ရုရှားနှင့် အိန္ဒိယကြား ကုန်သွယ်မှု ပမာဏ ငါးနှစ်အတွင်း ခုနစ်ဆတိုးလာ

ရုရှား-အိန္ဒိယ နှစ်နိုင်ငံ ကုန်သွယ်မှုပမာဏသည် လွန်ခဲ့သည့်ငါးနှစ်အတွင်း ခုနှစ်ဆနီးပါး တိုး တက်လာခဲ့ကြောင်း၊ အိန္ဒိယသည် ရုရှား၏ အဓိကနိုင်ငံခြားကုန်သွယ်ရေး မိတ်ဖက်များထဲမှ ထိပ်ဆုံး ၃ နိုင်ငံစာရင်းတွင် ပါဝင်ကြောင်း  ရုရှား ပထမဒုတိယဝန်ကြီးချုပ် Mr. Denis Manturov က ရုရှား-အိန္ဒိယ အစိုးအချင်းချင်း ပူးပေါင်းဆောင်ရွက်ရေးကော်မရှင် အစည်းအဝေးတွင် ပြောကြားခဲ့သည်။

အိန္ဒိယသို့ အဓိကတင်ပို့သည့် ကုန်စည်များမှာ စွမ်းအင်အရင်းအမြစ်များအပြင် ဓာတ်မြေဩဇာများ၊ သတ္ထုထုတ်ကုန်များ၊ သစ်ထွက်ကုန်များ၊ စိန်၊ စွမ်းအင်ဆိုင်ရာ စက်ပစ္စည်းကိရိယာများနှင့် အစားအသောက်များ ဖြစ်သည်။

အိန္ဒိယမှ ရုရှားသို့ အဓိကတင်သွင်းသော ကုန်စည်များမှာ စိုက်ပျိုးရေးထွက်ကုန်များ၊ ဆေးဝါးများနှင့် ကုန်ကြမ်းပစ္စည်းများ၊ အပေါ့စားစက်မှုလုပ်ငန်းသုံး ကုန်ပစ္စည်းများ၊ စက်မှုကုန်ကြမ်းများ၊ စက်ပစ္စည်းကိရိယာများနှင့် အစိတ်အပိုင်းများ ဖြစ်သည်။

ဥရောပအာရှစီးပွားရေးသမဂ္ဂ(Eurasian Economic Union) နှင့် အိန္ဒိယအကြား လွတ်လပ် သောကုန်သွယ်ရေးသဘောတူညီချက် (FTA) ပြင်ဆင်မှုဆိုင်ရာ လုပ်ငန်းစဉ်များကို ဆက်လက်လုပ်ဆောင်သွားမည်ဖြစ် ကြောင်း၊ ရုရှား - အိန္ဒိယ နှစ်နိုင်ငံကြား ဘဏ်လုပ်ငန်းနယ်ပယ်တွင် ပူးပေါင်း ဆောင်ရွက်မှုကိုလည်း ဆက်လက်ဖော်ဆောင်သွားမည်ဖြစ်ကြောင်း၊ ယင်းအပြင် ရုရှားနိုင်ငံသည် အိန္ဒိယသို့ ရေနံနှင့် ရေနံထွက်ပစ္စည်းများ၊ ကျောက်မီး သွေးများကို ဆက်လက်တင်ပို့လျက်ရှိပြီး သဘာဝဓာတ်ငွေ့ရည် (LNG) တင်ပို့နိုင်မှု အလားအလာကိုလည်း Mr. Denis Manturov က အဆိုပါ အစည်းအဝေးတွင် ပြောကြားခဲ့သည်။

အိန္ဒိယသည် ကမ္ဘာ့တတိယမြောက် ရေနံအများဆုံး သုံးစွဲသည့်နိုင်ငံဖြစ်ပြီး တင်သွင်းမှုအပေါ် မှီခိုမှုမြင့်မားသည့် နိုင်ငံဖြစ်သည်။ ရုရှားနှင့် အိန္ဒိယကြား နိုင်ငံတော်သုံး ငွေကြေးများဖြင့် ငွေပေးချေ မှုဝေစုသည် ၉၀ ရာခိုင်နှုန်းကျော်ရှိသည်။

ရုရှားနှင့် အိန္ဒိယကြား နှစ်နိုင်ငံကုန်သွယ်မှုပမာဏသည် ၂၀၂၃ ခုနှစ်တွင် အမေရိကန်ဒေါ် လာ ၆၅ ဘီလီယံခန့်ရှိခဲ့ပြီး ၂၀၂၄ ခုနှစ်တွင် အမေရိကန်ဒေါ်လာ ၇၀ ဒသမ ၆ ဘီလီယံအထိ တိုး တက်ခဲ့သည်။

ခွန်မျိုးသူ

https://ria.ru/20250820/rossiya-2036562788.html