမြင့်သွားသည်။
ပဲကြီး(ကြီး/သေး)၊ ထောပတ်ပဲ(ကြီး/သေး)တို့မှာ လက်ကျန်နည်းသော်လည်း မိုးပဲ ဝင်ရောက်ချိန်နီးခြင်း၊ ပြည်ပပို့ရန်အဝယ်မရှိသေးခြင်း၊ မြို့တွင်းလုပ်ငန်းသမား ဝယ်ယူမှုသာရှိခြင်း၊ ထို့ကြောင့် ပဲကြီး(ကြီး)မှာ ၃တင်းတစ်အိတ် အရည်အသွေးအကောင်းဆုံး ၃၀၀၀၀၀ကျပ်မှ ၂၈၀၀၀၀ ကျပ်သို့ ဈေးနိမ့်သွားပြီး ပဲကြီး(သေး)တစ်အိတ် ၂၂၀၀၀၀ကျပ်၊ ထောပတ် ပဲ(ကြီး)၄၀၀၀၀၀ကျပ်၊ ထောပတ်ပဲ (သေး) ၃၇၀၀၀၀ကျပ်ဖြင့် ဈေးတည်ငြိမ်နေသည်။
ဂျုံနှင့်အစေ့ထုတ်ပြောင်း
ဂျုံစိုက်ဧက နည်း၊ အထွက်နည်း၊ အဝင်နည်းခဲ့ခြင်းကြောင့် ပစ္စည်းရှားခြင်း၊ နိုင်ငံခြားဂျုံဈေးမြင့်ခြင်း၊ လုပ်ငန်းသမားနှင့် ဂျုံစက်များ အဝယ်ပုံမှန်ရှိခြင်း၊ လှောင်သမားထံမှ ဝယ်ရခြင်း ကြောင့် ငါန်းဇွန်၊ မြင်းမူ၊ မြောင်၊ ဆားတောင်၊ ဘုတလင်၊ မုံရွာ ဂျုံ၃တင်းတစ်အိတ် ၂၂၀၀၀၀ ကျပ်မှ ၂၃၀၀၀၀ ကျပ်သို့ ဈေးမြင့်သွားပြီး ရှမ်းဂျုံမှာ ဂျုံထွက်နည်းခြင်းကြောင့် အဝယ်နည်းခြင်း၊ အရောင်းအ ဝယ်အေးခြင်း ကြောင့် ၁၉၀၀၀၀ကျပ်ဖြင့် ဈေးတည်ငြိမ်နေသည်။ ဩစတေးလျဂျုံမှုန့် တစ်ပိဿာလျှင် ၃၇၀၀ကျပ်ဖြင့် ဈေးတည်ငြိမ်နေသည်။
အစေ့ထုတ်ပြောင်းဈေးနှုန်းအနေဖြင့် ပင်ရင်းဒေသမှ တိုက်ရိုက်ဝယ်ယူမှုရှိသဖြင့် မန္တလေး ဈေးကွက်အတွင်းအဝင်နည်းခြင်း၊ အစာစပ်သမား ဝယ်ယူမှုပုံမှန်ရှိခြင်းကြောင့် တစ်အိတ် ၈၄၀၀၀ ကျပ်မှ ၈၅၀၀၀ ကျပ်သို့ ဈေးမြင့်သွားသည်။
ဟင်းသီး/ရွက်နှင့် သစ်သီးဝလံ
မန္တလေးသီရိမာလာဈေးတွင် အောင်ပန်း၊ ပြင်ဦးလွင်တို့မှ ဂေါ်ဖီထုပ် တစ်ထုပ် ၈၀၀ ကျပ်၊ ပန်းမုံလာ တစ်ပွင့် ၇၀၀ကျပ်မှ ၁၀၀၀ကျပ်၊ ခရမ်းသီးတစ်ပိဿာ ၁၅၀၀၀ကျပ်၊ မုန်ညင်းဖြူ ၂၂ပိဿာဝင် တစ်အိတ်၁၀၀၀၀ကျပ်၊ ပြောင်းဖူး ၁၀၀ဖူးလျှင် ၂၅၀၀၀ကျပ်၊ ဂေါ်ရခါးသီး တစ်လုံး ၂၅၀ကျပ် ဈေးရှိပြီး ကျောက်ဆည်၊ မိတ္ထီလာ၊ ဖြူး၊ ကညွတ်ကွင်းစသော မြို့များသို့ တင်ပို့မှုရှိသည်။
ငရုတ်စို (ရှည်) နှင့် (လတ်)မှာ တပ်ကုန်း၊ သာစည်၊ ပြင်ဦးလွင် ထို့အပြင် မုံရွာ၊ ချောင်းဦး မှလည်း စတင်ထွက်ရှိလာသဖြင့် ငရုတ်စို(ရှည်) တစ်ပိဿာ ၂၅၀၀ကျပ်၊ ငရုတ်စို (လတ်)တစ်ပိဿာ ၇၀၀၀ကျပ်ဖြင့် ငပိထောင်းလက်ဖက်သမားဝယ်ယူမှုသာရှိသည်။
သစ်သီးဝလံဈေးနှုန်းအနေဖြင့် နာနတ်သီးများ လှိုင်လှိုင်ဝင်ရောက်ပြီး တစ်လုံးလျှင် ၈၀၀ကျပ် မှ ၁၀၀၀ကျပ်၊ ပန်းသီး(အိတ်စွပ်) ၁၀၀လုံးပါတစ်ခြင်း ၉၅၀၀၀ကျပ်၊ မော်လမြိုင် ကျွဲကောသီး ၄၀လုံး ဝင်တစ်အိတ် ၆၀၀၀၀ကျပ်၊ ရမည်းသင်း၊ ပျော်ဘွယ် စပျစ်သီးတစ်ပိဿာ ၆၀၀၀ကျပ် ဈေးဖြင့် အမှာရှိသော မြို့များသို့ တင်ပို့မှုရှိသည်။
ခင်မေကြည်