ဒေသတွင်း အပြောင်းအလဲများကြား တိရစ္ဆာန်အစာစရိတ်ကို ဗီယက်နမ် စောင့်ကြည့်နေ
အရှေ့အလယ်ပိုင်းတွင် တင်းမာမှုများ မြင့်တက်လာခြင်းကြောင့် ဗီယက်နမ်နိုင်ငံ၏ တိရစ္ဆာန်အစာစရိတ်သည် ၁၀ ရာခိုင်နှုန်းအထိ မြင့်တက်လာနိုင်ကြောင်း စိုက်ပျိုးရေးနှင့်ပတ်ဝန်းကျင်ဝန်ကြီးဌာနအောက် ရှိ မွေးမြူရေးနှင့် တိရစ္ဆာန်ဆေးကုသရေးဌာနက ပြောကြားခဲ့သည်။
ဟော်မုဇ်ရေလက်ကြား (Straits of Hormuz) တွင် အနှောင့်အယှက်အချို့ ဖြစ်ပေါ်နေခြင်းကြောင့် ကမ္ဘာ့အစာကုန်ကြမ်းစျေးနှုန်းများမှာ ပြောင်း (၂-၄ ရာခိုင်နှုန်း)၊ ပဲပုပ် (၁-၂ ရာခိုင်နှုန်း) နှင့် ဂျုံစျေးနှုန်းမှာ ရှစ်လအတွင်း အမြင့်ဆုံးသို့ ရောက်ရှိသွားသည်။ ဗီယက်နမ်သည် ၎င်း၏ အစာကုန်ကြမ်း ၆၀-၇၀ ရာခိုင်နှုန်း (နှစ်စဉ် တန်ချိန် ၂၂-၂၄ သန်းခန့်) ကို တင်သွင်းနေရသဖြင့် စရိတ်ကြီးမြင့်မှုဒဏ်ကို ခံရနိုင်ခြေရှိသည်။
အာဏာပိုင်များက ဖြစ်နိုင်ခြေနှစ်ခုကို ချပြထားသည်။ အကယ်၍ မတ်လအတွင်း ပဋိပက္ခများ လျော့ ပါးသွားပါက အစာစျေးနှုန်း ၃-၅ ရာခိုင်နှုန်း ပြန်ကျနိုင်သည်။ သို့သော် ဧပြီအထိ ဆက်လက်ဖြစ်ပွားနေပါက ၇-၁၀ ရာခိုင်နှုန်းအထိ မြင့်တက်သွားနိုင်ပြီး မွေးမြူသူများ၏ အကျိုးအမြတ်ကို ထိခိုက်စေနိုင်ကြောင်း သိရှိရသည်။
TTP
www.asian-agribiz.com(27-3-2026)