ဖိလစ်ပိုင်တွင် ကြက်သွန်နီရိတ်သိမ်းရာသီစတင်သည်နှင့် ဈေးနှုန်းများတည်ငြိမ်လာမည်ဟု ခန့်မှန်း

ဖိလစ်ပိုင်နိုင်ငံတွင် ကြက်သွန်နီဈေးများသည် ရိတ်သိမ်းချိန်ရောက်ရှိလာပြီး ဒေသဈေးကွက်များသို့ စတင်ရောက်ရှိလာသကဲ့သို့ ဇန်နဝါရီလမှ စတင်၍ ကြက်သွန်နီဈေးနှုန်းများ တည်ငြိမ်လာမည်ဟု မျှော်လင့်ရသည်။ ယခုချိန်ထိ အမြင့်ဈေးနှုန်းဖြင့် ရက်သတ္တပတ်များစွာဖြစ် လျက်ရှိပါသည်။

စိုက်ပျိုးရေးဝန်ကြီးဌာန၊ အရှေ့ဗီဆာယားဒေသ အစီရင်ခံစာအရ MIMAROPA နှင့် Ilocos ဒေသကဲ့သို့သော အဓိကထုတ်လုပ်သည့်ဒေသများမှ အသစ်ထွက်ရှိလာမည့် ကြက်သွန်နီများသည် မကြာသေးမီက ကြုံတွေ့ခဲ့ရသော ကြက်သွန်နီပြတ်တောက်မှုကို သက်သာစေမည်ဟု ခန့်မှန်းရသည်။ ယခုကဲ့သို့ ပြတ်တောက်မှုများမှာ ပြီးခဲ့သည့်နှစ်ကုန်ပိုင်းက ရာသီဥတုဆိုင်ရာ အကြောင်းအရင်းများနှင့် ပို့ဆောင်ရေး ကုန်ကျစရိတ် မြင့်မားခြင်းတို့နှင့် ဆက်စပ်နေသည်။

ကြက်သွန်နီထုတ်လုပ်မှုပမာဏ တိုးတက်လာသည်နှင့်အမျှ စျေးကွက်အရောင်းအဝယ်ပြုသူများက ရောင်းအားနှင့်ဝယ်အား ပိုမိုမျှတလာမည်ဟု မျှော်လင့်ကြသည်။ DA-8 ၏ အမှုဆောင် Imelda G. Cantoneros က "ဇန်နဝါရီလ ရိတ်သိမ်းမှုစတင်လာပြီးနောက် ဈေးနှုန်းများ တဖြည်း ဖြည်း ပုံမှန်အတိုင်းပြန်ဖြစ်လာမည်" ဟု ပြောကြားခဲ့သည်။

စျေးကွက်ရောင်းဝယ်သူများသည် မကြာသေးမီက ဈေးနှုန်းမတည်ငြိမ်မှုများသည် ကုန်သွယ်ရေးလုပ်ငန်းဆောင်တာများနှင့် အိမ်ထောင်စုအသုံးစရိတ်ပုံစံများကို ထိခိုက်ခဲ့ကြောင်း ဖော်ပြခဲ့ကြပြီး စားသုံးသူများကလည်း ကြက်သွန်နီဈေးနှုန်း ပိုမိုတည်ငြိမ်မှုရှိခြင်းဖြင့် အကန့်အသတ်ဖြစ်နေသော  အစားအသောက်အတွက် ကုန်ကျစရိတ်စုစုပေါင်းကို ကူညီနိုင်မည်ဟု မျှော်လင့်ခဲ့ကြသည်။

ဒီဇင်ဘာလအတွင်း ကြက်သွန်နီဈေးနှုန်းသည် တစ်ကီလိုဂရမ်လျှင် ဖိလစ်ပိုင်ပီဆို ၇၀၀ အထိ (အမေရိကန်ဒေါ်လာ ၁၂ ဒသမ ၅၀ ခန့်) မြင့်တက်ခဲ့သည်။ ဈေးနှုန်းတက်ခြင်းသည် အားလပ်ရက်ကာလအတွင်း ဝယ်လိုအားမြင့်တက်ခြင်း၊ ရာသီဥတုဆိုင်ရာ အကြောင်းများကြောင့် ကုန်ထုတ်လုပ်မှု ဆုံးရှုံးခြင်း၊ ဈေးကွက်တွင်း ကြက်သွန်ဖြည့်ဆည်းပေးရေးအခက်အခဲများနှင့် တိုက်ဆိုင်ခဲ့သည်။ အလားတူဈေးတက်မှုကို ထိုကာလအတွင်း အခြားသော စိုက်ပျိုးထုတ်ကုန်များတွင်လည်း တွေ့ရှိရပါသည်။

ဤအခြေအနေကို တုံ့ပြန်သည့်အနေဖြင့် စိုက်ပျိုးရေးဉီးစီးဌာနက စျေးကွက်စောင့်ကြည့်ခြင်းကို တိုးမြှင့်ခြင်း၊ ထုတ်လုပ်မှုအရှိန်မြှင့်တင်ခြင်း၊ လက်ရှိသိုလှောင်ထားသည့် ကြက်သွန်နီများကို ဈေးကွက်ထဲသို့ ထုတ်ပေးခြင်းနှင့် ဖြန့်ဖြူးရေးလမ်း ကြောင်းများ တိုးချဲ့ပေးခြင်းတို့ကို ဆောင်ရွက်ခဲ့သည်။ အားလပ်ရက်ကာလအလယ်ပိုင်းတွင် ကြက်သွန်နီအတွက် အများဆုံးခန့်မှန်းလက်လီ ဈေးနှုန်းကိုလည်း သတ်မှတ်ပေးခဲ့သည်။

စိုက်ပျိုးရေးဉီးစီးဌာနက ဈေးနှုန်းများ တည်ငြိမ်လာမည်ဟု မျှော်လင့်ထားသော်လည်း လောင်စာဆီကုန်ကျစရိတ်နှင့် ရာသီဥတုအခြေအနေများကဲ့သို့သော ပြင်ပအချက်များသည် စျေးကွက်အခြေအနေအပေါ် ဆက်လက်သက်ရောက်မှုရှိနိုင်ကြောင်း ဖော်ပြခဲ့သည်။ သို့သော်လည်း ရိတ်သိမ်းချိန်ကာလစတင်ခြင်းသည် ဈေးနှုန်းများ တဖြည်းဖြည်း တည်ငြိမ်လာရန် အထောက်အကူပြုမည်ဟု မျှော်မှန်းထားသည်။

အာဏာပိုင်များက ကြက်သွန်နီ ဖြည့်ဆည်းပေးနိုင်မည့် ပမာဏကို ဆက်လက်စောင့်ကြည့်နေပြီး ဈေးနှုန်းများ လိုသလို ခြယ်လှယ်ခြင်းကို တားဆီးရန်နှင့် တစ်နိုင်ငံလုံးရှိ ဈေးကွက်များသို့ ကြက်သွန်နီများ ပုံမှန်စီးဆင်းရောက်ရှိစေရန် ထိန်းချုပ်မှုများ ဆက်လက် တည်ရှိနေကြောင်း ကြေညာခဲ့သည်ကို သိရှိရပါ သည်။ 

အေးအေးခိုင်

https://www.freshplaza.com/asia/article/9801608/philippine-onion-prices-ease-as-january-harvest-begins/