တရုတ်နိုင်ငံ၏ အချဉ်ဖောက်တိရစ္ဆာန်စာ တွန်းအားပေးမှုကြောင့် ကမ္ဘာလုံးဆိုင်ရာ ပဲတီစိမ်း/ပဲပုပ် ကုန်သွယ်မှု ပြောင်းလဲလာနိုင်
တရုတ်နိုင်ငံ၏ စိုက်ပျိုးရေးဆိုင်ရာ ကိုယ်တိုင်ဖူလုံရေး ကြိုးပမ်းမှုသည် ကမ္ဘာလုံးဆိုင်ရာ တိရစ္ဆာန်စာနှင့် ဆီထွက်သီးနှံကဏ္ဍကို ပြန်လည်ပုံဖော်လာနေပြီး၊ ပဲပုပ် (Soybean) သည် ၎င်းတို့၏ စားနပ်ရိက္ခာဖူလုံရေး အစီအစဉ်တွင် ထိရှလွယ်သော ကုန်စည်တစ်ခုအဖြစ် ပေါ်ထွက်လာသည်။
ယခုနှစ်အစောပိုင်းတွင် တရုတ်နိုင်ငံသည် ပြည်တွင်းထုတ်လုပ်မှုနှင့် တိရစ္ဆာန်စာ အကျိုးရှိစွာ အသုံးချမှုကို အားကောင်းစေပြီး၊ တင်သွင်းလာသော စိုက်ပျိုးရေးကုန်စည်များအပေါ် မှီခိုမှုကို လျှော့ချရန် ရည်ရွယ်သည့် ၁၀ နှစ်တာ စိုက်ပျိုးရေးစီမံကိန်းအသစ်ကို ထုတ်ဖော်ခဲ့သည်။ အဆိုပါ မဟာဗျူဟာ၏ ဗဟိုချက်တွင် ပဲပုပ်ဖတ် (Soybean Meal) ရှိနေသည်။
လက်ရှိတွင် တရုတ်နိုင်ငံသည် ကမ္ဘာလုံးဆိုင်ရာ ပဲပုပ်ကုန်သွယ်မှု၏ ၆၀ ရာခိုင်နှုန်းခန့်ကို သိမ်းပိုက်ထားပြီး ကမ္ဘာ့အကြီးဆုံး ပဲပုပ်တင်သွင်းသူ ဖြစ်သည်။ ၂၀၂၅ ခုနှစ်တွင် တရုတ်နိုင်ငံသည် အမေရိကန်ဒေါ်လာ ၅၂ ဒသမ ၇ ဘီလီယံ တန်ဖိုးရှိ ပဲပုပ် မက်ထရစ်တန်ချိန် ၁၁၁ ဒသမ ၈ သန်းကို စံချိန်တင် တင်သွင်းခဲ့ပြီး လေးပုံတစ်ပုံခန့်ကို အမေရိကန်နိုင်ငံမှ တင်သွင်းခဲ့ခြင်း ဖြစ်သည်။
သို့သော်လည်း အမေရိကန်နှင့် တရုတ်နိုင်ငံအကြား ပထဝီနိုင်ငံရေး တင်းမာမှုများ ဆက်ရှိနေသဖြင့် ပေကျင်းအစိုးရသည် ပဲပုပ်တင်သွင်းမှုအပေါ် အလွန်အမင်း မှီခိုနေရခြင်းကို ထိခိုက်လွယ်သော အချက်တစ်ခုအဖြစ် ရှုမြင်လျက်ရှိသည်။
TTP
www.asian-agribiz.com
(11 May)