ထုပ်ပိုးမှုစရိတ် မြင့်တက်လာခြင်းက ထိုင်းနိုင်ငံ၏ ကြက်သားတင်ပို့မှုကဏ္ဍကို စိန်ခေါ်လျက်ရှိ
ပြည်တွင်းနှင့် ပြည်ပစျေးကွက်များသို့ ကြက်သားထုတ်ကုန်များ တင်ပို့ရန်အတွက် မရှိမဖြစ်လိုအပ်သော ပလတ်စတစ်အိတ်များသည် ထိုင်းကြက်သားလုပ်ငန်းအတွက် ကြီးမားသော စိုးရိမ်ပူပန်မှု ဖြစ်လာလျက်ရှိကြောင်း သိရသည်။
အရှေ့အလယ်ပိုင်း ပဋိပက္ခကြောင့် ရေနံထောက်ပံ့မှုနှင့် ဆက်စပ်လုပ်ငန်းများ အနှောင့်အယှက်ဖြစ်ကာ ပလတ်စတစ်အိတ်စျေးနှုန်းများ ၈-၁၀ ရာခိုင်နှုန်းခန့် မြင့်တက်လာကြောင်း ထိုင်းကြက်သားထုတ် လုပ် တင်ပို့သူများအသင်း မန်နေဂျာ Kukrit Areepakorn က Asian
Agribiz သို့ ပြောကြားခဲ့သည်။
“ကြက်သားထုတ်လုပ်သူတွေဟာ လက်ရှိမှာ ကုန်ကျစရိတ် ပိုများလာတာနဲ့ ရင်ဆိုင်နေရပါတယ်။ ဒါပေမဲ့ အနာဂတ်မှာ ပစ္စည်းပြတ်လပ်မှု ရှိမရှိဆိုတာတော့ မသေချာသေးပါဘူး” ဟု ၎င်းကဆိုကာ ကုမ္ပဏီများတွင် ကိုယ်ပိုင်အရန်ပစ္စည်းများ ရှိထားကြောင်း ထည့်သွင်းပြောကြားခဲ့သည်။ ထိုင်းနိုင်ငံသည် ပုံမှန်အားဖြင့် ယူအေအီး (UAE) နိုင်ငံသို့ တစ်နှစ်လျှင် ကြက်သားတန်ချိန် ၂၀,၀၀၀ တင်ပို့သော်လည်း ပင်လယ်ရေကြောင်း သယ်ယူပို့ဆောင်ရေး အခက်အခဲများကြောင့် ယင်းတင်ပို့မှုများကို ရပ်ဆိုင်းထားရသည်။
TTP
www.asian-agribiz.com(26-3-2026)